hósdagur 10. september 2020síða 40

SEPTEMBER 2020 16 LÝSINGARBLAÐ FRÁ MIÐLAHÚSINUM MENN HONDBÓLTUR 2020/21 Team Klaksvík Strahinja Popovic Mark D. Dahl Jens Martin Pauli Mohr Vilhelm Vilhelmsen Jan Eli Ragnarson Kjartan á Gravarbø Beinir Johannesen Dánjal Kjærbo Sámal á Tjaldrafløtti Velentino Valentakovic Vuk Stevanovic Petur Martin Eliasen Vónin er styrkt í Klaksvík Leingi hava teir stríðst í Klaksvík, har kappingarárini mangan hava verið tung, og langt hevur verið ímillum sigrarnar. Eitt slíkt kappingarár var í fjør. Tá ið kappingarárið brádliga varð avbrotið hevði Team Klaksvík enn ikki smakkað sigursins søta smakk. Líkindi eru tó fyri, at tað verður øðrvísi í ár. Í øllum førum hevur leiðslan gjørt sítt fyri, at liðið verður betur kappingarført enn undanfarin ár, og í aðrar mátar røkist eisini fyri, at teir skulu sleppa undan at síggja eitt runt 0-tal á stigakontuni. Styrktir Longu tíðliga í summar byrjaðu røringar at koma í hondbóltini í Klaksvíkini, tá ið Team Klaksvík við at kunngera nøvnini á tveimum nýggjum áhugaverdum leikarum markaði, at teir fara at verða væl bólstraðir til eitt nýtt kappingarár. Leikararnir, sum vórðu kunngjørdir, vóru 27 ára gamli serbiski Vuk Stevanovic og 26 ára gamli kroatiski Valentino Valentaković. Teir báðir eru nýliga komnir til landið, og fyrstu eyg­ leið­ingarnar eru, at teir eru vælvaksnir og hava góð evnir. - Teir styrkja heilt greitt um hópin, og eg vænti, at tá ið hetta kappingarárið er av, so hevur Team Klaksvík skavað fleiri stig saman. Vónandi fleiri enn nakrantíð, sigur ein av stuð­ uls­leikarunum hjá Team Klaksvík, Sámal á Tjaldra­fløtti. Síðstu árini hevur nógv hvílt á herðunum hjá tí láma Sámali á Tjaldrafløtti, sum nú fær dyggan stuðul í bakketuni frá tveimum høgra­ hent­um leikarum, ið hava royndir úr eitt nú bestu deildini í Serbia og Sveis. Profilurin Sámal á Tjaldrafløtti hevur verið við frá byrjan, og hetta verður ikki minni enn 13. kappingarárið hjá honum í Team Klaksvík. Fyrstu tvey árini vóru teir í næstbestu deildini, men síðstu 10 árini hava teir - hóast nógva mótgongd - stríðst í bestu deildini. - Tað hevur verið øgiliga strævið, og lands­ kappingin hevur verið sera long okkurt kapp­ ingar­árið, tá ið tað ikki hevur gingið væl, sigur Sámal. - Men sjálvt um tað hevur verið sera trupult og hart okkurt kappingarár, so hava vit hildið fast um at hava eitt hondbóltslið í bestu mans­ deild­ini, sjálvt um tað okkurt árið hevði verið lætt­ari bara at tikið liðið úr kappingini ella flutt niður í næstbestu deildina. Men Klaksvík, sum næststørsti býur, eigur og skal hava eitt hond­ bólts­lið í bestu deildini hjá monnum, heldur Sámal á Tjaldrafløtti, sum er vanur við at hava ábyrgd á vøllinum. - Tað er ongin loyna, at nógv av okkara spæli gongur ígjøgnum meg, og tískil havi eg ein stóran leiklut á vøllinum. Men eg føli ikki, at eg eri ein týdningarmiklari spælari enn nakar ann­ar á liðnum. Hondbóltur er ein liðítróttur. Eg hugsi ikki so nógv um mítt egna spæl. Bara eg fái hjálpt liðnum fram ímóti einum sigri, so eri eg nøgdur, sigur hann. Nýggj mál Tað talar eisini fyri einum betri kappingarári, at venjarin, Áki Mørk, nú hevur havt betri stundir at seta síni fingramerki á liðið, sum hann loftaði mitt í kappingarárinum í fjør. - Áki er ein sera dugnaligur venjari og hevur givið okkum nógv síðani hann kom til í fjør, sigur Sámal á Tjaldrafløtti og peikar eisini á truplu fortreytirnar í fjør. - Spælarnir møta hugagóðir til hvørja venjing, og man følir veruliga at vit flyta okkum rætta vegin eftir hvørja venjing, sigur Sámal, sum hóast dreymar um metnógv stig fegin vil taka eitt ting í senn. - Vit skulu verða betri enn síðsta kappingarár. Í fjør høvdu vit einki stig fingið tá korona steðg­ aði kappingini, so málið hjá okkum í ár verður at fáa ein sigur. Vit vóna sjálvandi at tað verða fleiri sigrar tá vit koma ímóti kappingarenda, sig­ ur hann. Í Team Klaksvík hava teir eisini sett sær eitt annað mál, sum røkkur longri enn góð úrslit her og nú. Tað hevur nevniliga víst seg at vera trupult at fáa ungdómin í býnum at velja hond­ bólt sum sína ítróttargrein, og tað fara teir á besta liðnum at gera sítt fyri at broyta. - Vónandi fáa vit eitt gott kappingarár, soleiðis at vit fáa sett størri fokus á hondbóltin í Klaksvík, sigur Sámal á Tjaldrafløtti. Team Klaksvík: Føroyameistaraheiti: 0 Steypasigrar: 0 Toppskjúttar kappingarárið 2019/2020 Sámal á Tjaldrafløtti, 77 mál Kaito Nakahodo, 73 mál Jens Pauli Mohr, 43 mál