hósdagur 10. september 2020síða 62

SEPTEMBER 2020 38 LÝSINGARBLAÐ FRÁ MIÐLAHÚSINUM HONDBÓLTUR 2020/21 Føroyingar fylkjast í fremstu norðurlendsku deildunum Føroyingar eru av álvara farnir at spæla yrkishondbólt. Í skrivandi løtu spæla 13 føroyskir hondbóltsleikarar í fremstu deildinum í grannalondunum. Og fleiri hava sáttmálar í næstu deildunum Føroyar hava neyvan nakrantíð átt so nógvar yrkisleikarar sum nú. Føroyskir hondbóltsleikarar – bæði kvinnur og menn - spæla í fremstu donsku, norsku, svensku og íslendsku deildunum í ár. Øgilig menning Venjarin á U18-landsliðnum hjá dreingjum er ikki í iva: - Fyri menningina er tað fantastiskt at vit hava leikarar, sum spæla á allarhægsta støði, sigur Mark Marcher, og leggur afturat, at tað er sera jaligt at tað bæði eru teir heilt ungu 18 ára gomlu og eisini teir eldru manslands­liðs­leik­ ararnir, sum skriva sáttmálar í granna­lond­unum. Tað fór fyri nøkrum árum síðani at økjast av føroyskum leikarum, ið royndu at spæla seg til yrkis­sáttmálar uttanlands. - Tað er sera jaligt at síggja, at teir byrjaðu við at stríðast fyri leiktíð, men í dag eru teir vorðnir lyklaleikarar á sínum lið­um, sigur Mark Marcher, ið longu hevur sæð nakrar av sínum U18-leikarum, spælt seg til sátt­málar í stórum feløgum. Elias í Svøríki Eitt nú í Svøríki spælir helst kendasti føroyski hondbóltsleikarin í nýggjari tíð, Elias Ellefsen á Skipagøtu. Tað ráddi um at njóta hann í Føroyum kappingarárið í fjør, tí øll vistu at føroyska stjørnuskotið fór at finna sær okkurt stórfelag eftir kappingarárið. Tað gjørdist IK Sävehof, sum tá var ráðandi svenskur meistari. Føroyski spælskiparin segði við Ítrottarsosialin í februar, at hann væntar at fáa nógva leiktíð í svenska stórfelagnum, sum byrjar kappingarárið í næstum. Føroyingar fylkjast í Skanderborg Føroyingar hava eisini lindi til at fylkjast í hond­ bólti. Í Skanderborg í fremstu donsku mansdeildini hava tveir føroyingar fingið leiktíð við kapp­ing­ar­ byrjan.. Teir eita Hákun West av Teigum og Pauli Jacob­sen og spæla í Skanderborg. Teir hava spælt ungdómshondbólt í Skanderborg í tvey ár, og í summar skrivaði høgri vongurin, Hákun, sín fyrsta yrkissátmála við felagið. Tað gjørdist til tvey mál í kappingarársins fyrsta dysti, og í næsta dystinum var málverjin, Pauli eisini á liðn­um, eftir at ein av hinum málverjunum hevði fingið skaða. Hann spældi ein knappan minutt ella so. Skanderborg, ið eisini hevði Elias E. á Skipa­ gøtu í ungdómsdeildini fyrraárið, tykist at halda væl av føroyingum. Tí á dreingjaliðnum eru eisini menn sum Pauli Mittún, Dánjal Ragnarsson og Janus Dam Djurhuus. Og á gentuliðnum er eis­ ini ein spennandi føroyskur málverji. Har bíð­ar Rakul Wardum spent eftir sínum fyrsta møgu­ leika í fremstu donsku kvinnudeildini. Pernille í donsku kvinnuligaini Í fremstu donsku deildini ger eisini føroyski lands­liðsleikarin, Pernille Brandenborg um seg í Vend­syssel eftir at liðið flutti upp í vár. Hon hevur fyrstu tveir dystirnar fingið avbera góð skoðs­mál, og skotið nógv mál. Tríggir í Norra Í Norra finnast eisini føroyingar. Har eru tað teir tríggir manslandsliðsleikararnir, Jónas Gunnars­ son Djurhuus, Helgi Hildarson Hoydal og Kjartan Johansen, sum bera stóra ábyrgd í Viking Sta­ vanger, sum flutti upp í fremstu deildina júst áðr­enn kappingarárið steðgaði upp. Seks føroyingar í Íslandi Í Íslandi eru tvey føroyingafeløg. KA, av Akureyri hevur í fleiri ár havt lámu landsliðsleikararnar Allan Norðberg og Áka Egilsnes á liðnum. Í ár legst landsliðsmálverjin, Nicholas Satchwell aft­ ur­at teimum í KA. Teir kunnu gleða seg til at spæla ímóti kapp­ ingarneytunum úr Fram, tí har hava bæði Vil­ helm Poulsen og Rógvi Dal Christiansen skrivað sáttmála í ár. Og í fremstu íslendsku kvinnudeildini er nú aftur ein føroyskur leikari. Annika Petersen skriv­aði í summar sáttmála við Haukar. Føroyingar í hópatali royna seg Tað kann gerast enn størri føroysk luttøka í fremstu deildunum. Serliga í Danmark royna nógv­ir føroyingar seg í næstfremstu deildini. Av mansleikarum kunnu nevnast Theis Horn Rasmussen, Brandur Halgirsson, Rókur Akra­líð, Rói Berg Hansen, Tróndur Mikkelsen og Pæt­ ur Mikkjalsson umframt Siw Matras Larsen á kvinnu­síðuni – Og har eru uppaftir fleiri føroy­ ing­ar, sum hava møguleika at annaðhvørt koma á hesi lið, ella at flyta upp við sínum liðum úr aðru deild. ÚTISETAR: Føroyingar í fremstu norðurlendsku deildunum ÍSLAND: KA: Áki Egilsnes Nicholas Satchwell Allan Norðberg Fram: Vilhelm Poulsen Rógvi Dal Christiansen Haukar: Annika Petersen NORRA: Viking: Helgi Hildarson Hoydal Kjartan Johansen Jónas G. Djurhuus SVØRÍKI: IK Savehof: Elias Ellefsen á Skipagøtu DANMARK: Skanderborg: Hákun West av Teigum Pauli Jacobsen Vendsyssel: Pernille Brandenborg Kjartan Johansen, VIking Stavanger í Norra Nicholas Satchwell, KA í Íslandi Elias Ellefsen á Skipagøtu, IK Sävehof í Svøríki