sunnudagur 6. februar 2005síða 32

32 Nr. 26 - 8. februar 2005 Vørubilur á sjógv í Nólsoy Eingin mansskaði hendi, tá ið ein vøru- bilur herfyri fór á sjógv í Nólsoy ÓHAPP Vilmund Jacobsen vilmund@sosialurin.fo Tað er tíbetur ikki vanligt, at ferðsluóhapp henda á útoyggjunum kring landið. Bilarnir eru fáir, og vegirnir smáir. Vanligastu akførini eru traktorar, og er handils- maður í bygdini, hevur hann kanska ein lítlan vøruvogn til flutning niðan av bryggjuni – og oman- aftur við tómum fløskum. Í Nólsoy eru tveir mat- vøruhandlar og kaffistova. Tí verður nakað av koyring aftur og fram, tá ið frakt- dagur er við Rytuni. Arbeitt hevur eisini verið við at bøta um og útbyggja havnalagið. Grótarmurin vestureftir er longdur, og nú verður nýggjur grótarmur lagdur út úr Kirkjutang- anum. Tað er RTS, Runavíkar Transportservice, sum stendur fyri hesum arbeiði, og meðan arbeitt hevur ver- ið, hava tungir bilar koyrt oman úr Skálanum við gróti. Bilur á sjógv Ein dagin herfyri fór ein vøruvognur hjá RTS á sjógvin, men tíbetur stóðst eingin fólkaskaði av óhapp- inum. Sum skilst, var hetta eitt hendiligt óhapp, har bilfør- arin helst hevði gloymt at hálað í hondbrremsuna, áðrenn farið varð út úr bilinum. Vørubilurin fór út av bryggjukantinum beint frammanfyri bátin hjá Høgna Niclasen. Sum skilst, eydnaðist tað RTS at fáa bilin uppaftur í øllum góðum. Hesin vørubilurin hjá RTS fór út av bryggjukantinum í Nólsoy herfyri Mynd: Bjarni TÍÐINDASKRIV Undir heitinum "Kristus frelsir til fulnar" verður ein evangelisk fundarøð í Siloa í Fuglafirði frá mikudegn- um 9. til sunnudagin 13. febr. Tað er Svenning av Lofti, sum fer at hava hesa fundarøðina, og í tí sam- bandi er innbjóðing borin í hvørt hús í Fuglafirði. Í innbjóðingini hevur Svenn- ing eina persónliga heilsan til fuglfirðingar, har hann m.a. sigur: "Tá ið eg vaks upp norð- uri á Eiði í 1940-50-unum, var eg nógv áhugaður í fót- bólti. Tað var ein serstakur hátíðarfarri yvir bygdini, tá ið fuglfirðingar komu at spæla móti EB. Sum 14 ára gamal varð eg biðin um at vera málmaður hjá eiðis- monnum, tí teir skuldu til Fuglafjarðar at spæla fót- bólt. Men mamma helt meg vera ov ungan - so eg fór ongan veg ta ferðina - men havi verið ofta síðani. Og nú eri eg aftur! Hesu- ferð við einum boðskapi, ið ikki einans hevur týdning fyri hetta lívið, men eisini fyri ævinleikan. Ítrótturin er nyttuligur fyri hetta lív- ið, men Bíblian sigur, at "gudsóttin er nyttuligur til alt og hevur lyfti, bæði fyri hetta lívið og fyri hitt, ið kemur." Eg eri útbúgvin prentari. Men síðani eg var 32 ára gamal havi eg burturav virkað sum evangelistur og prædikað gleðiboðini um Jesus Kristus. Serstaka væl hóvar mær at hava slíkar fundarøðir, sum hesa í Fuglafirði 9-13 februar, har eg fleiri kvøld á rað kann bera fram boðskapin um Jesus og kunna leiða menn- iskju til hann, ið eina kann frelsa." Fyrsta møtið verður, sum sagt, mikukvøldið kl. 19.30, har Svenning fer at tala um evnið: "Tín leiklut- ur í verki Guds er sera týdningarmikil". Síðani verða møtini hóskvøldið, fríggjakvøldið og leygar- kvøldið kl. 20 og sunnu- kvøldið kl. 18. Á fundunum fara ym- iskar sangkreftir at luttaka, m.a. Kvinnukór av Toftum, Finnur Hansen v/familju, Sangbólkurin Salt og sang- kórið í Siloa. Barnamøtir verða eisini - mikudag til leygardag kl. 17. Har verður nógvur sangur, søgur o.a. Í innbjóðingini, sum er borin í húsini, heilsar Svenning fuglfirðingum at enda soleiðis: "Tað er mær ein framíhjárættur at bjóða tær hjartaliga vælkomnum til hesi møti og tað hevði glett meg nógv at síggja teg!" Evangelisk fundarøð í Fuglafirði