hósdagur 13. januar 2005síða 30

30 Nr. 8 - 13. januar 2005 TÍÐINDASKRIV Landsstýrismaðurin í mentamálum hevur ætlanir um at fremja broytingar í Fólkaskúlalógini við gildi frá 1. august 2006 at rokna. Høvuðsbroytingarnar eru hesar: Byrjanarundirvísingin í enskum verður flutt niður í 3. flokk. Setanin av lærarum verð- ur løgd út til skúlaleiðar-ar- nar. Skúlastýrisvalini verða hildin samstundis sum bý- /bygdaráðsvalini. Viðvíkjandi enskum Broytingarnar í enskum snúgva seg um at flyta ensktundirvísingina niður í 3. og 4. flokk. Enska málið er ein týdningarmikil sam- skiftislykil í alheims- gerðingini. Harafturat eru flestu børn kunnug við enskt mál, áðrenn tey fara í skúla. Tað kann tí tykjast nakað rangvørgt, at tey ikki fáa undirvísing í enskum, fyrr enn tey eru komin í 5. flokk. Í flestu norðurlendsku grannalondum okkara byrj- ar ensktundirvísingin fyrr enn her hjá okkum. Eitt al- ment orðaskifti hevur júst verið, um næmingar fólka- skúlans eiga at byrja fyrr við enskum. Sum er, byrja næming- arnir at læra danskt í 3. flokki. Hildið verður ikki, at tað fer at ørkymla frá- læruna í donskum ella føroyskum, um byrjað verður við enskum í 3. flokki við 1 undirvísingar- tíma um vikuna. Ætlanin er at hava 2 undirvísing- artímar um vikuna í 4. flokki. Viðvíkjandi setan av lærarum Við at leggja ábyrgdina av setan út til skúlaleiðaran, fer starvssetan í fólkaskúl- um fram á sama hátt sum í flestu øðrum skúlum og stovnum. Bæði út frá fyri- sitingarligum og leiðslu- politiskum sjónarmiðum er tað rættari, at tað er skúla- leiðarin, sum er setanar- myndugleiki, tí hann frammanundan hevur á- byrgdina av størsta partin- um av setanartilgongdini og av dagligu arbeiðs- viðurskiftunum hjá starvs- fólki skúlans. Viðvíkjandi skúla- stýrisvalunum Broytingarnar viðvíkjandi skúlastýrisvalinum eru mest av praktiskum slagi. Tað er sera tíðarkrevjandi at skipa fyri sjálvstøðugum skúlastýrisvali, harumframt er eisini eykakostnaður tengdur at valinum, tá ið tað ikki er samstundis, sum valið til kommunustýrini. Tó er vert at viðmerkja, at tað eru ikki somu veljarar til kommunu?stýrisvalini sum til skúlastýrisvalini. Treytin, fyri at vera val- bærur og at kunna velja til skúlastýrið, er, at viðkom- andi eigur børn í skúlanum. Skipanarliga skuldi hetta ikki kunnað forðað fyri, at valini eru samstundis. Ætlan landsstýrisman- sins er, at lógaruppskotið skal leggjast fyri Tingið í hesi tingsetuni sigur Mentamálaráðið í tíðinda- skrivinum. Broytingar í fólkaskúlalógini TÍÐINDASKRIV Tvær kvinnur hava tikið við sum forkvinnur í býráðsnevndum í Havn, og tvær aftrat taka við komandi dagarnar. Katrin Dahl Jakobsen úr Javnaðarflokkinum varð týsdagin vald til formann í sosialu nevnd. Næstformaður varð valdur Jógvan Arge úr Tjóðveldisflokkinum. Hinir limirnir í sosialu nevnd eru Elin Linden- skov úr Javnaðarflokk- inum. Jan Christiansen úr Fólkaflokkinum og Beate L. Samuelsen úr Sambandsflokkinum. Løtu seinni varð fundur settur í teknisku nevnd. Hon skipaði seg við Marini Katrinu Frý- dal úr Tjóðveldisflokk- inum sum formanni og Katrini Dahl Jakobsen úr Javnaðarflokkinum sum næstformanni. Hinir limirnir í tekn- isku nevnd eru Leivur Hansen úr Tjóðveldis- flokkinum, Sjúrður Olsen úr fólkaflokkinum og Høgni Mikkelsen úr Sambandsflokkinum. Mikudagin verður Hildur Eyðunsdóttir úr Tjóðveldisflokkinum vald til forkvinnu í mentamálanevndini, og hósdagin skipar heilsu- og umhvørvisnevndin seg við Elini Linden- skov úr Javnaðarflokk- inum sum forkvinnu. Fýra forkvinnur í Havn TÍÐINDASKRIV Jensina Olsen letur upp listaframsýning í Menta- málaráðnum hósdagin 13. januar 2005, kl. 15.00 - 17.00. Framsýn- ingin er opin mánadag til hósdag kl. 08.00 - 16.00, fríggjadag kl. 08.00 - 15.00. Jensina Olsen er 34 ár, og hevur nomið sær út- búgving innan myndlist á Billed-skolen í Keyp- mannahavn. Hon sýndi fyrstu ferð fram á Ólavsøku í 1999, og hevur síðan verið við á Ólavsøkuframsýn-ing- ini í Listaskálanum á hvørjum ári. Várið 2004 var hon fyrstu ferð við á Várframsýningini í Listaskálanum, har hon sýndi fram 17 olju- málningar, undir felags- heitinum "Býarbrot", sum var ein installatión við íblástri av Keyp- mannahavn. Annars hevur hon havt framsýn- ingar í Keypmannahavn, saman við øðrum lista- fólkum, td. Birkerød kunstforening, Norður- bryggjuni og Kunst- foreningen Humlen. Jensina arbeiðir ávikavist við olju, akryl og akvarell. Ofta er in- stallatiónstankin við í hennara arbeiði. Til hesa framsýning í Mentamálaráðnum hev- ur hon akvarellir og oljumálningar við. Íblástur til myndirnar er nakað so einkult sum tá nakað møtist. Tvey ting kunnu møtast og útloysa eitt triðja innan í okkum, sum ikki sæst. Framsýn- ingin ber heitið "Aftur- skin". Framsýningin í Mentamálaráðnum er opin til 23. mars 2005 og øll eru vælkomin. Jensina Olsen fram- sýning í Mentamála- ráðnum Lesið -so eru tit við!