hósdagur 3. desember 2020síða 22

FRÍGGJADAGUR 4. DESEMBER 2020 SOSIALURIN 86 22 JÓANNES HANSEN/TRÓNDUR ARGE T að eru tvey sigursvand feløg í føroysku steypa­ kap­pingini, sum bresta saman leygar­kvøld­ið. Steypakappingin hevur verið partur av fótbóltsárinum síðani 1955. Finala hevur verið á hvørjum ári við einum undan­takið. Undantakið var í 1970, tá ið HB og KÍ kvalifiseraðu seg í finaluna, sum ongantíð varð spæld. HB hevur vunnið steypa­ kapp­ingina nógv oftari enn nakað annað felag. HB hevur vunnið finaluna 27 ferðir. LÍF og GÍ blíva til Víkingur Leirvíkingar og gøtumenn sam­dust í 2008 um at ganga saman um nýtt fótbóltsfelag, sum teir góvu navnið Víkingur. Frammanundan spældu leir­ víkingar í LÍF og gøtumenn í GÍ. LÍF spældi seg einaferð í steypa­ finaluna. Tað var í 1986 ímóti NSÍ, sum vann 3-1. GÍ luttók í níggju finalum. Seks ferðir var GÍ steypavinnari – í 1983, 1985, 1996, 1997, 2000 og 2005. Tríggjar ferðir dystaðust HB og GÍ í steypafinaluni. Tað var í 1984, 1996 og 2000. HB vann ta fyrstu 2-0, og GÍ vann 1996 finaluna 5-3 eftir longda leiktíð. Tá ið vanliga leiktíðin var farin, var støðan 2-2. Henda finalan man vera ein av teimum minnistríkastu av øllum. Í 2000 vann GÍ 1-0. HB er søguliga steypaliðið Tá ið Víkingur í 2008 luttók í fyrstu steypakappingini, hevði HB longu vunnið steypa­kapp­ ingina 26 ferðir. HB var harvið í miðal steypavinnari annaðhvørt ár frá 1955 og fram til 2007. Tá var HB steypaliðið frammanfyri øll onnur. HB vann í 2004 finalu­ na ímóti NSÍ. Síðani tá hevur HB bara eina ferð vunnið steypa­ kapp­ingina, og tað var í fjør. Und­an tí var tað 15 ár síðani, at HB vann steypafinaluna. Síðani 2004 hevur HB tapt tríggjar steypafinalur – í 2007 ímóti EB/Streymi, í 2014 ímóti Víkingi og í 2018 ímóti B36. Víkingur hevur síðani stovn­ an­ina í 2008 vunnið steypa­ kapp­inga fimm ferðir. Fyrsti finalusigurin var í 2009. Síðani hevur Víkingur verið steypa­ vinnari í 2012, 2013, 2014 og 2015. Víkingur hevur harvið í miðal verið steypavinnari næstan annaðhvørt ár frá 2009 og fram til í ár. HB og Víkingur fyri aðru ferð Fyrstu ferð, at HB og Víkingur dystaðust í steypafinaluni, var í 2014. 30. august í 2014 vann Víkingur 1-0 ímóti HB. Mál­ skjúttin var Hallur Hansson, sum vaks upp í HB, og sum eitt skifti spældi við Víkingi, áðrenn hann aftur fór av landinum at royna fótbóltseydnuna, og sum nú er liðformaður í AC Horsens í superliguni, og á landsliðnum. Fimm spælarar, sum higartil í ár hava verið á HB liðnum, vóru á spælaralistanum í finaluni fyri fimm árum síðani. Teir eru Teit­ ur Matras Gestsson, Jógvan Rói Davidsen og René S. Joensen, sum vóru á vøllinum alla tíðina og Bartal Wardum og Tróndur Jen­ sen, sum sótu á beinkinum. Har­til er Heðin Hansen komin yvirum. Hann var á liðnum hjá Víkingi. Fimm spælarar, sum higartil í ár hava verið á liðnum hjá Víkingi, vóru á spælaralistanum fyri fimm árum síðani. Teir eru Atli Gregersen og Sølvi Vatn­ hamar, sum vóru millum teir fyrstu ellivu í finaluni, Andreas Lava Olsen, sum bleiv skiftur inn, og Elias Fagrá og Gunn­ar Vatnhamar, sum sótu á beinki­ num. Tá ið HB og Víkingur fyri fimm árum síðani hittust, var Sig­fríður S. Clementsen venjari hjá Víkingi, og Heðin Askham var venjari hjá HB. Í fjør vóru liðini aftur í finaluni. Hesa ferð vann HB greið­an 3-1 sigur í mjørkanum á Tórsvølli. Fyrsta málið var umstrítt, tí málverjin var ikki komin upp á pláss, tá Adrian Justinussen sendi fríspark í málið. Løtu seinni skoraði Símun Samuel­sen, sum ongantíð hevði vunnið Løgmanssteypið áðrenn, til 2-0. Andreas Lava Olsen minkaði um munin, men løtu seinni staðfesti Sebastian Pin­gel sigurin fyri HB. Hetta var annað gullið hjá HB við Heimir Guðjónsson sum venjara. Tað fyrr var FM við metnógv stigum í 2018, og tað seinna var fyrsta steypagullið í 15 ár. TRONDUR@SOSIALURIN.FO Serfrøðingarnir siga sína hugsan Undan steypafinaluni leygardagin millum Víking og HB, hava vit spurt tríggjar fótbóltsserfrøðingar hvat teir vænta av finaluni. Vit hava tosað við Hanus Jacobsen, sum hevur spælt óteljandi dystir fyri Víking á vinstra bakki, um Víking. Vit hava eisini tosað við Rasmus Nolsøe, sum undanfarnu trý árini hevur verið hjálparvenjari hjá HB. Hann hevur eisini spælt við HB fyrr í hesini øldini. Hann gevur okkum eina greining av HB. Til seinast skulu vit hava eina greining frá Teiti Joensen, viðmerkjara hjá FM1. Her eru teirra greiningar av steypafinaluni. HANUS JACOBSEN: Hvat er størsta styrkin hjá Víkingi: Størsta styrkin hjá Víkingi er uttan iva stríðsviljin. Stríðsviljin liggur onkursvegna í DNA’num hjá Víkingi. Hetta er ofta komið til sjóndar, tá nógv hevur staðið uppá spæl - serliga í steypakappingini, har alt skal avgerast í einum dysti. Hetta kom eisini týðiliga til sjóndar í hálvfinaluni ímóti B36, har eisini teir ungu spælararnir, sum í ár hava tikið við, eisini tykjast hava fingið viljan inn í beinið. Um vit taka leikligu styrkina hjá Víkingi, so kann sigast, at - í mun til umdanfarin ár, har liðið hevur verið serliga sterkt í deyðbóltstøðum - so hevur liðið í ár víst serligar dygdir í skjótum umstillingum og í snarálopum. Hvat er veikleikin hjá Víkingi: Ein veikleiki hjá Víkingi í ár meti eg vera, at við tað at ein lutfalsliga stór útskifting hevur verið á liðnum, so er tað náttúligt, at tað koma ávísar misskiljingar millum spælarar ígjøgnum ein dyst. Men liðið tykist tó hava ment seg nógv ígjøgnum árið í ár. Hvør er týdningarmiklasti spælarin hjá Víkingi til finaluna: Um Víkingur skal fáa eitt gott úrslit, so mugu allir spælarar avrika væl. Tí er trupult, at taka einstakar spælarar burturúr. Men allur statistikkur í ár sigur, at Sølvi Vatnhamar er ein sera týðandi spælari, serliga í tí framrættaða spælinum. Men ein spælari, sum kann vera rættiliga avgerandi fyri, at Víkingur fær eitt gott úrslit í finaluni er verjuskansin Gunnar Vatnhamar. Eins og í fleiri dystum, so vísti hann seg í serflokki í hálvfinaluni ímóti B36. Hvør er títt boð upp á ein, sum steypa”jokara” hjá Víkingur: Tað kundi verið onkur av teimum ungu spælarunum. Eitt nú Arnbjørn Svensson ella Geza D. Turi. Tó tikist ein spælari at hava onkur fjald evnir, sum hann hevur víst okkurt glimt av í onkrum dysti, og tað er Noah Mneney. Hvat tippar tú: Hetta er kanska eitt sindur litað, men eg tippi 1-1, og at Víkingur vinnur brotsparkskappingina Hvussu hevði tú sett liðið til finaluna: Elias Ari Atli Gunnar Bergur Bogi Noah Arnbjørn Sølvi Jákup Finnur HB hevur bara vunnið eina steypafinalu, síðani Víkingur fyri 12 árum síðani bleiv stovnað. Hesi árini hevur Víkingur vunnið fimm steypagull, men tað er HB, sum er verandi steypavinnari, FM-vinnari og favorittur Løgmanssteypið 2020: TVEY TVEY SIGURSVAND FELØG SIGURSVAND FELØG Í FINALUNI Í FINALUNI