hósdagur 22. oktober 2020síða 47

19 Fríggjadagur 23. oktober 2020 · Nr. 74 Sosialurin FILMSKAPPING: Vís okkum tín gerandisdag í koronutíðini Gongur tú í 7.-10. flokki? So kanst tú vera við í filmskapping, sum Granskingarráðið skipar fyri í sambandi við Vísinda­vøk­una. Korona hevur broytt lívið hjá okkum øllum í 2020. Hetta ávirk­ ar eisini ársins Vísinda­vøku, sum ikki kann hava tiltøk fyri ung, eins og undanfarin ár. Í stað­in hava vit gjørt eina Vís­inda­ vøkuapp, har vit fara at hava ymiskt tilfar fyri stór og smá. Her halda vit at nýggir filmar um ung til ung høvdu verið góðir. Vit vilja tí við hesum bjóða skúlaungdómum at vísa okkum sín gerandisdag í koronutíðini. UM KAPPINGINA LUTTAKARAR: Tú skalt vera næmingur í 7.-10. flokki. EVNI: Gerandisdagurin hjá ungum í koronutíðini LONGD: 3 minuttir. KRØV: Tak upp og klipp við fartelefon. Tú skalt loyva okkum at leggja filmin út í appina. Filmar tú fólk, mugu tey senda váttan fyri, at tað er í lagi, at tey eru við. Vit tilskila okkum rætt til ikki at almannakunngera filmin, um hann verður mettur at vera óhóskandi á onkran hátt. GÓÐ RÁÐ: Tað er altíð eitt gott hugskot at filma við telefonini liggjandi, altso horisontalt, so myndin er breiðari enn hon er høg. Far ikki ov langt burtur frá mikrofonini, um tú vilt hava talu á. Ansa eftir, at tú hevur nóg mikið av plássi á telefonini til at kunna filma. Til ber at nýta appina FilmoraGo til at klippa við. Um tú nýtir iPhone ber eisini til at nýta I-Movie. FREIST: Sunnudagin 1. november áðrenn midnátt. Send okkum filmin við Dropbox ella WeTransfer. Ein dómsnevnd við fólki frá Filmshúsinum og Granskingar­ ráðnum velur vinnaran. VINNINGURIN ER KR. 5.000. Vinnarin og innkomnu filmarnir verða almannakunngjørdir á Vísindavøka.fo MIÐLAHEIÐURSLØN Vísindavøkan 2020 endar við til­ taki, sum fagnar góðari miðling av gransking. Tað krevur góð evni at miðla gransking til fólk flest. Ymsu granskingarøkini hava nógv og ser­lig fakorð. Vísindaligar frá­ greiðingar verða oftast skrivaðar til samstarvsfelagar, sum kenna økið og ymsu fakorðini. Í al­menn­ ari miðling skulu hesi fakorðini og økið lýsast í heilt øðrum máli. Ofta skal hetta eisini gerast stutt og uttan ov nógvar smálutir. Tað er ein stór avbjóðing fyri flestu gransk­arar. Miðlatiltakið byrjar kl. 15.30. Fyrst er snarrøðukapping. Nakrir granskarar skulu stutt og greitt fortelja tað, sum er lýst á gransk­ ing­armáli á einum postara, so­ leiðis at øll skilja hetta. Hetta fáa teir upp til 150 sekund til. Ein dóms­nevnd kjósar vinnaran, sum fær heiðursløn. Síðani verður vinnarin av films­kappingini fyri næmingar í 7.-10. flokki kosin og virðisløn handað. Freistin at lata filmar inn er 1. november. Ein dómsnevnd metir um innkomnu filmarnar. At enda verður ársins miðla­ heiðursløn handað. Hetta er eitt herðaklapp, sum verður latið gransk­ara ella øðrum, sum hevur dugað serliga væl at miðla gransk­ ing­arúrslit, hevur víst á týdningin av gransking ella á annan hátt varpað ljós á nyttuna av vís­ind­ um. Filmskapping: Vís okkum tín koronudag Í 2019 fekk Lis Mortensen, landafrøðingur, ársins miðlaheiðursløn. SNARRØÐUR: 150 sekund um gransking Á Vísindavøkuni fara nakrir granskarar at dystast í sonevndari postara-snarrøðukapping. Kappingin snýr seg um heilt stutt at leggja fram innihaldið á einum granskingar-postara. Tiltakið verður skipað soleiðis, at teir eftir tørni hava hvør sína stutta framløgu, sum skal vera: • 150 sekund munnlig framseting • við eini mynd á vegginum, sum er avrit av sjálvum postaranum og  • uttan kjak og spurningar úr salinum Hvør granskari fær sostatt 2 1/2 minutt at leggja fram síni úrslit og grundgeva fyri, hví teirra gransking er umráðandi DØMING Ein dómsnevnd við trimum umboðum ger av, hvør vinnarin av kappingini er. Av tí at henda kappingin leggur dent á at miðla gransking, so vigar sjálv framløgan mest í dømingini, men postarin í sær sjálvum verður eisini tikin við í eina heildarmeting. Vinningur verður latin fyri bestu postara-snarrøðuna. Í dómsnevndini eru granskarar og miðlafólk. Miðling í miðdepilin