týsdagur 27. oktober 2020síða 24

VESTMANNA KOMMUNA MIKUDAGUR 28. OKTOBER 2020 · NR. 75 Sosialurin 24 Vilmund Jacobsen Pauli T. Petersen, sum hevur verið borgarstjóri í Vestmanna kommunu seinastu tvey val­ skeiðini, heldur, at tað hevði verið meira spennandi til kommunuvalið hesaferð, um meira enn tann eini listin var til valið. Níggju fólk eru uppstillað á einum og sama lista, og av hesum skulu sjey veljast í bygdarráðið. - Men, eg haldi ikki, at tað er fyrstu ferð, at hetta er hent, sigur hann. Fólkavøkstur Pauli T. Petersen sigur, at tá sit­andi kommunustýrið tók við fyri skjótt fýra árum síðan, varð dentur lagdur á at fáa fólka­vøkstur í Vestmanna. - Hetta hevur eisini eydnast, soleiðis at fólkatalið í hesum tíðarskeiði er vaksið við umleið fimm prosentum. Borgarstjórin sigur, at tað eisini í hesum valskeiði hevur eydnast at betra um nakrar grund­leggjandi tænastur. - Vit hava fingið nýggj­an ansingarstovn í heilsu­kjall­ar­ anum, sum annars hýsir lækna og tannlækna, har 1., 2. og 3. flokkur hava eitt frítíðartilboð. Tørvur hevur eisini verið á grund­stykkjum, og her hava vit gjørt eina útstykking á 22 stykki, sum øll eru seld, og nøkur hús eru í gerð. Vit hava gjørt allan ovaraveg, og vit hava fingið brúgv um Fossá, sum hevur ligið á láni í nógv ár. Tað hevur eisini eydnast okk­ um at gjørt tað bíligari at hava børn á ansingarstovni, har foreldur nú bert rinda fyri tað fyrsta barnið. Pauli T. Petersen vísir á, at roynt hevur eisini verið at gera verk­ætlanir, sum kommunan hevur havt í gongd, lidnar, men her eru tey ikki rættiliga komin á mál við øllum. - Vit hava eisini arbeiði í gongd, sum koma at halda fram í nøkur ár, ásannar borgar­ stjórin. Nýggur skúli Tað nýggjasta hjá Vestmanna kommunu beint í løtuni er, at tey hava sett skjøtil á ætlaninar at byggja ein nýggjan og nú­tímans skúla í bygdini. Gamli skúli er frá fimmti-og sekstiárunum og hevur ikki teir fasilitetir og møguleikar, sum nýggir skúlar hava í dag. - Ætlanin er at seta pengar av á fíggjarlógini fyri 2021 til nýggjan skúla, men í løtuni dugi eg ikki at siga ítøkiliga, hvussu nær ein slík verkætlan er. Greitt er, at gamli skúlin hevur tænt fyri seg, og at neyðugt er at seta pengar av til ný­bygging. Pauli T. Petersen vísir á, at skúlin í Vestmanna hevur eina lut­falsliga lítla fimleikarhøll, meðan teir nýggju skúlarnir, vit kenna í dag, hava ein stóra og góða høll, sum kann brúkast til nógv ymisk endamál. Í Vestmanna er eisini skjøtil sett­ur á at byggja Fjallsveg nið­an í Miðalsbrekku, og hetta kem­ur eitt nú at avlasta gomlu veg­ir­nar í bygdini. Bústaðarmynstur broytist Borgarstjórin vísir á, at nú øll tey 22 grundstykkini í nýggju útstykkingini eru seld, noyðist kommunan at finna nýggj byggiøki. - Vit eiga ikki meira lendi beint nú, men hetta er eisini eitt mál, sum vit arbeiða við at loysa. Pauli T. Petersen fegnast um, at tað nú eisini hevur eydnast at útvega nýggjar og fjølbroyttar bústaðarmøguleikar í Vest­ manna, har Bústaðir byggja sjey íbúðir á økinum, har gamla kommunuskrivstovan var. - Hetta arbeiðið er komið væl áleiðis, og nú verður arbeitt við bjálving og klæðing. Av teimum sjey íbúðunum, verður ein íbúð bygd til fólk við avbjóðingum, sigur hann. Fleiri íbúðir á veg Nú gamla turkihúsið niðast í bygdini í Vestmanna verður rivið niður fyrsta dagin, er spenn­ingur í Vestmanna um, hvat lendið skal brúkast til. Borgarstjórin vil ikki siga meira enn, at bygningurin nú skal rívast niður, og hetta verður gjørt hin 15. november. Tá Sosialurin vitjaði í Vest­ manna herfyri, skiltist á fólki, vit hittu á vegnum, at tað er upp á tal at byggja íbúðir á lendi­num, har turkihúsið stend­ur. Men hetta vil Pauli T. Pet­er­ sen hvørki vátta ella avsanna í løtuni. - Vit eiga turkihúsið, sum vit keyptu frá Eik í sínari tíð, og vónandi fer onkur spennandi verk­ætlan at spyrjast burtur úr hesum, er tað einasta, sum borgarstjórin vil siga. Tunnilsverkætlan Ein onnur ætlan, sum borg­ar­ stjórin eisini er sera spentur upp á, er ein tunnil, sum kann geva bygdini ein høgligari sam­ band suður eftir. - Eg havi skilt, at Landsverk arbeiðir við einari verkætlan við einum tunli, sum fer inn á leiðini, har tunnilsmunnin til Vágatunnilin er, og ætlanin er, at hesin tunnil skal koma upp í Vestmanna. Sum eg havi skilt, er hetta ein tunnil á stívliga fimm kilometrar, sum hevði gjørt farleiðina mill­um Vestmanna og leiðirnar sunn­ an fyri munandi betri, enn tað er í dag. Pauli T. Petersen heldur, at ein slík farleið avgjørt er nakað, sum tey í Vestmanna fara at leggja dent á í einum komandi skeiði. - Øll vita, at farleiðin til Vestmanna liggur høgt, og her kann vera rættiliga keðiligt um vetr­ar­nar við hálku og vindi, sigur borgarstjórin, sum er til reiðar at taka eitt tørn aftrat í Vestmanna kommunu, um boð enn einaferð verða eftir hon­um. SPENNANDI VERKÆTLANIR FYRI FRAMMAN Í VESTMANNA - Vit fara at seta skjøtil á nýggjan skúla, og tað er mítt ynski, at Vestmanna eisini fær tunnilssamband, sigur borgarstjórin, Pauli T. Petersen