hósdagur 30. juli 2020síða 26

FRÍGGJADAGUR 31. JULI 2020 SOSIALURIN 59 26 TRÓNDUR ARGE – TÓRSVØLLUR T að er trongt í Gundadali í hesum døgum. Niðari vøllur hevur leingi verið óbrúkiligur og verið eitt arbeiðspláss, nú vestaraskýlið á Tórsvølli verður bygt. Fyrr í summar bleiv graslíkið á Ovara vølli tikið av, tí tað skal skiftast. Samstundis skulu aðrar ábøtur eisini gerast. Tí er stutt millum B36 og HB, tá tey venja í hesum døgum. Tað er lítil kærleiki millum feløgini í løtuni, og tað er eisini komið til sjóndar í summar. Eitt eru innanhýsis dystirnar, har HB hevur vunnið 4-2 og 2-0. Tað, sum tó tykist níva meir, er at Jens Berthel Askou, nýggi danski venjarin hjá HB, hevur avskrivað B36 í FM-stríðnum. Tað gjørdi hann í sendingini ”Fótbóltspanelið”, sum er á FM1 hvønn fríggjadag. Hann nevndi KÍ sum størsta avbjóðarin til FM, rósti NSÍ, men lat illa at grannunum úr B36, ið hann ikki vildi viðurkenna sum ein kappingarneyti til FM. Hann metti eisini at B36 spældi einfalt. - Nei, ikki um eg skal verða erligur og tað haldi eg at mann skal. Út frá tí, sum eg havi sæð, so haldi eg ikki at teir eru okkara størsti kappingarneyti, segði Jens Berthel Askou um B36. Spurdur um støðuna í FM- stríðnum eftir sigurin í gjár, var venjarin hjá B36 heldur speiskur í aftursvarinum. -Vit eru jú avskrivaðir í FM- stríðnum. Hann sjálvur Janus Berthel hevur jú avskrivað okkum, so tað er ein tvídystur millum HB og KÍ. Koma vit út í Evropa, so er tað nøktandi. Vit mugu royna at hanga í og skava nøkur stig til okkum, segði Jákup á Borg. Tað er komið eldur í grannastríðið í Gundadali aftur, og helst er seinasta orðið ikki sagt enn. Undirhald á Tórsvølli Seks mál siga frá undirhaldi, og tað var undirhaldandi. Eisini tí at verjuparturin ikki var so sannførandi, og tí málverjarnir ikki alla tíðina vóru heilt álítandi. -Eg eri nøgdur við úrslitið og sum heild við hugburð og avrik, men tað var ov lætt, tá ið vit vóru við til at geva teimum tvey mál og eisini aðrar støður. Mátin hjá okkum at spæla er at skora fleiri mál enn mótstøðuliðið, og tá ið Víkingur skoraði tvey mál, so var tað neyðugt hjá okkum at skora í hvussu so er trý. Vit skoraðu fýra, og tað kunnu vit ikki annað enn vera nøgdir við, sigur B36 venjarin Jákup á Borg. B36 leyp á frá fyrsta bríksli, men tað var Víkingur, sum í fyrra hálvleiki legði seg framum bæði 1-0 og 2-1. Víkingur setti hol á í trettanda minutti. Skjótt álop, eftir at B36 hevði havt innkast frammarlaga í høgru. Jákup Johansen og Lukasz Cieslewicz vóru arkitektar, og Sølvi Vatnhamar skoraði, tá ið hann spurtaði fram í høgru og gagnnýtti, tá ið Eli Falkvard Nielsen kiksaði í roynd at beina bóltin burtur. B36 javnaði til 1-1 í 23. minutti. Atli Gregersen steðgaði framúr arbeiðssama Sebastian Pingel óregluliga 23 metrar úr málinum og eitt vet til høgru hjá B36. Ynskistøða hjá Árna Frederiksberg at skjóta fríspark, og hann takkaði fyri og sendi bóltin omanfyri m a n n g a r ð i n og dygst inn við stólparótini. Og tey í B36 leguni høvdu ikki fingið armarnar niður aftur, tá ið Víkingur svaraði aftur. B36 misti á miðjum vølli í uppspælinum, og so g jørdi V í k i n g u r skjótt av. Jákup Johansen spældi til vinstru, har Finnur Justinussen dygst innanfyri brots­ teigar­saman­kom­ingina var kroystur, tá ið hann royndi ímóti málinum. Støðan sá ikki vandamikil út, men bólturin fór millum beinini á Róa Mørk Hentze í B36 málinum. Lítla løtu undan steðginum javnaði B36 til 2-2. Sonni Ragnar Nattestad snaraði sær eftir langt innkast úr høgru á og trillaði bóltin inn til Michal Przybylski, ið ikki fekk nógva ferð á bóltin, sum umvegis ein verjuspælara trillaði framvið málverjan og inn um strikuna. B36 greitt omaná Serliga síðsta stóra hálva tíman var greiður munur á liðunum. Tað sást væl, at víkingarnir høvdu runnið meiri aftan á mótstøðumonnunum, og tað sást eisini, at útskiftingarnar hjá B36 munaðu meiri, enn tær gjørdu hjá Víkingi. Heimaliðið royndi at fáa meiri ferð undir ketlarnar eftir steðgin, og so við og við varð munurin alt meiri eyðsýndur, tá ið gestirnir duttu alt longri aftur og kendust vera troyttir og sinniliga ikki so savnaðir um avbjóðngina, sum teir høvdu verið. B36 legði seg fyri fyrstu ferð framum, tá ið stórt korter var farið av seinna hálvleiki. Málið kom mest sum burtur úr ongum, tá ið Árni Frederiksberg úr høgru legði flatt fram í brotsteigin, har rangstøðufellan kiksaði, og Meinhard E. Olsen var merkiliga leysur og takkaði fyri. 4-2 málið tók spenningin úr undirhaldandi uppgerðini. Sebastian Pingel sneiddi úr høgru og framvið fleiri passivum mótstøðumonnum, og tá ið hann var komin inn móti málteiginum smekkaði hann bóltin dygst inn við nærra stólpa og upp í nettakið. Víkingur hevur 20 stig, og nú snýr tað seg meiri um at spæla nýtt lið saman enn at hugsa um Europa. TRONDUR@SOSIALURIN.FO Venjarin hjá B36 svarar aftur upp á ákoyringar úr HB-leguni. Við ferðmiklum og álopskendum fótbólti vann B36 4-2 á Víkingi ólavsøkudag. – Vit eru avskrivaðir í FM-stríðnum, so nú mugu vit bara royna at hanga í, sigur Jákup á Borg Fótbóltur Dysturin hesa vikuna... ANDREAS THOMSEN HEVÐI STÓRA UPPGÁVU Ungi Andreas Thomsen fekk møguleikan á vinstra bakki, tí Alex Mellemgaard var sjúkur. Eg havi fylgt Andreasi í nógv ár. Seinastu mánaðirnar hevur hann tikið stór stig fram, so eg visti at hann var klárur til hetta. Sølvi er ein klassa spælari. Tað verða sjálvandi onkrar støður, har hann fær væl buturúr, men hattain av fyri Andreasi, sigur Jákup á Borg. B36-Víkingur 4-2: JÁKUP Á BORG: JÁKUP Á BORG: VIT VIT SPÆLA ÁLOPSFÓTBÓLT SPÆLA ÁLOPSFÓTBÓLT