hósdagur 10. september 2020síða 30

SEPTEMBER 2020 6 LÝSINGARBLAÐ FRÁ MIÐLAHÚSINUM MENN HONDBÓLTUR 2020/21 Neistin Rókur Joensen Bence Gödör Bjartur Hansen Finnur Hansson Bjartur Hansen Gilli Holm Hanus Árason Jóhannes Bjørgvin Jonn Rói Torfinnson Julian Kragesteen Pauli Høj Rasmus Søby Teitur Magnusson Jóhannes Kragesteen Jónas Rasmussen Karl Martin Olsen Torkil Hentze Tróndur Kragesteen Rókur Árason Pál Niclasen Hørður Lognberg Jónsvein Dulavík Marius B. Johansen Jón á Argjaboða Frágongd: Nicholas Satchwell Tróndur Mikkelsen Dánjal Ragnarsson Rune Olsen Tilgongd: Bence Gödör, Torkil Hentze Johannes Kragesteen Neistin skal fylla stórar skógvar Neistamenn siga farvæl við sínar drúgvastu málskjúttarnar og ein hin besta málverjan í Føroyum Undanfarna kappingarár rakk til tepran ósigur í hálvfinaluni í Faxe Kondi-kappingini, og eitt stríð um næstfremsta plássið í grundspælinum í Burn-deildini. Neistamenn kendu seg óivað væl fyri, í stríðn­um um hálvfinaluplássið í landskappingini, har menn sum Nicholas Satchwell, Tróndur Mikkel­sen og Dánjal Ragnarsson tóktust at vera í stórformi. Í ár má Neistin siga farvæl við allar tríggjar, umframt sterka strikuleikaran, Rune Olsen. Rasmus heldur fram – Tróndur verður aftur á jólum Neistamenn kunnu tó frøast um, at Tróndur Kragesteen eftir øllum á døma verður at síggja á vøllinum aftur í ár, eftir at hann fekk ein ringan skaða í fyrsta dystinum í fjør. Men tað verður kortini ikki fyrr enn í des­emb­ ermánað, tí spælskiparin er í Norra í arbeiðs­ ørindum fyrstu mánaðarnar av komandi kapping. Harafturat fær Neistin eisini skotmegi frá Torkili Hentze, ið er komin heim aftur. Profilar finnast eisini enn í Neistanum, og Rasmus Søby, ið var kosin ársins leikari í Før­oy­ um í bæði 2018 og 2019 er til reiðar til enn eitt kappingarár. Hann gleðir seg til kapp­ingar­árið, ið verður undir nýggjum venjara. Íslendskur venjari Neistin setti í summar íslendska venjaran, Stefan Arnar Gunnarsson í starv, og Rasmus Søby letur væl at: - Eg haldi tað hevur gingið sera væl higartil. Hann hevur júst tað sum hópurin hevur tørv á, sigur lámi bakkurin, og leggir dent á stóra agan, ið eisini var ein lykil undir Jeppe Borch, sum førdi Rasmus og liðfelagarnar til steypasigur og tvey tepur FM-silvur. Hægri botnstøði - Um eg ikki telji skeivt, so hava vit mist fýra leikarar úr byrjanaruppstillingini. So vit skulu seta eina rúgvu av nýggjum leiklutum, og tað verður ein avbjóðing. - Men vit hava kortini ein breiðan hóp í ár. Tað kann vera at okkara toppstøði ikki er so høgt sum tað hevur verið, men botnstøðið er batnað, greiðir Rasmus Søby frá. Ungverskur málverji skal fylla stórar skógvar Neistin segði í summar eisini farvæl við ein allarbestu leikarunum í landinum seinastu árini, tá ið landsliðsmálverjin, Nicholas Satchwell, skriv­aði sáttmála í Íslandi. Men felagið hevur leitað sær spennandi leiðir, og funnið 20 ára gamla Bence Gödör, sum hevur verið á ungversku ungdómslandsliðnum í nógv ár. - Skógvarnir hjá Nicholasi vóru helst teir størstu at fylla aftur, og at finna ein málverja, ið er eins góður er trupult tekur Rasmus Søby til og heldur fram: - Bence er enn ungur, og hann hevur enn nakað eftir upp á støðið sum Nicholas hevði seinasta kappingarár. Men Bence er ein sera spennandi málverji, og hann hevur staðið seg sera væl higartil, sigur Rasmus Søby. Góðar vónir hóast nógva útskifting - Persónliga er málið fyrst og fremst at vit skulu koma í hálvfinalurnar í bæði steypakappingini og landskappingini. Og so mugu vit síggja tann dagin, um vit eru nóg góðir at røkka longri, sigur sterki bakkurin, og greiðir frá hvat hann vónar fer at eydnast í ár: - Eg vóni at vit fara at spæla meira flótandi álopspæl. Vit hava kanska dúva nógv upp á einstaklingaavrik í álopinum, og eg vóni at vit fara at dúva meira upp á samanspælið – og spæla penari álop, sigur bakkurin, ið eisini leggur dent á, at hann vil halda fast við góðu dygdirnar í verjuni og málverjuspælinum. Og Rasmus Søby hevur eisini góðar vónir. Spurdur um hvat úrslitið verður, hugsar hann eina løtu og svarar so: - Vit vinna gull í antin steypakappingini ella landskappingini. Neistin - Menn Føroyameistaraheitið: 8 (1949, 1953, 1955, 1978, 2000, 2008, 2010, 2011) Steypasigrar: 7 (1992, 1994, 2009, 2010, 2011, 2012, 2019) Toppskjúttar kappingarárið 2019/2020 Dánjal Ragnarsson, 111 mál Tróndur Mikkelsen, 78 mál Rasmus Søby, 77 mál