hósdagur 10. september 2020síða 34

SEPTEMBER 2020 10 LÝSINGARBLAÐ FRÁ MIÐLAHÚSINUM MENN HONDBÓLTUR 2020/21 Kyndil Jan Pauli Toft Johannesen Andri Kristiansson Hansen Bjørgvin Lemvig Sámal Pauli B. Petersen Jákup Jørgensen William G. S. Nolsøe Jóni Guttesen Viderø Anders Risdal Ovi Lützen Dánial W. Johannesen Borgar Sveinsson Rani Ellingsgaard Mads Lindkvist Ragnar Wardum Jóan Pauli Patursson Kristoffur Bjørgvin Rógvi Johansen Rókur Geirsson Eystberg Tróndur Wardum Tummas J. Sørensen Tilgongd: Andri Kristiansson Hansen Mads Lindkvist Tummas J. Sørensen Bjørgvin Lenvig Frágongd: Hjalti M. Jacobsen Bartal Klein Olsen Rógvi Dal Christiansen Tummas Pauli Hanusarson Ungir kyndilsmenn vilja stríðast Bulurin á kyndilsliðnum er minkaður burtur í lítið og einki, men ungur stríðsvilji skal bera sigursvanda felagið fram á kós Kyndil hevði eitt misjavnt kappingarár seinast. Í landskappingini gekk einki serligt. Venjarin var koyrdur eftir bert tríggjar dystir, og vónirnar fyri at enda í topp-4 í landskappingini hvurvu skjótt, meðan Kyndil lá púra einsamalt á næstniðasta plássi alt árið. Í steypakappingini var søgan ein heilt onnur. Bartal Klein Olsen fekk komið heim at spæla steypakappingina, og har eydnaðist tað at spæla seg heilt í finaluna. Har máttu kyndilsmenn kortini síggja H71 lyfta steypið at enda. Í ár fækkast profilarnir hjá Kyndli aftur. Eftir at hava spælt ein ovurstóran leiklut seinastu árini, takka bæði Tummas Pauli Hanusarson og Hjalti Mohr Jacobsen fyri seg. Og var tað ikki nóg mikið, sigur Kyndil eisini farvæl við bæði ein af Føroya sterkastu strikuleikarum og málverjum, nú Rógvi Dal Christiansen og Tórður Guttesen eru farnir at royna seg í øðrum londum. Nakað av tilgongd hevur verið, har millum annað bæði Andri K. Hansen og Mads Lindkvist eru komnir úr StÍF. Korona hevur argað - Venjingin eftir ólavsøku hevur verið trupul, tí vit vóru í sóttarhaldi, eftir at nøkur í felagnum vórðu smittað. So vit mistu tvær vikur har, og síðani hevur venjarin lagt størsta dentin á krops- og orkuvenjing, sigur Anders Risdal. Lámi bakkurin, Anders Risdal, ger seg til reiðar til annað kappingarárið í Kyndli, eftir at hann kom higar úr donskum hondbólti í fjør. Nú fær hann longu triðja venjaran í Kyndli. Nærlagdur og nýskapandi venjari Nýggi venjarin er kroatiski Dragan Brljevic, sum venur bæði kvinnu- og mansliðið hjá Kyndli. Hann hevur verið millum fremstu venjarar í Svø­ ríki í nógv ár, og Anders Risdal letur sera væl at. - Eg haldi nógv um hann. Hann kemur við nógvum nýggjum venjingum, sum vit fáa brúkt í dystarstøðu eisini, sigur royndi danski bakkurin, og greiðir frá at tað eru smálutir, ið eyðkenna venjaran. Millum annað hvussu tú skalt flyta føturnar í ávísum verjustøðu,. - Sovorið einfalt, sum tú ikki hugsar um sjálvur, men sum hann vísir okkum, greiðir Anders Risdal frá. Teir ungu sleppa at vísa sínar dygdir Kyndilstoppskjúttin frá í fjør er greiður um, at Kyndil hevur nakað ungan hóp í ár. Men kortini valdar bjartskygni. - Tað merkir at ein rúgva av ungum dugna­ ligum leikarum fáa møguleikan í ár. Tað eru ikki bara púra nýggir leikarar, ið skulu inn á liðið. Teir hava vant við leingi, og nú kunnu hesir, sum kanska ikki hava spælt so nógv áður, sleppa at vísa at teir eru sera dugnaligir í hondbólti. - Tað hava teir eisini víst í venjing – Nú fara teir at vísa tað í dysti, sigur Anders og heldur fram: - Og nú skulu hesir ungu venja seg við at taka avgerandi støður í dystinum. Ábyrgd fylgir royndunum Og danski bakkurin vil eisini gera sítt til at leggja teimum ungu lag á við sínum royndum. - Nú eri eg 33 ár og havi drúgvar royndar úr donsku fyrstu deild, og eg vil fegin bera tað ábyrgdina. Eg haldi eisini at teir ungu tíma væl at lurta, og at Dragan dugir sera væl at býta ábyrgdina út á leikararnar, sigur kyndils­topp­ skjútt­in farna kappingarár. Tempo og stríðshugur eru lyklarnir - Vit vita lítið um okkara støði í mun til hini, tí vit hava ongan venjingardyst spælt. So vit mugu síggja hvussu støðan er eftir nakrar dystir, sigur Anders Risdal, ið greiðir frá, at leikferðin verður týdningarmesta vápnið hjá Kyndli í ár. - Vit hava ikki so nógvar skjúttar, so vit mugu seta ferð á, og fáa teir stóru menninar í miðverjuni at flyta seg, sigur bakkurin, sum í ár ætlar sær enn fleiri enn tey 83 málini í fjør. - Vit vilja vísa fólki hondbólt við góðum tempo, og eitt lið sum ikki gevur seg. Dragan leggur eisini stóran dent á, at vit skulu vísa stríðsvilja og tveita okkum eftir hvørjum bólti. Tann hugburðurin er komin við í venjingarnar, ger Anders Risdal greitt. Kyndil menn Føroyameistaraheiti: 30 (1958, 1959, 1960, 1962, 1963, 1964, 1965, 1966, 1967, 1969, 1970, 1971, 1972, 1973, 1974, 1976, 1977, 1979, 1981, 1984, 1988, 1989, 1990, 1991, 1992, 1994, 1996, 2004, 2006, 2007) Steypasigrar: 11 (1986, 1987, 1990, 1991, 1995, 1996, 2000, 2003, 2008, 2014, 2018) Toppskjúttar kappingarárið 2019/2020 Anders Risdal, 83 mál Hjalti Mohr Jacobsen, 82 mál Tummas Pauli Hanusarson, 51 mál