týsdagur 6. oktober 2020síða 6

Mikudagur 7. oktober 2020 · Nr. 70 6 Sosialurin Hugskot og viðmerkingar – send sms til 225000 TÍÐINDI Steinar Patursson Dagstovnurin Fríðriks­ garður á Landavegnum í Havn fekk í summar um­fat­andi vatnskaða, tá tekjan á dagstovninum skuldi skiftast. Bogi Jacobsen, tekn­ iskur stjóri í Tórshavnar kom­munu, greiðir frá, ein partur av tekjuni varð tikin av í sambandi við tekjuskiftið, men tað fór at regna illa, meðan tekjan stóð opin, og hand­ verkararnir vóru farnir heim. Bogi Jacobsen sigur, at plastinndekningur varð lagdur omaná opið í tekjuni. Hesin plast­inn­ dekn­ingurin var antin ikki lagdur nóg væl omanyvir, ella var hann ikki egnaður til enda­ málið, tí hann helt undir øllum umstøðum ikki regni­num úti. – Júst hatta kvøldið kemur øgiliga nógv regn, og tann inndekningurin, sum varð gjørdur, var ikki nøkt­andi, so tað regnar inn um náttina, sigur Bogi Jacobsen. Ein granni, ið Sosial­ur­ in hevur tosað við, greiðir frá, at handverkarar vóru aftur á stovninum um náttina, har teir stríddust sum úlvur á skóg at leggja okkurt oman yvir op­ið, samstundis sum at teir við spannum oystu vatn út gjøgnum dyrnar. Úrslitið gjørdist eisini, at regnið gjørdi um­fat­ andi skaða á gólv og veggir á Fríðriksgarði. – Tað kemur so nógv vatn inn á gólvið, at tað so at siga fær fatur á gips­plátunum, sum súgva vatn­ið upp í seg, sigur Bogi Jacobsen. Gólv og veggir skulu skiftast Í høvuðsheitum eru tað gipsveggirnir, gólv og ljósar­matur, ið hava tikið skaða av regninum. Gipspláturnar í bygn­ ing­inum hava sogið nakað av vatninum til sín, greiðir Unn Perdomo Sørinar­dóttir, leiðari á Húsaumsitingini í Tórs­ havnar kommunu, frá, og tá er neyðugt at skifta tær. – Gipsplátur mugu skift­ast, um tær fáa vatn á seg, tí tá er vandi fyri, at soppur kemur í. Gólvið er stoypt við linoleu­mi omaná og ein­ um lagi av korkmenti ímill­um, og bæði kork­ ment og linoleum má skiftast, tí hesi tóku eisini skaða av regninum. El-installatiónirnar og ventilatiónin hava ikki tikið skaða, men øll ljósar­maturini mugu skift­ast út, umframt at okkurt av innbúgvinum eisini hevur tikið skaða. Umvælingarnar av Fríðriksgarði fara vænt­ andi at kosta um eina millión krónur, men tá er innbúgvið ikki íroknað sigur Unn Per­ domo Sørinardóttir. Talan er kortini um eitt trygg­ingar­mál, sum ikki er avgreitt enn, tí tílík tryggingarmál taka oftani tíð, ger Unn Per­ domo Sørinardóttir greitt. Høvuðsumvældur fyri 5 milliónir Fríðriksgarður varð høvuðs­um­væld­ur fyri umleið 5 milliónir krón­ ur, tá hann fór frá at vera skúli til dagstovn í mars í 2019. Tá varð tekj­ an kortini ikki skift. Tað arbeiðið fór ikki í gongd fyrr enn í juli í ár, með­an stovnurin var í summar­ frí. – Umvælingin kostaði nokk so nógv, og arbeiðið skuldi gerast nokk so skjótt. Tí valdu vit at bíða við tekjuni. Tá vistu vit heldur ikki, at hon lak illa, og so mátti tekjan sjálvandi skiftast, tá vit fun­nu útav tí, sigur Unn Sørinar­dóttir Perdomo, og leggur aftrat, at farið varð undir at skifta tekju­ na, meðan stovnurin var í summarfrí. Dagstovnurin Fríðriks­ garður heldur í løtuni til í hølunum við Tórsbreyt, har dagstovnurin Kurla áður helt til, men eftir ætlan skal umvælingin av vatnskaðanum vera av­greidd fyrst í desember mán­aði, og tá sleppur stovn­urin inn aftur á Landa­vegin. Húsavarðatænastan, ið stóð fyri arbeiðinum at skifta tekjuna, ynskir ikki at gera viðmerkingar til málið, fyrr enn trygg­ ingar­málið er avgreitt. REGNIÐ KOSTAÐI EINA MILLIÓN Lagt var ikki nóg væl útyvir, meðan tekjan varð skift á Fríðriksgarði í Havn, og úrslitið varð, at tað fór at regna niður í dagstovnin. Grimdarregnið elvdi til skaðar fyri eina millión, og málið liggur nú hjá tryggingini