hósdagur 10. september 2020síða 56

SEPTEMBER 2020 32 LÝSINGARBLAÐ FRÁ MIÐLAHÚSINUM KVINNUR HONDBÓLTUR 2019/20 VB Guðrun í Lágabø Elsa Ludvig Britt Wøldike Thordis Nielsen Gurið Krosslá Augustinussen Bára Krosslá Mortensen Krista Leo Krista Ludvig Torgerð Suðuroy Sofía Schrøter Tórunn Vilhelm Durita Krosslá Hjelm Vár Brattalíð Vladana Lazendic Bjarta Pauladóttir Breiður hópur og bosnisk skotstyrki VB-hópurin er í ár breiðari enn undanfarin ár. Flestu leikararnir eru sera ungir, men onkrar royndar eru eftir, og so skal Vladana Lazendic geva liðnum eitt nýtt vápn - nevniliga skotstyrki útifrá. Breiður hópur VB plagdi at ríma við føroyskan topphondbólt, og hóast tað seinnu árini hevur verið nakað truplari bæði við leikaratilfeingi og á stiga­talv­ uni, so ætla tær úr Vági at halda fast við sessin í SMS-deildini. Rendið í næstbestu deildini fyri tveimum ár­ um síðani var ikki akkurát nakað fyri tær. - Man merkti beinanvegin, at man næstan ikki var við í hondbóltinum í Føroyum, sigur Gurið K. Augustinussen, ið er farin við VB ígjøgnum tjúkt og tunt, og aftur verður at síggja í reyðblá- stríputi blusuni í ár. - Tað er eisini bara stuttligari at vera í bestu deildini, sigur hon. - Tær ungu skulu síggja upp til okkum í bestu deildini, og tað er eisini har, at uppmerksemið, stuðlar og alt er, sigur Gurið. Og tað er eisini orsøk til at halda, at hond­ bólturin framvegis hevur lív lagað í Vági. Ung­ dómsdeildin er væl rikin, og hetta smittar eisini av á besta liðnum. - Vit plagdu at vera hepnar, um tað vóru 10 til venjing, men í ár hava vit ligið fast um 12-14 leikarar til hvørja venjing, sigur Gurið, sum hetta kvøldið vit hitta hana júst er komin frá venjing. - Og í kvøld vóru vit 19 til venjing. Eg kann ikki minnast nær tað hava verið so nógvar til venjing seinast, sigur hon. Ungir leikarar Tað er Damir Oros, sum er høvuðsvenjari hjá VB í ár. Afturat sær hevur hann Christinu Holm sum hjáparvenjara. Tað er ikki ókent, at fleiri útlendingar eru á VB-liðnum, men í ár er bara ein útlendingur við. Hon eitur Vladana Lazendic, er 21 ára gomul og spælir á landsliðnum hjá Bosnia-Hersegovina. - Orsøkin til at vit hava fingið hana, er at vit mangla skjúttar, greiðir Gurið K. Augustinussen frá. - VB er annars kanska meira kent fyri skjótt spæl og gjøgnumbrot, men nú hava vit hana at skjóta útifrá. Hon er høg, og vit vóna at hon kann geva eitt gott íkast við sínum skotum, sigur Gurið. VB-liðið er annars ungt í ár, og tær flestu eru ímillum 16 og 19 ára gamlar. Vladana Lazendic er 21 og Bára K. Mortensen er 28, men síðani er eitt glopp upp til veteranarnar, Gurið K. August­ inus­sen og Guðruna í Lágabø. - Hópurin er nakað breiðari í ár, vísir Gurið á, og fegnast um at ungir leikarar leggjast afturat. - Tær eru ungar, raskar og ágrýtnar. Saman við royndunum hjá okkum eldru, so sær tað bara heilt gott út, heldur Gurið. Tvær 16 ára gamlar sleppa í ár at royna seg í SMS-hópinum hjá VB á fyrsta sinni. G14- árgang­urin hjá VB er væl fyri, so væntast kann, at fleiri ung talentir fara at fáa kjansin á VB- liðnum komandi árini. Jøvn kapping Í Vági fegnast tey um kappingarleistin við tveim­ um endaspølum. - Tað verður allatíð okkurt at spæla um. Tað er ordiliga gott, heldur Gurið K. Augustinussen. Hon torir ikki at spáa um hvat pláss tær kundu ynskt sær í deildini, men: - Vit skulu royna at vinna heimadystirnar og royna at yvirraska á útivølli. Tað er altíð strævið hjá øðrum at spæla í Vági. Vit hava góðar áskoðarar her, og tað er nakað heilt serligt, sigur Gurið. Hon væntar annars eina tætta kapping í ár. - Tað er ikki ordiliga nakar, sum skarar framúr. Liðini hava gjørt nógv burturúr við at venja utt­ an­dura tá korona rakti, so liðini skuldu verið væl fyri, og eg vænti nógvar javnar og spennandi dystir, sigur Gurið K. Augustinussen. VB – kvinnur Føroyameistaraheiti 3 (1950, 2003, 2005) Steypasigrar: 2 (1993, 2003) Toppskjúttar kappingarárið 2019/2020 Slobodanka Bandobranski, 60 mál Dajana Komenda, 55 mál Durita K. Hjelm, 40 mál