týsdagur 6. oktober 2020síða 54

14 Jesper Sørensen: Teknisk Chef – Nordics Bridgestone 22. sept. 2020 Vit skilja ímillum, um eitt dekk hevur M+S merki ella ikki. Tað mást tú ikki blanda saman á sama bili. Um vetrardekk og heilársdekk bæði hava M+S merki, er tað loyvt (men ikki viðmælt) at blanda dekkini. Flestu nútímans heilársdekk hava bæði M+S merki og Kavaflykrumerki (3PMSF) – sum vetrardekk eisini hava...! Við øðrum orðum er ikki nógv hjálp at heinta bara við at hyggja á dekksíðuna og eftir merkjum. Ofta er bara lýsingin frá dekkframleiðaranum at halda seg til. Ofta er sjónligur munur á slitlagnum, tí vetrardekk hava fleiri flísar (lamellir) í mynstrinum – sí myndina niðanfyri Heilársdekk eru loyvd sum vetrardekk í Svøríki, Norra og Týsklandi. Vit mæla tó til, at tey, ið hava tørv at koyra hvønn dag um veturin, brúka vetrardekk. Tað er framvegis stórur munur á vetrardekkum og heilársdekkum, tá ið talan er um eginleikar í kava og á ísi. Eg veit ikki, hvussu tit skilgreina / definera vetrardekk í Føroyum, og um tað bara er M+S, ella kravið er 3PMSF. Heilársdekk hava ofta bæði merkini, so tey kunnu saktans verða loyvd sum vetrardekk – um ikki viðmæld. Munurin á heilársdekkum og vetrardekkum er: Vetrardekk hava fleiri flísar (lamellir) í mynstrinum, sum tað tíðiliga sæst á myndunum omanfyri. Flísarnar (lamellirnar) gera vegtak á hálum yvirflatum (kava og ísi), og tað er tí munandi munur á dekkunum. Harafturat hava vetrardekkini eitt gummibland, ið verður verðandi bleytt í kulda og frosti, sum er ein fortreyt, um dekkið skal standa fast á køldum og hálum vegum. Heilársdekkið er ein neyðsemja, sum kann brúkast í Danmark alt árið, men sum altíð er verri enn summardekk um summarið og vetrardekk um veturin. Eg havi ikki verið í Føroyum, men eg ímyndi mær, at tit hava væl av ísi og kava um veturin, og tí hevði eg ongantíð valt heilársdekk til vetrarkoyring ..! Um tú ikki vilt skifta dekk tvær ferðir um árið, so haldi eg, at tað er ein betri loysn at koyra á vetrardekkum alt árið. Tað ber til at býta dekk í fýra bólkar: summardekk, heilársdekk, vetrardekk og píkadekk, men tú kanst aftur býta vetrardekkini í tvey sløg: lamelldekk (LM005), sum vit brúka í Danmark, og norðurlendsk vetrardekk (Blizzak ICE), sum verða brúkt í Norðursvøríki, í Norra og í Finnlandi. Hesi síðstu eru helst tey best egnaðu til veðurlagið og vegirnar í Føroyum. LÝSNGARTEKSTUR Vetrardekk ella heilársdekk A005 Helårsdæk LM005 Vinterdæk