hósdagur 3. desember 2020síða 48

24 Burn Fitness: EITT AVBJÓÐANDI ÁR Hjá fyritøkuni Burn Fitness, sum hevur venjingarmiðstøð í Havn umframt skipaða venjing aðrastaðnis í landinum, hevur 2020 verið eitt sera avbjóðandi ár. Stongdu í sjey vikur Jákup Súni Berg er stjóri í Burn Fitness, og hann sigur, at tey hava merkt sera væl, at korona rakti landið. Vit mistu tveir av okkara bestu mánaðum, tá ið vit stongdu í mars og apríl. Vit høvdu stongt í sjey vikur. Tá ið vit so lótu uppaftur, vóru fólk sjálvsagt ógvuliga varin við at fara at venja aftur. Síðani kom summarið, og tá vita vit av royndum, at virksemið er minni í venjingarmiðstøðunum, so vit høvdu eitt hálvt ár, sum var sera tungt, sigur Jákup Súni Berg. Hann greiðir frá, at tey valdu ikki at taka av nøkrum hjálparpakka, tí tað var ov lítið at heinta í hesum og gjørdi sum so ongan mun. Men tá ið vit lótu uppaftur, tóku vit eyka fólk inn at gera reint, og hóast tað frammanundan bleiv gjørt ógvuliga væl reint her hjá okkum, so bleiv hetta arbeiði uppraðfest enn meiri av korona, sigur Jákup Súni Berg. Í venjingarmiðstøðum er vanligt, at man brúkar spritt og pappír til at spritta og turka maskinur, tá ið man hevur brúkt tær, og eftir korona er nýtslan av hesum økt munandi. Eg haldi, at vit í dag brúka umleið fimm ferðir so nógv spritt og pappír, sum vit gjørdu undan korona. Fólk eru sera umhugsin, tá ið tey venja, sigur Jákup Súni Berg. Hann sigur, at í løtuni veit hann ikki, hvussu úrslitið fer at síggja út. Men eg vænti ikki, at tað verður nakað yvirskot í ár. Men nú er gongd komin á aftur, so vónandi verður tað betur komandi ár, sigur Jákup Súni Berg. EL-IN: SØLAN ER VAKSIN Hjá EL-IN í Klaksvík hava tey ikki verið so nógv merkt av korona, sum fyritøkur í øðrum vinnugreinum hava. Vit merktu tað fyrstu tvær vikurnar, tá ið tað rakti landið. Men vit skipaðu okkum eftir umstøðunum, bæði hvat viðvíkur virkseminum í handlinum og í arbeiðinum, sum fólkið hjá okkum úti hjá kundum, sigur Hilmar Danielsen, stjóri í EL-IN. Hjá el-fyritøkuni í Klaksvík verður mett, at árið í ár líkist undanfarnum árum. Sølan er tó helst vaksin í ár, men samlaða úrslitið verður allarhelst eitt sindur lægri enn í fjør. Men tað verður eitt positivt úrslit, sigur Hilmar Danielsen. Ongar stórar uppgávur fyri framman EL-IN hevur el-handil, og eisini hevur man el-virksemi, har man ger installatør arbeiði fyri bæði privatkundar og fyri fyritøkur og stovnar. Vit hava havt nógv stór arbeiði í ár, og somuleiðis hava tað verið nógv arbeiði fyri privatkundar, sum hava verið smærri uppgávur. Men tað eru ikki nógvar stórar uppgávur fyri framman. Í ár hava vit millum annað gjørt stór arbeiði so sum nýggja skúlan her í Klaksvík og Skýlið við Djúpumýru, men einki slíkt liggur í kortunum, greiðir Hilmar Danielsen frá. Hann sigur, at tær smáu uppgávurnar frá privatkundum koma leypandi inn, og tí er tað ógvuliga trupult at fyrireika arbeiðið og leggja kalendaran til rættis í góðari tíð. Men vónandi koma onkrar størri uppgávur. Vit hava eisini nøkur arbeiði við ABA-skipanum, sum skulu gerast, og tað fer nokk at taka umleið eitt hálvt ár, áðrenn tær uppgávurnar eru lidnar, sigur stjórin í EL-IN. SOLEIÐIS GEKK 2020 SOLEIÐIS GEKK 2020