hósdagur 10. september 2020síða 32

SEPTEMBER 2020 8 LÝSINGARBLAÐ FRÁ MIÐLAHÚSINUM MENN HONDBÓLTUR 2020/21 VÍF Mladen Mjerimacka Sasha Lacok Andeas Eriksen Hallur Árason Sjúrður Olsen Heini á Heygum Filip Jojic Magnus Múller Jóhan í Gardastovu Jákup Andreas Joensen Nils Jákup Egholm Janus Jacobsen Julian Olsen Bjarti Hansen Hanus Christophersen Frágongd: Bjørgvin Lenvig VÍF styrkir seg við teimum lokalu Við nýggjum venjara og sterkum lokalum kreftum, skal VÍF spæla við um ovastu plássini í ár Klokkan er 21.20 í høllini í Vestmanna, 11. mars 2020: VÍF hevur verið aftanfyri við seks málum í hálvleikinum, men við 30 sekundum eftir av dystinum, eydnast tað Sjúrði Olsen at fanga bóltin, ið umvegis Filip Jojic endar hjá Juliani Olsen, ið javnar til úrslitið 29-29. Javnleikurin merkir, at VÍF hevur tryggjað sær pláss í hálvfinalunum. Tað sá svart út fyri bert tíggju døgum síðani, men við sigri á H71 og nú javnleiki ímóti Neistanum, hevur tað eydnast. Men gleðin er stokkut. Klokkan 22.00 boðar hond­bóltssambandið frá, at allur hondbóltur skal steðgast í tvær vikur. Tær tvær vikurnar vera til fleiri, og hond­ bólturin byrjar ongantíð aftur hetta kapp­ing­ arárið. Og so sleppa vestmenningar ikki at vita hvussu langt teir høvdu borið á FM-kós. Afturkomnir profilar Tað skulu vestmenningar kanna aftur í ár. Liðið er meinlíkt tí, ið spældi í vár, tó við nýggjum venjara. - Hópurin er nakað tann sami sum í fjør, men vit hava nýggjan venjara, og nakrir av leik­ ar­unum, sum bara spældi stutt við í fjør, eru við frá byrjan nú, sigur 23 ára gamli Sjúrður Olsen, ið hevur borið stóra ábyrgd á VÍF-liðnum seinastu árini. Fyrst sum ein hin besti vinstri vongurin í Føroyum, og seinastu tvey árini mest sum spælskipari. Hetta meðan bróðurin og spælskiparin, Julian, hevur verið burturstaddur. Julian var at síggja á VÍF-liðnum aftur í vár, saman við Hanusi Christophersen, ið eisini hevur verið í útlegd. Teir eru við frá byrjan hesaferð. Eisini Bjarti Hansen, ið stríddist við skaða so at siga alt kappingarárið í fjør er við aftur. Teir tríggir hava bæði royndir av landsliðnum og hava fyrr fingið gullmerki til Vestmannar, og mugu metast at vera stórur styrkur. Bæði til byrjunaruppstillingina og til breiddina. Spurningurin er hvussu tað fer at roynast ímóti kappingarneytunum. - Eg eri sera spentur at síggja hvussu hini lið­ini eru fyri, nú fleiri feløg hava styrkt seg við út­lendingum, sigur Sjúrður Olsen, ið eisini letur væl at fyrirekingunum við nýggja venjaranum. VÍF hevur vant væl og miðvíst í summar - tó við einum lítlum steðgi, tá ið korona aftur gjørdi um seg, greiðir Sjúrður frá. Nýggjur venjari og nýggjar skipanir - Tann steðgurin gjørdist tíbetur ikki so drúgvur, sigur vestmenningurin, ið saman við liðnum venur seg við skipanirnar hjá nýggja venjaranum, John Larsen. - Tá nýggjur venjari kemur til, verður sjálvandi arbeitt við fleiri nýggjum tingum, samstundis sum fleiri leikarar skulu venja seg við nýggjar leiklutir. Og vit skulu arbeiđa hart sum lið fyri, at hvør einstakur spælari blívur tryggari í sínum leikluti, sigur yngri Olsen-bróðurin, ið skoraði 79 mál í Okkaradeildini farna kappingarár- næstur á toppskjúttalistanum eftir Filip Jojic. Skulu knógva hoyvíkingum aftur Liðið hevur sett sær sum mál at fyrst og fremst røkka ímillum tey fýra fremstu og spæla FM- hálvfinalur aftur. Og so er vónin at koppa H71. - Seinastu árini hava vit serliga havt trupul­ leikar við at knógva hoyvíkingum, sum allarhelst eisini eru favorittar í ár. Vónandi kunnu vit arga teir eitt sindur hetta kappingarárið, sigur Sjúrður Olsen, ið vann FM við VÍF í 2015 og 2016. Í báðum førum við stórsigrum ímóti H71 í final­ un­um. Úrslitini má tíðin vísa, men Sjúrður Olsen ger eitt greitt: - Nú tá steðgurin er av, kunnu áskoðararnir vænta eitt VÍF-lið við stórari spæligleði. VÍF menn: Føroyameistaraheiti: 24 (1948, 1950, 1951, 1952, 1954, 1957, 1961, 1968, 1975, 1980, 1982, 1983, 1985, 1986, 1987, 1993, 1995, 1997, 1998, 2001, 2002, 2005, 2015, 2016) Steypasigrar: 7 1985, 1988, 1989, 1993, 1997, 1999, 2015 Toppskjúttar kappingarárið 2019/2020 Filip Jojic, 154 mál Sjúrður Olsen, 79 mál Jóhann í Garðastovu 49 mál