hósdagur 12. november 2020síða 28

FRÍGGJADAGUR 13. NOVEMBER 2020 SOSIALURIN 80 28 HÅKAN ERICSON: GÓÐUR VENJINGARDYSTUR AT FÁA – Hetta var ein góður venjingardystur at fáa. Vit reistu okkum í seinna hálvleiki, men tað rakk tíverri ikki til meir enn eitt 2-1 tap, segði føroyski landsliðsvenjarin hjá monnum, Håkan Ericson millum annað á tíðindafundinum eftir venjingardystin móti Litava. TRÓNDUR ARGE H åkan Ericson, lands­ liðs­ven­jari, fekk svar upp á nakr­ar spurningar. Hil­mar Leon Jakobsen er ein dygd­ar­góð­ ur avloysari fyri Andreas Lava Olsen, og klárar væl at spæla á landsliðnum. Ein miðvøllur við Rógva Baldvinsson og Magnus H. Jacobsen var ikki sann­ førandi, meðan skjótu vend­ing­ arnar hjá Dan í Soylu passaðu væl til samansetingina við Brandi Hendrikssyni og Halli Hans­syni, sum allir komu inn í seinna hálvleiki. Vit hava framvegis trupul­ leik­ar við fáa hornaspørkini inn­fyri. Kaj Leo í Bartalsstovu fekk fleiri møguleikar at skjóta bólt­in innfyri, men ongantíð kom bólturin longri enn Hilmar Leon Jakobsen megnaði at kasta bólt­in. Bartal Wardum bleiv inn­kall­ aður í yvirtíðini og tað sást eina løtu, men so hvørt sum liðið vann seg frá á vøllin, trivust hann og Heðin Hansen betri í miðverjuni, tí tá líktist leikluturin meiri tí, sum vit síggja í HB. Tríggir nýggir frá byrjan Håkan Ericson gevur trimum spælarum sínar fyrstu minuttir frá byrjan. Bartal Wardum byrjar í miðverjuni saman við liðfelagnum úr HB, Heðini Hansen. Hetta er fyrstu ferð, at Heðin Hansen byrjar inni, men hann hevur fingið nakrar minutt­ir fyrr. Magnus Holm Jacobsen fær eisini kjansin frá byrjan. 20 ára gamli miðvallarin hjá B36 er úttikin fyri fyrstu ferð. Í álopinum er Hilmar Leon Jakobsen eisini við frá byrj­ an. Hann hevur so seint sum í januar í ár spælt við hond­bólts­ landsliðnum, men fekk eftir FM-veitsluna í Klaksvík lands­ liðs­boð. Vánaligur fyrri hálvleikur Tað sæst væl, at hetta er ein venjingardystur, sum nærmast liggur í vegin hjá teimum flestu. Heimaliðið spælir bóltin væl runt, men megnar illa at leggja stórvegis trýst á føroyska liðið. Tað gongur avbera illa hjá før­oyska liðnum at fáa bóltin at ganga, og vit koma heldur ikki til nakran málmøguleika. Tað eru bara tekin um vanda­ støður, tá Hilmar Leon Jakobsen tveitur bóltin inn í brotsteigin. Stutt fyri hálvleik veksur trýstið. Tríggjar minuttir fyri tíð gongur galið, tá Gratas Sirgėdas fær ein retur í brotsteiginum. Eftir inn­ legg úr vinstru síðu tapur Bartal Wardum sín tvídyst, og bæði Rógvi Baldvinsson og Magnus H. Jacobsen eru ov seinir at dekka sínar menn. Tað endar við, at 25 ára gamli Gratas Sirgėdas kann skora úr stuttari fjarstøðu mitt fyri í brotsteiginum. Tríggjar minuttir seinni kemur enn eitt innlegg innfyri úr vinstru. Hesa ferð kemur Gunn­ar Nielsen út, men aftur kann Gratas Sirgėdas lættliga skora. Hesa ferð við høvdinum. Gunnar Nielsen nær ikki út, men mið­verjan skumpar heldur ikki fram, meðan Rógvi Baldvinsson missur sín mann. Sum heild var fyrri hálvleikur ikki góður, og upp til fleiri spæl­ arar vóru langt undir sítt besta. Broytingarnar gera mun Í hálvleikinum koma Ári M. Jóns­son, Gunnar Vatnhamar og Dan í Soylu inn, og løtu seinni koma Brandur Hendriksson, Hallur Hansson og Jóannes K. Daniel­sen eisini á vøllin. Litava ger eisini fleiri broytingar og tað ávirkar h e i m a l i ð i ð nakað, og nýggju føroysku spælararnir settu nýtt lív í dystin. Serliga miðvøllurin, við Brandi, Halli og Dan, setur gongd í føroyska spælið, meðan Ári M. Jóns­son er eitt fríkst íkast á vinstra bakkinum. Tað er meiri ferð á spælinum og bólturin gongur skjótari. Í vinstru fáa Ári og Kaj Leo spælt seg til fleiri innlegg og fleiri ferðir fáa vit innkast, sum Hilmar Leon tveitur innfyri. Vit vinna bara ongan bólt í brotsteiginum, fyrr enn í yvirtíðini. Tá sendur Brand­ur Hendriksson eitt høgt inn­legg innfyri og Hilmar Leon Jakobsen roynir seg við saksa­ sparki. Bólturin endar á tvør­ stongini, og tætt undir málinum prikar Gunnar Vatnhamar bóltin í málið. Fyrsta málið hjá leirvíkinginum á landsliðnum. Alt í alt Samanlagt er talan um eitt góðkent avrik, tí føroyska liðið spæl­ir væl í seinna hálvleiki, men tað er eitt sindur afturgangandi, at føroysku spælararnir síggja eitt sindur seinir og til tíðir ikki nóg sterkir út, til at takla ávísar tví­dysti og støður. Millum annað gekk torført við vinna nakran luftdyst ella nærdyst, tá Hilmar Leon Jakob­ sen tveitti bóltarnar innfyri. Tað sæst eisini, at vit kunnu vænta av­bjóðingar á bóltinum, tá Brandur Hendriksson og Hallur Hansson ikki eru á vøllinum. Her verður neyðugt við einum Dan í Soylu móti Lettlandi, um vit skulu halda fast í bóltinum. Til Lettlands Føroyska liðið er nú á veg til Lett­lands, har vit skulu spæla leygar­dagin. Tað er ein dystur, har vit við sigri kunnu tryggja fyrsta plássið í Nations League bólki­num. Tað verður uttan Brand Hendriksson og Hall Hans­son, sum báðir hava leik­ bann. Tá verður áhugavert at sígg­ja hvussu samansetingin verð­ur á miðvøllinum. TRONDUR@SOSIALURIN.FO Tað var lítið betri enn ein vetrarvenjing í fyrra hálvleiki, tá Litava vann 2-1 á Føroyum í venjingarlandsdysti á LFF Stadionas í Vilnius. Fleiri broytingar um hálvleikin gjørdu mun, og Hilmar Leon Jakobsen átti stóran lut, tá Gunnar Vatnhamar skoraði sítt fyrsta landsliðsmál Fótbóltur Dysturin hesa vikuna... Litava – Føroyar 2-1: VETRARVENJING VETRARVENJING