hósdagur 5. november 2020síða 28

FRÍGGJADAGUR 6. NOVEMBER 2020 SOSIALURIN 78 28 JÓANNES BJARTALÍÐ: AB GER TAÐ TORFØRT FYRI OKKUM Vit fáa tað ikki at koyra í dag, og AB ger at tað torført fyri okkum. Teir spæla væl í dag og vit fáa tað ikki at kora ordiligt, men tað gongur til seinast. Vit hava ikki tryggjað okkum hatta annað plássið enn, men tað ætla vit leygardagin, sigur Jóannes Bjartalíð. TRÓNDUR ARGE – KLAKSVÍK K Í kann við 3-1 sigrinum á AB mikukvøldið í Klaksvík avgera sína egnu lagnu í stríðnum um at sleppa í Evropa til komandi ár, á seinasta leikdegnum. Tað er løtur í dystinum, har KÍ er merkt av nógvu broytingunum, men argjamenn taka ikki av. KÍ kann nú við sigri á HB leygardagin tryggja sær 2. plássið, silvurið og eitt pláss í Europa League til komandi kappingarár. Argjamenn eru nú nærri niðurflytingini enn nakrantíð í ár. AB skal fáa eitt betri úrslit enn Skála á seinasta degnum, fyri at hava ein kjans at yvirliva. Nummar tíggju flytur niður, meðan nummar níggju skal spæla móti B68 í einum upp- og niðurflytingardysti. Símun onga viðmerking Tað kom óvart á, tá AB mánadagin boðaði frá, at felagið hevur sagt upp venjaran, Símun Samuelsen. Hetta bara tveir dagar undan næstseinasta dystinum í landskappingini. Úrslitini hava ikki verið góð, men tað er at undrast á, at feløgini í Føroyum skjóta við so skørpum. Hesa ferð er heldur eingin avloysari. Loysnin er Rógvi Poulsen, ið er kropsligur venjari og spælari á besta liðnum. Símun Samuelsen hevur sum so onga viðmekring, men sigur við Sosialin at hann vónar at AB bjargar sær. Hartil sigur hann, at yrkis­leiðin sum venjari júst er byrjað, so hann ræðist ikki eitt anna venjarastarv. Hann er triði venjarin, sum óvæntað fær sekkin. Fyrst var tað Eyðun Klakstein í Víkingi, síðani Glenn Ståhl í NSÍ og nú Símun Samuelsen í AB. Sorin Anghel takk fyrr í ár fyri seg á Argjum, har hann og nevdin samdust um at gevast við samstarvinum. Tað var eisini støðan á Skála, tá Bill M. Jacob­ sen takkaði fyri seg. -Nevndin hevur avgjørt at steðga samstarvið við Símun Samuel­sen. Nevndin hevur bert gott at bera Símuni. Hann hevur staðið fyri framgongd og menn­ing av ungum leikarum. Men tað er eingin loyna, at úrs­ lit­ini hava verið ímóti okkum í ár. Tað eru tveir dystir eftir, og vit stríðast fyri at yvirliva í deildini. Rógvi Poulsen, høvuðs­ ung­dómsvenjari, tekur yvir tað, sum eftir er av kappingini. AB møtir KÍ á útivølli mikudagin og EB/Streymi á heimavølli á síðsta leikdegi. Nevndin takkar Símuni fyri gott samstarv og ynskir honum bestu eydnu fram­yvir. Nevndin hevur ikki fleiri viðmerkingar hesum við­ víkjandi, skrivar AB. Serliga hendan seinasta við­ merk­ingin er brúkt av Víkingi, NSÍ og nú AB. Hetta er ein óskikk­ur at halda, at tú bara kanst koyra venjaran uttan nakað. Sum Sosialurin hevur fingið fortalt, so er ósemja í nevnd­ini hjá AB, har ávísir nevnd­arlimir vildu broyting, men tað er ilt at síggja hvat fyri broyting talan er um, tá ongin er settur í staðin. Nógvar broytingar hjá KÍ Tað eru fleiri broytingar á liðnum hjá KÍ, tá Bjarki Danielsen bríksl­ar dystin í Klaksvík í gongd. Hjá KÍ sita fleiri profilar á bonkinum. Teirra millum eru Jóannes K. Danielsen, Patrik Johannesen, Deni Pavlovic og Ole Erik Midtskogen. Lukasz Jaro­ sin­ski hevur endur­ vunn­ið plássið millum stengur­ nar, meðan Dávid Langgaard, Stein­bjørn Olsen, Boris Dosljak og Páll A. Klettskarð eru nýggir frá byrjan. Hjá AB eru onkrar broytingar at hóma. Bjarki Nielsen og Jasper Van Der Heyden eru í álopinum, meðan Asbjørn Heðinsson er á vinstra miðvøllinum. Mikkjal T. Hentze hevur funnið gaggurnar fram aftur og er undir liðini á Sørini Samuelsen í miðverjuni. Eitt í part Tað er vindur og regn við Djúpu­ mýru, tá Jasper Van Der Heyden vinnur ein luftbólt. Bjarki Niel­ sen stríkur avstað og Heini Vatns­dal missur fótafestið. Lukasz Jarosinski nær ikki og í nøkur sekund er tøgn kring vøll­ in. Síðani hoyrast bara rópini frá Ab-spælarunum og onkrum einkultum argjamanni, sum er farin til Klaksvíkar í ódn­ar­ veðri­num. KÍ hevur bóltin nógv restina av seinna hálvleiki, men tað er sjáldan at Silas Eyðsteinsson skal til arbeiðis. Hann tekur sær væl av innleggunum, men tað einu ferðina er hann ov djarv­ ur. Innleggið hjá Borisi Dosl­ jak er ikki so hart og steðgar í vindi­num. Silas Eyðsteinsson nær ikki út alíkavæl og Páll A. Klett­skarð kemur í millum og skorar. AB tekur ikki av KÍ ger tríggjar útskiftingar í hálv­leikinum. Dávid Langgaard, Stein­bjørn Olsen og Jonn Johanne­sen fara út fyri Ole Erik Midtskogen, Jóannes K. Danielsen og Deni Pavlovic. Tað gevur eitt trýst fyrstu minutt­ ir­nar, men innanfyri tíggju minuttir hevur AB fleiri góðar støð­ur. Felags fyri allar støð­ur­ nar er Jasper Van Der Heyden, sum var nær við at skora. Tað endar alt við at KÍ fær brotsspark, eftir at Sørin Samuel­sen fær bóltin í hondina. Tað er undir ongum umstøðum við vilja og hann fær ongan fyri­ mun av støðuni. Liðskiparin hjá AB er bara óheppin. Jóannes Bjarta­líð tekur av og smekkar bóltin í málið. -Bólturin vildi ikki liggja stillur. Mikkjal hevði júst skeldað meg, tí eg gjørdi ov skjótt av við eitt hornaspark. So hesa ferð bíðaði eg og so skjeyt eg. Eg hevði bestemmað meg áðrenn, sigur Jóan­nes Bjartalíð. Ole dagsins maður Norski áleyparin, Ole Erik Midt­ skogen, kom á vøllin í seinna hálv­leiki. Hann var klárt besti mað­ur teir 45 minuttirnar hann var á vøllinum. Hann var ein støðug hóttin og átti eisini upp­ legg­ið, tá KÍ punkteraði dystin. Aftur var Sørin Samuelsen óhepp­in. Hesa ferð gleið hann og Ole Erik fór avstað við bóltinum. Ósjálv­søkin spældi hann bóltin fyri føturnar á Borisi Dosljak, ið skoraði. Norski áleyparin serveraði eisini bóltin fyri Pálli A. Klett­ skarð stutt seinni, men ein argja­maður fekk ruddað vekk í evstu løtu. KÍ vann uppiborið, men kendu argjamenn sína vitjun­ar­ tíð, so kundi minst eitt stig ligið eftir á Argjum. TRONDUR@SOSIALURIN.FO Betri deildin menn: Tríggjar útskiftingar í hálvleikinum talaðu sína søk, tá KÍ í vidi og regni vann 3-1 á AB. Tað var javnleikur í hálvleikinum og bjargingin bleiv eitt brotsspark og ein innskifting av Ole Erik Midtskogen Fótbóltur Dysturin hesa vikuna... KÍ-AB 3-1: KÍ STENDUR VIÐ EVROPA- KÍ STENDUR VIÐ EVROPA- TRUMFINUM TRUMFINUM Í HONDINI Í HONDINI