týsdagur 3. november 2020síða 16

KOMMUNUVAL 2020 MIKUDAGUR 4. NOVEMBER 2020 · NR. 77 Sosialurin 16 Vilmund Jacobsen Vágur er nógv broyttur sein­ astu 10 árini, og tað er neyvan at gera nøkrum órætt at siga, at í allari hesari broyting hevur borgarstjórin seinastu árini, Dennis Holm, verið miðdepilin. Saman við góðum fólki, bæði í kommunu og veitarum í øki­ num annars, hevur tað eydnast at gera Vág til ein rættiligan upp­livingarbý. Hevur tú sum familja eina­ ferð verið í Vági, draga teir møgu­leikar, ið býurin hevur at bjóða, teg aftur. Ítróttarháskúlin hevur verið ein stór succes, og tað hava Páls Høll og Marghøllin so sanniliga eisini. Matstovuvinnan í Vági stendur í besta blóma, og sein­ nu árini eru tilboðini vorð­in fleiri og fleiri. Fara vit nøkur ár aftur, vóru sein­gjarplássini í Vági lut­ fals­liga fá í tali, og í dag eru tey fleirfaldað - við ymiskum leigumøguleikum til fólk, sum hava hug at uppliva tað frí­ tíðar­virksemið, sum er skapt seinnu árini. Hvørki Páls Høll ella Marghøllin spyrja eftir, hvussu veðrið er, og tað gera matstovur og gistingarmøguleikarnir í býn­um heldur ikki. Við hesum møguleikum, sum skaptir eru í býnum hesi ár­ini, fær Vágur eisini vitjan at nógvum ferðafólkum, ser­liga føroyingum, men eisini út­lend­ ingum, sum vilja uppliva teir møguleikar sum eru. Vágur broyttist - Fara vit eini 10 ár aftur, var Vágur ein lutfalsliga stórur fiski­vinnubýur við virkjum, trolar­um og bátum. Í dag hava vit nakað av laksavinnu, sum sjálvandi er ógvuliga kær­ komin, og vit hava nakrar útróðrarmenn, sum baks­ast. Vit hava eisini aðrar vin­nu­fyri­ tøk­ur, sum hava veitingar til skip og bátar, og vit hava Vágs Skipa­smiðju. Borgarstjórin, Dennis Holm, ásannar, at Vágur er ikki tann fiski­vinnubýur, sum býurin var, men í býráðnum eru tey ógvuliga fegin og takksom fyri alt tað, ið er av vinnuligum virk­semi. - Sjálvandi kundu vit í Vági bara havt sett okkum afturá og bíðað og vitað, um býurin mentist aftur á fiski­vinnu­ økinum. Men, hetta beyð mær ímóti, sigur Dennis Holm, Nýggir møguleikar Sum samfelagsfrøðingur, ið starv­aðist á gransk­ingar­depli­ num fyri samfelagsmenning í 12 ár, sá hann nýggjar møgu­ leikar, sum í dag hava ómetaliga stóran týdning fyri Vág og alla Suður­oynna. - Eg vil siga, at vit vórðu tvingað at leita nýggjar leiðir og síggja nýggjar møguleikar, og í dag fegnast vit øll um tað, sum í góðum samstarvi í Vágs kom­munu - og við veitarar í øki­num - er skapt. Tað er ser­ liga seinastu tvey árini, at vit hava sæð, hvussu fólk hava leitað suður til okkara og hava notið teir møguleikar, ið vit nú hava, og sum vit so gjarna vilja deila við onnur. Dennis Holm sigur, at góða gongd­in hesi seinnu árini eisini hevur ført til, at Vágs kom­ muna seinastu átta árini er vaks­in við 100 fólkum, og tað fegn­ast hann sjálvsagt um. - Tað, sum vit serliga fegnast um í dag, er, at nógv fólk koma norðan eftir og suður at vitja okkum, og hetta gevur sjálvsagt eisini ringvirkningar, bæði í Vági og kring um í oynni. Tað er eisini gleðiligt at síggja, at familj­ur, sum fyrst hava verið her einaferð, leita suður aftur, ferð eftir ferð. Eisini í heyst Borgarstjórin vísir á, at hóast heystfrítíðin er liðug, og vit eru komin út í november, kem­ur framvegis væl av fólki til Suð­ uroyar at halda viku­skiftis­frí og soleiðis, sum hann hevur skilt á teimum, sum leiga út og reka matstovuvinnu í Vági, eru fram­vegis dagar, har tey hava væl at gera. - Tað er eingin ivi um, at bæði Páll Høll og Marghøllin saman við øðrum góðum møguleikum, sum eru í Suðuroy, draga fólk suður higar. Tað hevur stór­ an týdning, at vertíðin, tá fólk ferðast og vilja uppliva, er vorðin longri, og tað er at vóna, at soleiðis verður eisi­ni, tá várið fer at nærkast. Ferða­fólk geva eisini inntøkur, og inn­tøkur gera, at fólk trívast í sínari vinnu. Øll tilboð krevja eitt grundarlag, og tað er fantast­ iskt at síggja, at tað higartil hev­ur eydnast okkum so væl at skapa møguleikar, sum fólk í stórum tali spyrja eftir. Fleiri seingjarpláss Dennis Holm sigur, at í 2013 hevði Vágur 35 seingjarpláss á Hotel Bakkanum og nøkrum sum­marhúsum kring um í kom­mununi, men í dag eru seingjar­plássini 170, og longu til várs væntar hann, at talið av seingjarplássum, sum kunnu leigast, fer at liggja millum 220 og 230. - Vit hava givið byggiloyvi til eina spennandi verkætlan, har ein veitari ætlar at byggja heili 10 frítíðarhús í Vági, harav eini fýra ætlandi skulu standa liðug longu til várs, sigur borgar­ stjórin í Vágs kommunu. Spennandi gongd Dennis Holm heldur, at nú Vág­ ur er í einari ógvuliga góðari og spennandi gongd, ræður um at halda fast og halda fram við tí arbeiði, sum er gjørt hesi seinnu árini. - Einki kemur av ongum, og nú er avbjóðingin at halda fram, og tí havi eg eisini gjørt av at lata meg stilla upp aftur á kommunuvalinum, sigur borgar­stjórin í Vágs kommunu, sum vónar, at nýggja býráðið fer at føra býin longur fram á somu leið sum seinnu árini, so­ leiðis at ymisku tilboðini í Vági kunnu gerast enn fleiri og betri. FISKIVINNUBÝURIN SUM GJØRDIST UPP- LIVINGARMIÐSTØÐIN - Vit kundu havt sett okkum afturá og bíðað og vitað, um býurin mentist aftur á fiskivinnuøkinum. Men, hetta beyð mær ímóti, og tí gingu vit nýggjar leiðir, samstundis sum vit fegnast um alla ta vinnu, ið er, sigur Dennis Holm, borgarstjórin í Vágs kommunu - Einki kemur av ongum, og nú er avbjóðingin at halda fram. Tí havi eg eisini gjørt av at lata meg stilla upp aftur á kommunuvalinum, sigur borgarstjórin í Vágs kommunu, Dennis Holm