týsdagur 15. desember 2020síða 48

Mikudagur 16. desember 2020 · Nr. 89 Sosialurin 16 NØVN Hósdagin 19. november and­ að­ist Birgar Johannessen eft­ir stutta sjúkralegu, 74 ára gam­al­ur. Nógv er sagt og skrivað um Birg­ar, tí hann var ein virkin mað­ur, sum ikki lá á lætu síð­ uni. Millum annað røkti hann bók­hald­ið í Auto, so vit báðir ar­beiddu tætt saman. Og tað var læruríkt at starvast sam­ an við Birgari, tí hann var for­ vitn­is­ligur og vitandi maður. Birgar hevði tað best, tá ord­an var í tingunum, og ger­and­is­dagurin mátti gjarna fylgja einum ávísum mynstri, har klokk­an boðaði frá, hvat henda skuldi. Hvønn einasta morg­un fór hann í Tinganes at vinda flaggið á stong, og út á seinn­a­partin tók hann flaggið niður. Aftaná túrin út á hell­una í Tinganesi, var Birg­ ar til morgunmatar og hugna á matstovu saman við vin­ monn­um. Uppgávurnar, sum flagg­vørður og felags morg­un­ mat­in við práti, skuldu fáast frá hond­ini, áðrenn hansara dag­ur rættiliga kundi byrja. Aftan á flaggtúrin og morg­un­mati­n kom Birgar til ar­beið­is í Auto, har hann við nær­lagni og stundvísi skipaði bók­hald­ið. Hann hevði eisini aðr­ar bókhaldsuppgávur. Kom okkurt tvørt fyri, og tað leið út á fyrrapartin, áðrenn Birg­ar møtti, heilsaði hann við ”góð­an morgun”, tí sambært hon­um, søgdu tey eldru í Havn ”góðan morgun” til á mid­degi. Men áðrenn hann fór til verka, skrivaði hann niður, hvussu veðrið hevði háttað sær. Tað gjørdi hann hvønn ein­asta fyrrapart, og Birgar visti neyvt, hvussu veðrið hevði verið, tí alt varð fest á blað. Birgar var bókhaldari av tí góða gamla slagnum, og einki var frágingið við skundi. Hann var nærlagdur, og a­r­beiðs­upp­gáv­ur­nar vórðu avgreiddar til UG. Ongantíð var neyðugt at fara aftur um­ aft­ur, har hann hevði ver­ið, tí Birg­ar var ordi­ligur og gjørdi sær ómak. Vit báðir sótu væl um sátt, og sum heild var Birgar ógv­u­ liga nógv avhildin í Auto, bæði sum arbeiðsorka og sum ein góð­ur starvsfelagi. Veitarar og sam­starvs­felagar hjá Auto høvdu eisini gott at bera hon­ um. Birgar var ein býarmynd, og nú hann er fluttur um sýn, hevur Havnin mist ein av sín­ um frægu og hollu stuðl­um, tí Birg­ar var um nakar góð­ur við høv­uðs­staðin. Til ber at siga, at hann var havn­ar­mað­ur við stór­um H. Hansara útgávur um høv­uðs­staðin høvdu givið hon­um innlit í tað mesta, og tað lá ræðið fyri at fortelja. Og Birg­ar brýggjaði seg veru­liga um tað, ið fyrifórst í høv­uðs­ s­taðnum, og av og á hart­aði hann tey á Vaglinum, tí av­ ger­ði­r­n­ar vóru illa frágingnar eft­ir hansara tykki. Birgar var tónleikari og tón­leika­áhugaður, serliga eldri tónleikur hevði hansara tokk­a. Birgar var eisini íðin við­halds­maður hjá B36 og Liv­er­pool, men tað, sum ser­liga eyðkendi hann, var hug­ur­in at savna. Hann var und­ang­ongumaður at útvega høvuðsstaðnum eitt bý­ar­savn, sum hann seinni lat komm­ ununi. Síðani hevur gingið heldur striltið at fáa savn­ið á føtur og alt í rættlag, og tað nívdi Birgar ikki sørt. Í hans­ ara hugaheimi var einki meira nat­úr­ligt, at høvuðsstaðurin hevði eitt savn, sum fólk altíð kundi vitja. Tað skal tí vera mín vón, at høv­uðs­staðurin skjótt fær eitt ver­u­ligt býarsavn, og ikki fór tað illa, um forfaðirin hevði sítt heiðurspláss í savninum. Fyri seks árum síðani var Birg­ar fyri svárum missi. Herv­iliga krabbasjúkan fekk fasta­tøkur á konuni, sum spak­u­liga varð tikin frá hon­ um. Tá Elsa doyði, fánaði lív­s­ hug­ur­in hjá Birgari, tí hon var hans­ara dýrgripur. Nú Birgar er farin, hava vit í Auto mist okkara fitta og dugn­a­liga bókhaldara, men fam­iljan hevur verið fyri svár­ asta missinum. Vit drýpa høv­ ur og minnast við takk­semi løt­ur­nar, okkum untist sama­n við Birgari. Hvíl í friði, góði starvs­fel­ agi. P/F Auto, Dia Midjord, stjóri Starvsfelaga okkara til minnis Birgar Johannessen varð føddur í Gongini í gomlu Havnini. Tey búðu her í húsunum hjá Bókbindaranum, áðr­enn tey fluttu niðan í Lon, tá Birgar var um trý ára aldur. Myndin er tikin, tá fyrra bókin »Havnin – fólk og yrki«, kom út í 2007 Birgar Johannessen við modellinum hann gjørdi av gomlu Havnini, sum hann var so avbera góður við og sum varð sýnt fram í savninum, sum Birgar hevði í Tórs Cafeteria, áðrenn hann lat býráðnum lutirnar hjá býarsavninum