týsdagur 17. november 2020síða 39

19 SOSIALURIN NOVEMBER 2020 KVEIK Tað er Rasmus Magnussen, sum eigur og rekur fyritøkuna, Krympiplast, og tað eru eini 4-5 ár síðan, at hann spakuliga fór í gongd í fyritøkuni. - Eg vildi líka sum royna vøruna og tryggja mær, at dygdin er í lagi. At síggja til, var hetta ein spennandi vøra. Eg setti mær eitt tjald upp á Argjaboða og legði krympiplast um tjaldið, og tjaldið stendur enn. Tað er nógv hent síðan henda dag, og eins og nógv av okkara viðskiftafólkum, eri eg eisini stórliga bilsin av dygdini og styrkini í hesum plasti, sum hevur so góðar eginleikar og nógvar møguleikar. Í dag kunnu vit siga, at vit hava royndirnar, og at vit kunnu veita viðskiftafólki tær tænastur, tey spyrja eftir í hesum sambandi. HALDBART KRYMPIPLAST Føroyska veðurlagið er harðbalið, og tað er eingin loyna, at skal ein slíkur dúkur, sum krympiplasti er, halda í stormi, er sjálvsagt neyðugt, at tað, sum innan fyri er, eisini heldur. - Tað hevur nógv at siga, at hitingin av plastinum, tá tað er lagt oman yvir ella oman á, verður gjørd á rættan hátt, og hesum taki eg mær altíð av sjálvur. Regnið er ikki tann stóri trupulleikin, tá dúkurin skal leggjast, men tað er vindurin ístaðin. Rasmus Magnussen vísir á, at serliga tilfarið í krympiplasti ger tilfarið rættiliga sterkt, tá tað verður brúkt soleiðis, sum tað eigur at verða brúkt. - Hesi árini, eg havi arbeitt við krympiplasti, hava víst, at dúkurin er sera haldbarur, og hetta er ein fantastiskur møguleiki hjá handverkarum at kunna arbeiða úti - men kortini undir ”taki” - og sleppa undan bæði vindi og regni. STØRSTA UPPGÁVAN Størsta einstaka uppgávan, sum Rasmus Magnussen hevur havt higartil, var, tá Varðin Pelagic á Tvøroyri varð bygdur uppaftur eftir herviliga eldin. - Hetta var um háveturstíð, men eg haldi meg ikki taka munnin ov fullan við at siga, at krympiplasti gjørdist ein stór hjálp hjá teimum, sum stóðu fyri hesum arbeiði. Hann sigur, at viðskiftafólkini hjá honum eru eitt nú byggifyritøkur og privatfólk, men nú kemur tað meira og meira fyri, at tey, sum leggja til rættis stór arbeiði, beinleiðis vísa á krympiplasti, sum ein møguleika - ikki minst, tá arbeiðast skal uttandura. KRYMPIPLASTI HEVUR STAÐIÐ SÍNA ROYND - Hesi árini, eg havi arbeitt við krympiplasti, hava víst, at dúkurin er sera haldbarur, og hetta er ein fantastiskur møguleiki hjá handverkarum at kunna arbeiða úti - men kortini undir ”taki” - og sleppa undan bæði vindi og regni, sigur Rasmus Magnussen Lýsingagrein: Vilmund Jacobsen - vilmund@sos.fo