týsdagur 8. desember 2020síða 26

Mikudagur 9. desember 2020 · Nr. 87 26 Sosialurin Hugskot og viðmerkingar – send sms til 225000 Tróndur Arge - Tórsvøllur Annað árið á rað er HB steypa­ vinnari við einum tveymálssigri á Víkingi í finaluni, men hóast nógv gongur aftur, so er stórur munur á ávísum økjum. HB setur hesa ferð punktum fyri eitt sannførandi kappingarár, har felagið vinnur greipuna fyri fyrstu ferð síðani 2004. Í fjør bleiv HB nummar fýra landskappingini og tað var eitt vónbrot. Fyri Víking tóktist kensl­an eitt sindur tóm eftir finalu­ ósig­urin í fjør. Tað var ilt at fáa eyga á kósini í felagnum, men hesa ferð er ongin ivi um, at Víkingur hevur sett sær fyri, at fremja eitt ættarliðsskifti. Fleiri ungir spælarar fingu álit og avirkið í seinna hálvleiki boðaði frá góðum til komandi kappingarár. Ongin Bartal og ongin René Tað var stórur spenningur um liðuppstillingina hjá HB til steypafinaluna. Hópurin tel­ur nógvar stórar spælarar í føroyskum fótbólti. Jens Bert­ hel Askou hevur skift mill­um framrættaðu 4-3-3 spæl­skipan­ ina, og 3-5-2, sum hann eydn­að­ ist væl við í hálvfinaluni móti NSÍ. Hesa ferð valdi hann 4-3-3. Tað merkti millum annað, at Bartal Wardum endaði uttan­ fyri, meðan Hørður Askham byrjaði inni. Ein spælari, sum als ikki var í hópinum, var René Shaki Joensen. Hann var stinnastur á landsliðnum til Nations League kappingina í 2018, men bara tvey ár seinni røkkur hann ikki til hópin hjá HB. Hann hevur tømt skápið í HB-húsinum og hevur sagt við Bolt.fo, at hann ikki kennur seg sum ein part av hopinum. René Shaki Joensen hevur sáttmála fyri 2021, men væntast at skifta til KÍ. Hann var ikki at síggja á Tórsvølli til finaluna. Hjá Víkingi eru ikki so nógv iva­mál, og Jóhan Petur Poulsen velur teir somu, sum byrjaðu móti B36 í hálvfinaluni. 17 ára gamli Noah Mneney fær aftur kjansin á miðjuni. HB livur upp til leiklutin Tað er ongin ivi undan finalu­ ni. HB er favorittur – enn­tá stórfavorittur fyri summi. Jákup Ósá, Leivur Frede­ r­ik­sen, Rasmus Nolsøe og Teitur Joensen eru mill­um viðmerkjararnar, ið vænta at HB vinnur. Vedd­ingar­fyri­tøk­ urnar hava eisini HB sum stór­ favoritt. HB livir eisini upp til leik­ lutin í fyrra hálvleiki. Fyri fyrstu ferð nakrantíð eru hita­ rørini undir vøllinum á Tórs­ vølli tendraði, men vøllurin tóktist nakað glattur. Tað setti sín dám á fyrstu minuttirnar, har steypafinalufjálturin eisini skuldi leggja seg. Síðani setti HB seg á dystin. Serliga í vinstru gong­ ur bólturin skjótt, har Daniel Johansen, Adrian Justinus­ sen og Dan í Soyla hús­ast. Serliga Dan í Soylu er sjón­ligur í smáspælinum kring brots­ teigin. Tað eru tekin um nakað av til­vild í spælinum, tí vøllurin er glattur og tað er nakað av skiftandi vindi. Tað var ikki o r s ø k i n til, at HB skoraði til 1-0 eftir 24 minuttir, men har var eitt sindur av tilvild. HB byggir upp í høgru og bólturin verður prikaður víðari til Mikkel Dahl, sum roynir seg við skoti. Bólturin hevur kós beint við síðuna, men inni í fimm-metrinum er Gunnar Vathamar óheppin og beinir bóltin í egið mál. Víkingur raknar við seinastu minuttir av fyrra hálvleiki, har Arnbjørn Svensson stemplar inn í framrættaða spælinum. Hann fær eisini bestu royndina, men bólturin fer beint uppum. Fleiri broytingar til seinna hálvleik Seinni hálvleikur kann býtast upp í tvey. Fyrsta korterið eigur HB, sum má gera tvær broyt­ ingar í hálvleikinum. Jógvan Rói Davidsen avloysti Daniel Johansen, sum vísti tekin upp á heilaskjálvta eftir samanstoyt, og Mads Bo Mikkelsen kom inn fyri skadda Hilmar Leon Jakob­sen. HB venjarin skifti spæl­ skipan frá 4-3-3 og til 3-5-2. Mads Bo Mikkelsen hevði verið tíggju minuttir á vøllinum, tá ið hann økti um HB leiðsluna til 2-0. Tað gjørdi hann við fín­um skoti av brots­teigar­mark­inum og eitt sindur úr vinstru. Bólt­ urin sigldi í handara síðunetið, o g so legði HB seg av álvara á kósina í m ó t i finalusigri o g g r e i p u n i . HB vinnur finaluna, men seinasta hálv tíman bjóðar Víkingur av. Tí vinnur Víkingur silvur Tað er tíðir, har tapandi liðið ikki vil vita av silvur­heiðurs­ merkinum, men tað eru eisini tíðir, har silvurheiðursmerkið kann ímynda nakað meir enn eina tapta steypakapping. Tað ger steypafinalan í 2020. Jóhan Petur Poulsen byrjar við Noah Mneney og Arnbjørn Svensson, meðan Geza David Turi, Olaf Bárðarson og Martin Klein Joensen, sum fekk sínar fyrstu minuttir, komu á vøllin í seinna hálvleiki. Tað er helst ein boðskapur í tí, tá eitt nú Andreas Lava Olsen situr á bonki­num. Víkingur fekk tvær jólagávur frá HB, men tíverri fyri teir ljósa­bláu, so stútaði Sølvi Vatn­hamar á tvørstongina, Finn­ur Justinussen rakti ikki mál­ið, og tá Sølvi so aftur kom í góða støðu, bjargaði Teitur M. Gests­ son meistarliga. Víkingur fekk møguleikan at vinna seg inn aftur í dystin, men tók ikki av. Nú fá vit at síggja, um Víkingur vinnur dyst­in í stóra samanhanginum, við at tveita teir ungur fyri leyv­ur­nar. Løgmansfinalan: HB bleiv greipuvinnari við sannførandi avriki í fyrra hálvleiki, meðan Víkingur kann fara í vetrarferiu við røttum ryggi, eftir eitt fínt avrik í seinna hálvleiki, har teir ungu veruliga fingu møguleikan Fótbóltur Dysturin hesa vikuna... Víkingur-HB 0-2: HB VANN GULL – HB VANN GULL – VÍKINGUR VANN SILVUR VÍKINGUR VANN SILVUR JÓGVAN RÓI FYRI SEINASTU FERÐ Liðskiparin hjá HB boðaði ein tíma undan dystarbyrjan frá, at hetta verður hansara seinasti dystur í bestu deildini. – Eg havi hugsað leingi um tað. Eg eri farin í eina fyritøku og vil gjarna geva nakað har. Arbeiði, familjulív og fótbólt fulla tíð, sum tað er blivið til í dag, tað gongur ikki ordiliga upp. Eg eri avkláraður, sigur 29 ára gamli Jógvan Rói Davidsen, um at gevast við fótbóltinum.