hósdagur 10. september 2020síða 48

SEPTEMBER 2020 24 LÝSINGARBLAÐ FRÁ MIÐLAHÚSINUM KVINNUR HONDBÓLTUR 2019/20 VÍF Rebekka Joensen Viviann Petersen Julianna í Gerðinum Olsen Svanna Hjartvardsdóttir Kjærbæk Jórunn Gudmundsen Sissal Magnussen Maria Friis Halla Hansen Ingibjørg Olsen Liljan Müller Maria Nolsøe Olsen Anja Lacok Agnas Olsen Rannvá Olsen Lív Ingdorsdótir Fríða Nolsøe Olsen Maria Sundstein Lagos Brynja Rógvadóttir Tinna Johnsdóttir Kathe Dahl Frederiksen Helena í Skálum Anna Olsen Ivana Meincke Frágongd Durita C. Jojic (Barnsburð) Heidi Maria Akselsen (Steðga) Lise Marie Nesse Evensen (Flutt av landinum) Fríða Petersen (Steðga) Randi Virgarsdóttir (Steðga) Ró Nielsen (Skift til Kyndil) Ungar vestmannakvinnur skulu spæla við fullari skrúvu VÍF sigur farvæl við fleiri profilar og satsar ungt í ár VÍF hevur seinastu árini ligið í oddinum á før­ oyskum kvinnuhondbólti, og rakk hægstu tind­unum fyri tveimum árum síðani, tá ið vest­ mannakvinnur gjørdust greipuvinnarar. Skal VÍF aftur smakkað gull í ár, mugu tær ungu helst taka kjansin, tí felagið sigur farvæl við fimm lyklaleikarar frá liðnum í fjør, sum millum annað tapti steypafinaluna tepurt, og gjørdi seg til reiðar at spæla hálvfinalur í SMS- deildini, tá ið korona steðgaði øllum. Ein stórskjútti fyri ein annan Eitt nú verður ímyndin á høgri bakki og topp­ skjúttin frá í fjør, Durita C. Jojic, ikki við vegna barnsburð. Men vestmenningar kunnu frøast um, at stórskjúttin á vinstra bakki, Liljan Müller, er við aftur, eftir at hon mátti gevast vegna gleðiligar umstøður í undanfarna kappingarári. Eisini strikuleikarin, Kathe Dahl Frederiksen og málverjin Viviann Petersen eru aftur á vøll­in­ um eftir barnsburð, og tær kunnu síggja nógvar nýggjar leikarar fáa møguleikan á fyrsta liðnum í ár. Ungur og ágrýtin hópur - Eg haldi at hópurin í ár er øgiliga spennandi við nógvum ungum og ídnum leikarum, sigur royndi VÍF-málverjin, Viviann Petersen. - Mann merkir tíðiliga, at tær vilja mennast og læra og at tær hava góðan hugburð. Hon ásannar, at sjálvandi eru nakrar givnar, ið hava havt stóran leiklut, men leggur dent á, at av tí sama fara fleiri av teimum spennandi ungu leikarunum at fáa ein rættiliga stóran leiklut. Og breiddin er eisini avbera góð í ár, við øll­ um teimum ungu, ið nú bjóða seg til. Fáa tær tikið av møguleikunum, so kann liðið hava nógvar streingir at spæla á, sigur Viviann, ið kort­ini eisini ásannar, at tað er ein avbjóðing hjá nógvum ungum at spæla í fremstu deildini á fyrsta sinni. Tær ungu geva kapping Og har er eisini kapping um eitt nú mál­verju­ plássini - Eg haldi ikki eg eri fyrsti málverji. Vit hava tvær aðrar, sum gott nokk eru ungar, men tær eru ágrýtnar og mennast fyri hvørja venjing sigur Viviann, og greiðir frá, at sjálv er hon enn nakað frá toppforminum enn. Við øllum teimum ungu, eru kortini framvegis royndir leikarar á liðnum, og á teimum liggur ábyrgd. - Eg kenni ábyrgd, og tað haldi eg at allar vit eldru eiga at gera. Vit vilja hjálpa teimum at mennast, tí tær eru jú framtíðin í bygdini. Og tær kunnu helst eisini læra okkum nógv, skoytir Viviann uppí. - Tey seinastu nógvu árini hava vit spælt við teimum somu í langa tíð. Í ár vænti at eg fólk fara at leggja til merkis at fleiri leikarar hava ein leiklut og vit fara at skifta nakað út. Og eg vóni at fólk fara at síggja eitt ágangandi spæl, har vit spæla við fullari skrúvu, sigur Viviann. Nýggjur venjari Og so hava VÍF eisini ein rættiliga ungan venjara í nýsetta Jóhan Hofgaard. Hann roynir seg á fyrsta sinni sum høvuðsvenjari, og vest­manna­ kvinnur lata væl at. - Tað er altíð gott við nýggjum íkøstum, sigur Viviann og heldur fram. - Tað er stuttligt at fáa ein venjari uttanifrá, og sjálvt um hann ikki hevur verið høvuðsvenjari áður, so hava allar stóra virðing fyri honum. - Vit venja hart og nógv, og hann hevur øgiliga góðar venjingar, sigur málverjin, ið ætlar sær at VÍF verður við aftur ímillum tey fremstu í ár. - Vit satsa fyrst og fremst upp á at koma í topp-fýra og spæla hálvfinalur, ger Viviann Petersen greitt. VÍF kvinnur: Føroyameistaraheiti: 6 (1951, 1963, 1968, 2001, 2002, 2018) Steypasigrar: 4 (1999, 2001, 2002, 2018) Toppskjúttar kappingarárið 2019/2020 Durita C. Jojic, 85 mál Agnas Olsen, 72 mál Liljan Müller, 56 mál