hósdagur 17. desember 2020síða 2

Tórshavn Tórsgøta 1, 100 Tórshavn tel. 341800, post@sosialurin.fo Tel. 341800 www.sosialurin.fo Ábyrgdarblaðstjóri: Eirikur Lindenskov eirikur@sosialurin.fo Fyritaksstjóri Jonhard Hammer jonhard@sosialurin.fo Marknaðardeild lysing@sosialurin.fo Stovnaður: 1927 Prent: Prentmiðstøðin Suðuroy tel. 375364, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 ella senda teldupost til klaga@sosialurin.fo og boða frá. Útgevari: Sp/f Sosialurin Uppseting: Sosialurin Avgreiðsla: mán - frí kl. 08.00 - 16.00 18. DESEMBER 2020 Friður á jørð og í menniskjum góður tokki Friður á jørð og í menniskjum góður tokki Í blaðnum... Oddagrein Eirikur Lindenskov ábyrgdarblaðstjóri Soleiðis verður sagt í jólaevangeliinum, sum er frásøgnin um Jesu føðing. Í hes­ um døgum hava vit fleiri ferðir hoyrt hesi orð, og tey fara vit eisini at hoyra fleiri ferðir komandi dagarnar. Jólini eru tíðin, tá mint verður á hend­an vakra friðarboðskap, sum fyri tvey­túsund árum síðani varð boðaður seyð­a­monnum uttan fyri eina fátæka bygd í Heilaga landinum. Jólafriður var tiltikin, tí í mongum vápn­aðum stríðum hava tey samst um vápna­hvíld á jólum. Men kortini er støð­an ring nógv­astaðni. Í hesum døg­ um eru tað ikki bara vápnað stríð, sum hótta okkum, men illa umtókta koronu­ stríðið, sum hevur sett allan heimin upp eftir øðrum enda. Nógv bendir tó á, at jólafriður eisini kann leggjast yvir hesa farsótt, nú fleiri kopp­ing­arevni eru á veg á marknaðin, sum kunnu basa hesi øgiligu sótt. Men »friður á jørð« kann merkja so nógv. Hugsa vit um jólafrið, so er tað ikki júst friður, sum plagar at merkja sam­fel­ag­ið upp undir jól, tá fólk hava úr at gera við at keypa og handla. Hesa­ ferð verður tó øðr­vísi nógvastaðni, kanska eisini hjá okk­um av hesi ólukku farsótt. Kanska tað gevur okkum stundir at grunda yvir, hvat tað er, vit hátíðar­ halda. Um tað er Jesu føðing, ella um vit hava givið hesi hátíð eitt heilt annað inni­hald. Matteus gamli leggur ikki fingrarnar í­millum, tá hann í 12. kapitli vísir á, hvussu handilsmenninir gjørdu halgi­ dóm­in til eitt ránsmannabøli: Og Jesus fór inn í halgidóm Guðs, og hann rak út allar teir, ið seldu og keyptu í halgi­dóminum; og borðini hjá teim­um, ið veksl­aðu pening, og sess­ir­nar hjá dúvu­selj­arunum koyrdi hann um koll. Og hann sig­ur við teir: »Skrivað stend­ ur: Hús mítt skal nevnast eitt bø­n­hús; men tit gera tað til eitt ráns­manna­bøli.« Og heilt skeivur fer hann ikki. Vit kunnu øll gera okkum partvís sek í at leggja heilt onnur virði í jólahátíðina, enn tað, sum upp­runin var: Ein frið­ar­ tíð við gleðiboðskapi. Sjálvandi eiga vit at leggja okkara nú­tíð­artørv og okkara nútíðarvirði í hesa hátíð, men vit eiga ikki at gloyma upprunaliga boðskapin, sum er so vak­ ur: Friður á jørð og í menniskjum góður tokki. Gleðilig jól!