hósdagur 23. juli 2020síða 22

FRÍGGJADAGUR 24. JULI 2020 SOSIALURIN 58 22 TRÓNDUR ARGE Í ár verða tríggir ólavsøkudystir. Mánadagin 27. juli tekur AB móti ÍF á Argjum. Ólavsøkuaftan, týs­dagin 28. juli, tekur HB móti aldursforsetanum úr TB. Ólav­ søkudag, mikudagin 29. juli, kemur Víkingur á vitjan hjá B36. Hartil eru tveir dystir 27. juli. Stórdystur verður í Runavík, har NSÍ og KÍ spæla. Á Skála verður botn-fimm uppgerð millum Skála og EB/Streym. NSÍ-KÍ (Beinleiðis á FM1) Mánadagin klokkan 18.30 DÓMARI: EILER RASMUSSEN Størsta uppgerðin í 13. umfari verður við Løkin í Runavík, har NSÍ tekur móti KÍ. Heimaliðið hevur útmerkað seg sum ein lið, ið letur fá mál ígjøgnum. Tá hevur Petur Knudsen verið teimum góður í hinum enda­ num, men hann er ikki tøkur vegna skaða. Steffan A. Løkin hevur traðka til, men tað verður stór uppgáva hjá honum at spæla móti KÍ. Gestirnir hava Deni Pavlovic og Jákup B. Andreasen við aftur eftir leikbann, og helst verður Ole Erik Midtskogen á vøllinum eisini. Hann sat yvir móti argjamonnum mikukvøldið. KÍ vann í Gøtu móti Víkingi, men annars hevur verið verið soltið við stigum móti hinum topp-fimm liðunum. Írokna vit so at NSÍ hevur eitt sindur verri við at skjóta mál nú, so kann hetta enda við einum málfátækum javnleiki. SOSIALURIN TIPPAR 1-1 Skála-EB/Streymur Mánadagin klokkan 19 DÓMARI: BJARKI DANIELSEN Skálamenn nærkast í hvørjum dysti at fáa stig, men enn eru teir ov stuttir. Tað vóru teir eisini móti NSÍ, sum vann 1-0 miku­ kvøldið. Nú ætla teir sær at byrja at klatra av niðasta plássinum, har teir liggja við einum stigi. Skaðalistin minkar í hvørjum og nú er Andreas Egeberg Jacobsen eisini klárur aftur. Gestirnir hava havt summar­ feriu síðani 2-0 ósigurin fyri HB við Margáir. Nýggjur maður í hópi­num er 20 ára gamli Albert Theis Nielsen. Hann hevur sín fót­bóltsuppruna úr Hvidovre og mamman er úr Sørvági. Hann hevur umboðað Føroyar á ung­ dóms­landsliðnum. Gongdin bendir á, at Skála nærkast einum stigi. SOSIALURIN TIPPAR: 1-1 AB-ÍF (Beinleiðis á FM1) Mánadagin klokkan 19 DÓMARI: JÓHAN HENDRIK ELLEFSEN Fyrsti ólavsøkudysturin í ár verður á Argjum, har AB fær vitjan av ÍF. Argjamenn eru fram­vegis uttan Filip í Liða og Hans Jákup Anfinnsson, og tað er óvist um Jákup Pauli Breckmann verður við. AB vísti tenn í Klaksvík, har liðið kom fram á vøllin at leggja trýst á, men stóð eftir við ongum. Nýggi belgiski miðvallarin, Hannes Deboes, kom á vøllin í seinna hálv­leiki. Hann er nýggjur í hópi­num. Gestirnir hava verið liðið, sum hevur tikið flest fólk á bóli í ár. Fuglfirðingar hava 19 stig á sætta plássi og eru í holt við at gera upp til tosið um topp-fimm og botn-fimm. Uros Stojanov hevur við sínum tíggju málum verið ein lyklaspælari, sum argja­menn nú skulu ansa eftir. Bogi Løkin er møguliga tøkur, meðan Karl Løkin heilt víst verður við. Hetta eru dystirnir, sum ÍF hevur megnað at vinna til sín fyrimun. SOSIALURIN TIPPAR: 1-2 HB-TB (Beinleiðis á FM1) Týsdagin klokkan 18 DÓMARI: DAGFINN FORNÁ TB er aftur í Gundadali á ólav­ søku fyri fyrstu ferð síðani 2012, tá aldursforsetin tapti 4-1 móti B36. HB hevur fyrr havt tað trupult í favoritt-leiklutinum móti feløgum sunnanfyri. Í 2010 tapti HB móti B71 og í 2015 bleiv tað bara til javnleik móti FC Suðuroy. Tá hetta verður skrivað er granna­uppgerðin millum HB og B36 ikki spæld. Tí er ilt at meta um HB-liðið og hvørjum standi teir eru í. HB var oddalið í summarferiuni og kann ikki renna undan leiklutinum sum favoritt­ur. TB verður uttan Dánjal Godt­ fred, sum hevur leikbann. Verju­ parturin hjá TB hevur verið stinn­ur í ár og tað verður tað eisini brúk fyri á ólavsøku. SOSIALURIN TIPPAR: 2-0 B36-Víkingur Mikudagin klokkan 16 DÓMARI: ALEX TROLEIS Stóri dysturin á ólavsøku er ólavsøkudag millum B36 og Víking. Árstalsfelagið hevur fingið vind í seglini og ætlar sær at bjóða av um FM aftur í ár. Liðið hevur í løtuni fleiri streing­ir at spæla upp á og tað sæst í álopspartinum, har fleiri spælarar deila málini sína mill­ um. Gestirnir úr Víkingi hava nøkur góð minni á ólavsøku í Gunda­dali. Í 2009 vann Víkingur steypafinaluna og árið eftir vunnu teir landskappingardyst móti júst Víkingi. Tað endurtóku teir í 2016, tá teir vunnu 2-0, men seinast liðini møttust á ólavsøku vann B36. Tað var í fjør, tá B36 vann 2-1. Nú verður so enn ein kapit­ul skrivaður í søguni um Vík­ing og B36 á ólavsøku SOSIALURIN TIPPAR: 2-1 Upptakt 13 umfar: Betri deildin menn: Tríggir dystir verða mánadagin 27. juli, ein dystur verður ólavsøkuaftan og ólavsøkudag er aftur fótbóltur í Gundadali. Tað verða tó øðrvísi umstøður, tí dystir hjá HB og B36 verða spældir á Tórsvølli Ikki við: Filip í Liða (ryggurin, 2-4 mánaðir), Hans Jákup Anfinnsson (brot í fótinum, 1-2 mánaðir) Ivasamur: Jákup Pauli Breckmann Ikki við: Erling Dávidsson (Knæskaði, 3 vikur) Ivasamur: Michal Przybylski (Lærkrikin) *B36 spælir hókvøldið eftir prentstart móti HB, tá kann mangt broytast Ikki við: Fannhard A. Skoradal (fótur), Magnus Jarnskor (toygt liðband), Petur Zachariassen (knæ), Magnus Heinason Ikki við: Adrian Justinussen (brotið fótin 2-4 vikur), Delphin Tshiembe (lærkrikin, óvist), Jákup L. Thomsen (knæið, langtíðarskaddur), Teit Jacobsen knæið, langtíðarskaddur), Mads Boe Mikkelsen (fibur, 3 vikur) Møguliga við: Tróndur Jensen (krossband), Hørður Askham (krossband) *HB spælir hóskvøldið eftir prentstart móti B36, tá kann mangt broytast Ikki við: Milos Budakovic (krossbandsskaði, óvist), Jens Joensen (leikbann, 4 gul) Ivasamur: Bogi Løkin (fibur) LIÐ TÍÐINDI B36 HB AB EB/STREYMUR ÍF FULT UMFAR FULT UMFAR Á ÓLAVSØKU Á ÓLAVSØKU