mikudagur 19. januar 2005síða 3

Nr. 12 - 19. januar 2005 3 Landsstýrismaðurin við fíggjarmálum heldur ikki, at nøkur grund er til stúran, hóast gjaldførið hjá landskassanum bert er nakrar fáar milliónir oman fyri lægsta mark, sum ásett er fyri innlani í Landsbankanum GJALDFØRI Edvard Joensen Landsstýrismaðurin við fíggjarmálum, Bárður Nielsen, er púra róligur, hóast seinasta dagføring av gjaldføri landskassans í Landsbankanum sigur, at bert 32 milliónir eru mill- um nettostøðuna og loyvda minstalánið hjá landskass- anum í Landsbankanum. Eitt minstamark fyri inn- láni í Landsbankanum er sett til at vera 15 prosent av BTÚ, brutto tjóðar úrtøk- uni. Men hetta er bara veg- leiðandi, sigur Bárður Nielsen. Tað hendir eingin vanlukka, um farið verður eitt sindur niður um tað talið. – Tað er ikki fyrr enn vit koma 30 prosent undir tað talið, sum svarar til tey 15 prosentini, at tað verður kritiskt, sigur landsstýris- mað-urin. Nettostøða landskassans var í december 2004 1.517 milliónir krónur, og minsta inngjald landskassans í Landsbankanum skuldi vera 1.485 milliónir. So har var ikki so nógv at geva av. Fyri januar í ár skal minsta innlánið vera 1.500 milliónir, sigur Bárður Nielsen. Tað er tí, at fram- rokningar vísa, at BTÚ hækkar í mun til 2004, sig- ur hann. Betri enn væntað Tað er eingin grund til at halda annað enn, at sam- felagið verður rikið víðari uttan lántøku, sum støðan er, sigur Bárður Nielsen. Hann sigur, at stórur dentur verður lagdur á at halda seg oman fyri tað markið, sum áett er. Og sum støðan er í løtuni, sær tað ikki út til at verða nakar trupulleiki, sigur landsstýrismaðurin. – Tað er ikki tí, at vit høvdu væntað tað, sigur Bárður Nielsen. Í grundini søgdu spádómarnir, at tað fór at standa verri til, enn tað nú vísir seg. Vit høvdu væntað at liggja undir minstainnláninum. Grundirnar til, at tað stendur betri til enn vænt- að, kunnu vera tvær, heldur Bárður Nielsen. Tað kann vera tí, at tað hevur gingið betri fíggjarliga, enn rokn- að varð við. Ella kann grundin vera, at tað liggja onkrar ógoldnar rokningar onkunstaðni. Og tað er helst ikki so gott, um so er, heldur hann. Landsstýrismaðurin sig- ur, at strembað verður alla tíðina eftir at halda seg oman fyri tað ásetta mark- ið. Og at hava avlop á landskassaroknskapinum. Eitt tal Hesi 15 prosentini, ið sett eru sum mark fyri minsta- innláninum, eru eitt tal, sum ásett er sum ein veg- leiðing eftir kreppuárini, soleiðis at halda seg til fyri ikki at koma soleiðis fyri, sum vit vóru, tá kreppan mundi gjørt av við okkum, heldur Bárður Nielsen. Hann heldur ikki, at nøk- ur grund er til at pilka við tað talið, sum sett er í lóg- ina. Tí hóast tað ikki er nakað absolutt mark at halda seg til, so er tað eitt sera gott amboð at hava, sigur hann. Spurdur um hann ikki bara fer at broyta lógina, um tað vísir seg, at tað ikki ber til at halda seg oman fyri tey ásettu 15 prosent- ini, svarar Báður Nielsen, landsstýrismaður við fíggj- armálum, at tað kemur ikki upp á tal. – Tað er óseriøst at hugsa so. Lógin er gjørd fyri at verða hildin. Tað er ikki so, at vit skulu gera lógir eftir tí, sum vit klára at liva upp til, sigur hann. Fyrstu flokkarnir í Miðvágs- Sandavágs skúla vóru mána- dagin í Havn og handaðu formannin- um fyri Reyða Krossi Føroya ein stóran kekk til neyðhjálpar- arbeiðið í Asia INNSAVNAN Edvard Joensen Børnini, sum ganga í fyrstu flokkunum í Miðvágs- Sandavágs skúla lótu mánadagin Reyða Krossi Føroya ikki færri enn 20.000,- krónur til neyð- hjálpina í samband við flóðalduna, sum rakti partar av Asia annan jóladag. Tað vóru foreldru at børnunum í fyrstu flokkun- um, ið eru tveir, sum tóku stig til at hava eitt stórt tombola í skúlanum miku- dag-in 12 januar. Hetta eydnaðist so væl, at børnini kundu fara til Havnar við einum kekki upp á 20.000,- krónur at handa Reyða Krossi. Børnini høvdu sett for- manninum í Reyða Krossi Føroya, Suna Vinther, stevnu í bovlinghøllini, tí tey ætlaðu sær eisini sjálv at fáa okkurt annað burtur úr hesum Havnartúrinum, tey gjørdu í felag. Nevni- liga at bovla eina løtu, áðrenn tey fóru vestur aftur. Foreldur, Sosialurin hev- ur tosað við, siga, at børnini vóru rættiliga upptikin av tí, sum hent var, og tosaðu nógv um, hvussu tey kundu hjálpa serliga teimum børn- um, sum rakt vóru. Foreldrini vilja fegin takka øllum teimum, sum stuðlaðu tiltakinum. Tað verið seg teimum, sum lótu lutir ókeypis til tiltakið, og ikki minni øllum teimum, sum stuðlaðu við at keypa seðlar. Støðan er trygg Vágabørn hjálpa neyðstøddum Bárður Nielsen, landsstýrismaður við fíggjarmálum, heldur ikki nakran vanda vera á ferð, hóast gjaldføri landskassans nærkast markinum fyri minstainnláni landskassans í Landsbankanum Fyrstu flokkarnir í Miðvágs- Sandavágs skúla handaðu Reyða Krossi Føroya ein kekk upp á 20.000,- krónur til neyðhjálpina í samband við flóðalduna, sum rakti Asia á jólum Mynd - Martin Haraldsen