hósdagur 8. oktober 2020síða 4

FRÍGGJADAGUR 9. OKTOBER 2020 SOSIALURIN 71 4 Vikan ið fór Fíggjarmálaráðharrin legði fram fíggjarlógaruppskotið fyri 2021. Hallið verður 172 milliónir, kunnaði fíggjarmálaráðharrin á tíðindafundi. Sjúkrarøktarfrøðingarnir og fíggjarmálaráðið eru framvegis ikki komin ásamt um nýggjan sáttmála. Sjúkrarøktarfrøðingarnir vrakaðu seinasta semingsuppskotið, og vandi er nú fyri verkfalli. Tunlar eru aftur stóra samtaluevnið. Stjórin í tunnilsfelagnum boðar frá, at Eysturoyartunnilin verður liðugur fyrst í 2021, og landsstýrismaðurin í samferðslumálum hevur gjørt greitt, at tunnil skal gerast til Vestmannar, áðrenn farið verður undir Gøtudalstunnilin. Næmingarnir á Glasi fáa nú endurgjald fyri útreiðslur, ið teir høvdu í sambandi við avlýstu námsferðirnar í mars mánaði. Verkfall MEST NÝTTA ORÐIÐ HESA VIKUNA ...uppá ein minutt Fýra mál fóru ígjøgnum hjá Teiti Gestsyni, tá Føroyar spældu vinardyst móti Danmark í Herning mikudagin. Tíverri fóru eingi mál ígjøgnum í hinum endanum, og dysturin endaði tískil 4-0. 4 Verkfall er arbeiðssteðgur, har lønarmóttakarar nokta at fara til arbeiðis, oftast orsakað av ónøktandi umstøðum ella ónøktandi løn. Verkføll hava sín uppruna undir ídnaðarkollveltingini, tá stór arbeiðsmegi gjørdist týdningarmikil partur av verksmiðuframleiðslu, og fólk tysjaðu til stórbýirnar at arbeiða á verksmiðu. Upprunaliga vórðu verkføll skjótt gjørd ólóglig, tí at verksmiðueigarar høvdu munandi størri politiskt vald enn arbeiðararnir, ið fóru í arbeiðssteðg. Flestu vestanlond hava kortini heilt ella lutvíst gjørt verkføll lóglig seinast í 19. øld og í 20. øld. Hesa vikuna hava landsins kosnu menn og kvinnur viðgjørt uppskotið til nýggja fíggjarlóg fyri næsta ár. Semja tykist vera um, at tað ikki sær so svart út nú, sum tá ið fyrsta koronabylgjan skolaði inn yvir landið í mars. Eitt hall uppá 172 milljónir næsta ár er ikki verri enn so fyri landsbúskapin, enn at tað kunnu vit liva við. Hinvegin hevur orðaskiftið í ár líkst tí, sum vit kenna. Flestu útreiðslurnar eru lógarbundnar, men so eru tað smærri upphæddir í rakstrinum, sum kjakast verður um. 1,5 milljón til ítróttin, sum er skotin niður til hálva milljón, eru smápengar, tá ið vit hugsa um, at fíggjarlógin javnvigar við hálvari sættu milljón. Ája! Íløgurnar eru eisini ein partur av fíggjarlógini. Sum oftast er stríð um íløgurnar, fyrst og fremst um raðfestingina. Nú eru tunlarnir Norð um Fjall komnir á og tað tykist gleða tey flestu, men sum ketta úr høvdatrogið skal nú Vestmannavegurin gerast áðrenn vegurin í Skálafirði og bergholið úr Gøtudali. Jú sanniliga – tað er politikkur. Dalbingar sita helst eftir við einari kenslu av at vera lumpaðir, tí sum tað sær út í løtuni, fer tað at taka sjey til níggju ár til koyrandi verður gjøgnum tunnil til Dals. Ája! 10.november sleppa vit aftur at velja fólk, sum skulu, manna okkara kommunustýrir. Í løtuni verða listar gjørdir eins og politisku flokkarnir royna at manna seg. Fleiri borgarstjórar hava boðað frá, at tey ikki ynskja at hlda fram. Ilt er at finna eina felags orsøk fyri, hví tey ikki tíma meir, men kanska krevur tað eitt serligt slag av fólki at manna borðendarnar í kommunustýrunum. Tíbetur er tað kortini soleiðis í Føroyum, at vit ennn virða og brúka okkara frælsi til at velja, tey vit ynskja inn í bý- og bygdaráð. Ája! Í hesum døgum ganga menn úr kjallara í kjallara at fletta og í hjallarnar at skoða og meta um krovini, sum eru komin upp at hanga. Eitt sindur reyput lag hoyrist á monnum. Hetta er ein serlig mentan, sum vit sum tjóð eiga at halda fast í. Hetta lærir okkum, at fyri at fáa mat í munnin,so mugu kríatúr lata lív. Alt er ikki ljósareyður um­hvørvis­ romantikkur – so einfalt er tað. Úr fornari tíð hevur tað verið soleiðis um okkara leiðir, at fyri at lívbjarga okkum, so hava vit havt fyri neyðini at gagnnýtt tað, sum livuir her á leið. Tað er bæði tá ið tað snýr seg um fisk, fugl, hval og annað. Sjálvandi havi eg ikki gloymt, at vit taptu fótbóltsdystin móti Danmark, men vónandi vinna vit móti Letlandi og Andorra. Ája” Árni Gregersen, journalistur, skrivar Ája! FRÍGGJADAGIN Lot til andøvsgul av vesturi, 3-7m/ sek. Turt fyrrapartin, men sirm og regn út á kvøldið. Sólarglottar fyrrapart, annars yvirskýggjað. Hitin verður um 8 stig. LEYGARDAGIN Frískur vindur upp í strúk av útnyrðingi, 9-11 m/sek. Regn fyrrapart, men yvirhøvur turt seinnapartin og út á kvøldið. Yvirskýggjað allan dagin. Hitin verður millum 7 og 8 stig. SUNNUDAGIN Gul til andøvsgul av útnyrðingi norðan. Seinnapartin landnyrðing norðan, um 2m/sek. Um kvøldið snarar hann í landsynning sunnan, 3 m/sek. Yvirskýggjað men turt allan dagin. Um kvøldið samdrigið og regn. Hitin verður millum 7 og 8 stig. 2-3 m/s 9-11 m/s 3-7 m/s Visti tú? –at landsliðshópurin gjørdist fyrsti gestur á Hotel Hilton? – at føroysku skúlarnir halda heystfrí í næstu viku? – at dagstovnurin Fríðriksgarður fekk vatnskaða fyri eina millión? – at Halleluja-Sofus ikki sleppur at skráseta síni umbygdu ellisakfør?