hósdagur 1. oktober 2020síða 4

FRÍGGJADAGUR 2. OKTOBER 2020 SOSIALURIN 68 4 Vikan ið fór Sæð á Facebook: Rúsevniseftirlit við ferðafólki, posti og farmi er munandi afturútsiglt. Seinastu fimm árini er talið á postpakkum økt 90 prosent, og ferðafólkatalið er økt 51 prosent. Men talið á tollarum er óbroytt seinastu 20 árini. Nýggi Dettifoss hjá Eimskip gjørdist fyrsta skipið at lasta við nýggju Skansabryggjuna. Um 200 metrar av bryggjukanti kunnu í løtuni nýtast, og Dettifoss varð nýtt í royndarsigling, har 100 bingjur vórðu lastaðar. 24 umsóknir komu til starvið sum sendifólk í Ísrael. Allir umsøkjararnir eru føroyingar, og 20 av umsøkjarunum eru menn, meðan fýra eru kvinnur. Helgi Abrahamsen, landsstýrismaður í vinnumálum, ger greitt, at samkynd foreldur fara ikki at fáa eins sømdir og hinskynd í barsilsskipanini. KÍ MEST NÝTTA ORÐIÐ HESA VIKUNA ...uppá ein minutt Í september í ár vórðu innfluttir 165 nýggir persónbilar. Hetta er 14 fleiri enn í september í fjør, tá 151 nýggir persónbilar vórðu innfluttir. 165 165 Klaksvíkar Ítróttarfelag hevur staðið seg ómetaliga væl í evropeiskum fótbólti í ár við sigrum í bæði Champions League og Europa League undankappingunum. Hóast stríðið millum fótbóltsfeløgini í Betri deildini stundum er hart, eru øll KÍ'arar í hesum døgum. Stoltleikin í føroyskum fótbólti. "Haldi tídin er komin til at vit fáa eina avrúsingardeild, ið avrúsar fólk, sum sídani kunnu velja, um tey fara á ein av viðgerdarstovnunum, ella bara høvdu brúk fyri at fóta sær.Trýstið á stovnarnar er høgt, og eru tað javnan fólk, ið kæra sína neyð (at nú vildi hon ella hann endiliga taka ímóti hjálp, men so renna tey seg í eina langa bíðitíð). Vidgerð og avrúsing er hvør sítt, so hvat vid at gera eina akutta avrúsing, ið síðani motiverar/stuðlar brúkaranum til at velja stovn ella tad, í hann/hon hevur brúk fyri?" Síðani eg seinast sakrivaði er nógv hent í okkara samfelag. Korona hevur broytt atferðina hjá okkum øllum. Summi eru smittað og hava merkt sviðan av sjúkuni, meðan onnur hava verið í sóttarhaldi í drúgva tíð fyri ikki at smitta onnur. Sjálvandi kann tað virka sum grenj, tá ið summi siga seg keða seg at liggja heima í 14 dagar. Men tað ávirkar alt og øll, at viðurskiftini eru so nógv broytt. Vit eru von at kunna ferðast frítt – bæði í egnum landi og kring um í heiminum. Hesum forðar korona – ella ger tað torførari. Ásettar reglur, sum skulu forða fyri smittuspjaðing, gera tað torført at uppføra seg sum vanligt annars. Í Føroyum eru summi harðari rakt enn onur. Tey gomlu og so tey ungu. Tey gomlu, sum eru á ellis- og røktaarheimium hava í langa tíð ikki fingið vitjan og missa á tann hátt av lívsvirðunum á lívsins kvøldarstund. Hjá teimum ungu forðar korona fyri at tey kunnu hittast í stórum tali og skemta sær saman. Nú skal ansast væl eftir at tey ikki eru ov mong saman og at tey ikki eru ov tætt. Ája! Beint nú eru tað eisini konfirmantarnir, sum eru raktir. Summi skuldu havt fingið prestsins hond á høvdið í vár, men tí forpurraði korona. Nú fermingin aftur er á skránni hóttir smittan aftur. Tey flestu verða helst fermd, men ongin av veitslunum verður sum ætlað. Kanska ikki nakar beinleiðis skaði, men keðiligt hjá teimum, sum í langa tíð hava glett seg til stóra dagin. Ája! Fíggjarlógin fyri næsta ár er løgd fram. Sjálvandi er tað misjavnt, hvussu fólk taka ímóti uppskotinum At hallið bert er 172 milljónir næsta ár er sjálvandi nógv betri enn nakar hevði væntað fyrr í ár, men landsstýrismaðurin leggur dent á, at korona kann broyta úrslitið Meðan vit tosa um pengar, so verður í skrivandi stund við spenningi bíðað eftir KÍ-dystinum í kvøld í Dublin. Tað snýr seg fyrst og fremst um at vinna, men vit mugu eisini staðfesta, at úrslitið kann broyta maktfordeilingina í føroyskum fótbólti við øllum pengunum, sum eru at vinna. Skurðfjøllin verða gingin og nógvataðni ljóðar frá góðum úrslitum – bæði í vekt og í tali. Fyri at venda aftur til pengar, so eru tað ikki nógv í Føroyum, sum liva av seyðhaldi, men hetta er ein inngrógvin partur av føroyskari mentan. Uppilagstir sjómenn og pensjónistar fáa nógva tíð at ganga við at passa seyð. Hendan tíðin er hugnalig, tí sjálvt um teir ikki fáa pening, so fáa teirnú løn fyri stríðið, nú lombini verða flett og hongd upp. Ája! Árni Gregersen, journalistur, skrivar Ája! FRÍGGJADAGIN Strúkur í vindi av landssynnin- gi vestan. Út á kvøldið stívt andøvsgul, og hann snarar í ein landssynning. Yvirhøvur turt, og hitin verður millum 10 og 11 stig. LEYGARDAGIN Andøvsgul til strúk í vindi av landssynningi. Samdrigið men turt út á seinnapartin. Um kvøldið lot av landnyrðingi og regn. Hitin verður millum 9 og 10 stig. SUNNUDAGIN Andøvsgul til stívt andøvsgul av landnyrðingi, 6-7 metrar um se- kundið. Tað verður skýggjað, men sólarglottar verða bæði fyrrapart og seinnapart. Um kvøldið minkar hann vindin í eitt gul. Turt allan dagin. Hitin verður millum 10 og 12 stig. 10-15 m/s 5-10 m/s 1-5 m/s Visti tú? - At talið á deyðum av koronufarsótt í vikuni fór upp um eina millión? - At Helgi Abrahamsen, landsstýrismaður, hevur lagt fram uppskot um at leingja barsilsfarloyvið við fýra vikum? - At fyrsta sjónvarpskjakið í amerikanska forsetavalinum var í vikuni? - Visti tú, at tað leygardagin vóru 50 ár síðan flogvanlukkuna í Mykinesi? - At tað eru 13 ár síðani, at Bill Clinton vitjaði í Føroyum?