týsdagur 13. oktober 2020síða 18

MIKUDAGUR 14. OKTOBER 2020 · NR. 72 Sosialurin 18 EYSTUROY Vilmund Jacobsen Sonni á Horni, sum hevur verið borgarstjóri í Fuglafjarðar kommunu seinastu tvey val­ skeið­ini, hevur gjørt av at stilla upp aftur á kommunuvalinum komandi. Áðrenn hann gjørdist borgarstjóri, sat hann eitt skeið í kommununi, har hann var í teknisku nevnd og sosialu nevnd. - Jú, eg hugsi um at bjóða meg fram aftur einaferð aftr­at, sigur borgarstjórin, sum fegn­ast um, at tey trý hjarta­mál­ini, sum tey settu sær fyri at fremja í hesum valskeiði, øll eru í gongd. Hann vísir á, at stóra útbyggingin av skúlanum nú nærkast endanum, og nið­asta hæddin í fantastiska ítrótt­ar­ húsinum er tikin í nýtslu, sam­ stundis sum býráðið hevur sam­tykt, at alt húsið skal gerast liðugt. - Gongd er umsíðir eisini komin á fjøltáttaðar bú­staðar­ møguleikar í Fuglafirði, har vit nú fáa íbúðarbygging við leigu­ bústøðum, bæði til yngri og eldri, umframt at nøkur tvíhús verða bygd við Bøveg, har øll grundøkini annars eru seld. Vit hava eisini eina nýggja út­ stykking á Kambsdali, har fólk hava høvi at ogna sær grund­ stykki og seta búgv. Á Kambsdali er eisini møgu­ leiki fyri at veksa um út­stykk­ ingina. Íbúðarbyggingin Íbúðarverkætlanin Úti á landi í Fuglafirði er komin so mikið væl áleiðis, at jørðarbeiðið, sum hevur verið boðið út, fer í gongd fyrsta dagin. Kommunan ger økið byggi­ búgvið og hevur tryggjað sær, at fólk eldri enn seksti ár fáa framíhjárætt at leiga nakr­ar av teimum tilsamans 18 íbúð­un­ um. Niðan fyri íbúð­ir­nar, sum fara at hava tvey og trý køm­ ur, verður ein træbrúgv, sum gangast kann eftir. Sonni á Horni fegnast um, at áhugin fyri at tekna seg til leiguíbúðirnar í Fuglafirði er stórur, og hann hevur skilt á felagnum, sum eigur verk­ ætlan­ina, at rættiliga nógv fólk hava skrivað seg upp til íbúð. - Her eru møguleikar at bygg­ja einar 18 íbúðir aftrat. So, hetta er ein fantastisk verk­ ætlan, sum skjøtil nú er settur á, har tær fyrstu 18 íbúðirnar æt­landi verða klárar í 2022. Onnur hús tøk Borgarstjórin sigur seg hava skilt, at fleiri av teimum, sum hava teknað seg til leigu­bú­ stað, eru seksti ár og eldri, og tað kann - alt annað líka - fara at merkja, at nøkur hús í Fugla­ firði í framtíðini fara at gerast tøk hjá yngra ættar­lið­num. Annars eru tað fólk í øllum aldri, sum vísa íbúðunum áhuga. - Eg havi eisini skilt, at onkur familja hevur teknað seg, sum býr uttanlands, og sum nú hev­ ur í hyggju at koma heim aftur til Fuglafjarðar at búgva við børn­um. Sonni á Horni vísir á, at tað, at fleiri, sum hava teknað seg, eru tilkomin og eldri, kann fara at geva eina dupulta effekt, sum hann tekur til, tí hetta kann samstundis fara at gera, at húsini, sum hesi fara úr, fara at gerast tøk hjá næsta ættar­ liði. - Ein av fyrimununum við leigu­íbúðum í mun til eigara­ íbúðir er, at fólk altíð vilja búgva í einari leiguíbúð. Hin­ veg­in kann ein eigaraíbúð verða brúkt sum summarhús og so­leiðis koma at standa tóm ein fittan part av árinum. Útlitini eru góð Borgarstjórin vísir á, at tað, sum Fuglafjørður í fyrsta lagi tørvar, er, at familj­ur seta búgv í kom­mun­uni, og haraftrat ynsk­ir kom­mun­an at bjóða teim­um, sum heldur vilja búg­ va í leigu­íbúð, ein frálíkan bú­ stað­ar­møguleika. Í nýggju útstykkingini á Kambs­dali eru eini hús komin upp, og tey næstu eru á veg. - Í nýggju útstykkingini við Bøveg eru øll grundstykkini seld, og her eru nøkur hús á veg, harav fyrsta familjan kann flyta inn fyrsta dagin. Øll grundstykkini eru planer­ að, og vit hava broytt ætlan­ ina soleiðis, at tvíhús kun­nu byggjast á trimum av grund­ stykkjunum við Bøveg. Sonni á Horni vísir á, at múr­urin millum tey fyrstu tví­ húsini er komin upp, og tað eru tvey feløg, sum byggja tvíhús við Bøveg, harav annað felagið umhugsar at geva keyparum møgu­leikan at innrætta húsini sjálvi. Í aðrar mátar kunnu fólk eisini fáa veitaran at byggja hús­ini liðug. - Okkum dámar væl at fáa flest møguligar búeindir burtur úr tí lendi, vit hava, sigur Sonni á Horni. Aðrastaðni í Fuglafirði eru eisi­ni nøkur sethús í gerð. Kommunan planerar Sjálvur heldur Sonni í Horni, at tað er ein høgligari og betri máti, tá kommunan stend­ur fyri planeringini av grund­ stykkj­um. - Jú, eg haldi, tað er ein góð­ur máti, at kommunan ger grund­ økini byggibúgvin heldur enn, at hvør einstakur, sum ætlar at byggja, ger sín egna út­gevst­ ur. Tað eigur eisini at vera bíligari fyri flestu partar, tá planeringin verður gjørd und­ ir einum, og hetta eigur eisini at tryggja, at arbeiðini mill­um grannagrundstykki og at­kom­ an til grundstykkini verð­ur snøgg­ari. Borgarstjórin leggur aftrat, at tað serliga var, tá grund­ stykkini við Bøveg vóru planer­ að, at áhugin fyri øki­num gjørd­ist stórur, og øll grund­ stykkini vórðu seld. FUGLAFJØRÐUR FÆR NÚ EITT FJØLTÁTTAÐ BÚSTAÐARMYNSTUR - Umframt at leigubústaðir verða bygdir, verða eisini nøkur tvíhús bygd í nýggju útstykkingini við Bøveg, sigur borgarstjórin í Fuglafjarðar kommunu seinastu átta árini, Sonni á Horni - Tað er stórur áhugi fyri at seta búgv í Fuglafirði, og her við Bøveg eru øll grundstykkini seld, sigur Sonni á Horni, sum fegnast um fjøltáttaða bústaðarmynstrið, sum nú verður í Fuglafirði