týsdagur 6. oktober 2020síða 36

MIKUDAGUR 7. OKTOBER 2020 · NR. 70 Sosialurin 36 SANDOY Tvørtur ígjøgnum Føroyar gong­ur ein basaltlind sum hevur ein serligan eginleika. Tað føroyska basaltið hevur júst tann rætta "konsistensin" til at hápolera og annars virka til dømis gravsteinar, húsa­klædningar, flísar og borðplátur úr. Basalt hevur tann eginleika fram­um granit at tað er eitt sindur bleytari og harvið ikki brotnar eins og granit. Henda serstaka basaltlind gong­ur tvørtur ígjøgnum Før­ oyar, hon er at finna á Boðanesi í Havn, á Kirkjubøreyni og aftur í Skopun. Hetta er eisini orsøkin til at virkið er í Skopun. Umleið ein kilometur frá virki­num, í Høvdarhaga, liggur grótbrotið sum Føroya Grót­ virki fær sína rávøru. Avtala er við Búnaðarstovuna um lang­ tíðarleigu av Grótbrotinum og útvinnan av basaltinum.   Eini fimm-seks ársverk eru á virkinum. Mesta framleiðslan er grav­ steinar og flisar, men virkið ger eisini gávulutir úr gróti. -Um vit skulu siga, at vit eru ávirkað av korona, so er tað í samband við gávulutir, sigur Høgni Tausen. -Ofta gera vit slíkar lutir til brúdleyp og annað, men korona ger, at ikki so nógv brúdleyp verða hildin og tískil verða eisini færri slíkir lutir umbidnir. Høgni Tausen sigur, at serliga í sambandi við kirkj­ur­ nar verða nógvar flisar gjørdar. -Alt sum vit gera er úr føroyskum gróti. Tað er rímuliga lætt at fáast við og vit hava basaltlindini gangandi tætt fram við virkinum, sigur Høgni Tausen, stjórin á Grótvirkinum. GRÓTHART HANDVERK Í GRÓTVIRKINUM Síðani 2013 hava brøðurnir Tausen rikið Føroya Grótvirki í Skopun