mikudagur 9. februar 2005síða 2

2 Nr. 27 - 9. februar 2005 Fyrrverandi amerik- anski presturin Paul Shanley er funnin sekur í at hava neyð- tikið ein seks ára gamlan drong fleiri ferðir RÆTTARMÁL Árni Joensen: fartekst@mail.dk Tann 74 ára gamli fyrrver- andi katólski presturin kann vænta sær lívlanga fongsulsrevsing, eftir at rætturin í Cambridge í stat- inum Massachusetts hevur funnið hann sekan í neyð- tøku og øðrum kynsligum ágangi. Høvuðsvitnið ímóti prestinum var ein 27 ára gamal maður. Hann greiddi frá, at tá hann var seks ára gamal, var hann regluliga í kirkjuni, har Paul Shanley var prestur. Undir avhoyr- ingini greiddi maðurin frá, at hann bleiv neyðtikin fleiri ferðir. – Tað var ræðuligt. Prest- ur segði, at eingin fór at trúgva mær, um eg segði, hvat var hent. Eg tordi heldur ikki at siga nakað, sjálvt um hetta stóð við í seks ár, segði maðurin. Sambært AP hava minst 24 aðrir menn greitt løg- regluni frá, at teir vóru eis- ini fyri kynsligum ágangi frá Paul Shanley. Skjøl hjá kirkjuni hava avdúkað, at sum prestur var hann fyri kynsligum sambandi ímill- um menn og dreingir, og at leiðslan í kirkjuni visti tað. Í 1967 fekk katólska kirkj- an í USA ta fyrstu klaguna um Paul Shanley, men kirkjuleiðslan valdi kortini at lata hann halda fram í embætinum og at lata hann hava samband við børn har, skrivar AP. UTTAN ÚR HEIMI FBI skal kanna deyðsfall Síðani forsætisráðharrin í Georgia, Zunab Zvania, varð funin deyður seinasta mikudag, hava gitingar verið um, at hann var vorðin myrdur, og tí hava georgisku myndugleikarnir nú biðið serfrøðingar hjá amerikonsku samveldisløgregluni FBI koma til Georgia at kanna málið. Zunab Zvania og ein annar politikari, Raul Jusupov, vórðu funnir deyðir í íbúðini hjá Jusupov, og mynd- ugleikarnir kunngjørdu seinni, at teir vóru deyðir av eitran frá einum gassleka. Men keldur í Georgia hava sett spurnartekin við hesa frágreiðingina, og bløð í Russlandi hava skrivað, at teir báðir deyðu høvdu fleiri skotsár. Serfrøðingarnir hjá FBI skulu eisini kanna umstøðurnar í sambandi við eina bumbuspreinging í Georgia tann 31. januar, tí ein ávísur illgruni er um, at deyði forsætisráðharrans hevði samband við bumbuspreingingina. Færri sigarir Kuba er kent fyri sínar sigarir, men nú hava myndug- leikarnir har sett eina sera stranga roykilóg í gildi. Lógin sigur millum annað, at tað er bannað at roykja á flestu arbeiðsplássum, allar sigarettmaskinur skulu beinast burtur, og tað er ikki loyvt at selja tubb- aksvørur nærhendis skúlum. BBC veit kortini at siga, at myndugleikarnir hava ikki lagt serliga stóran dent á at greiða fólki frá nýggju lógini, og at mong tí eru í iva um, hvussu hon skal tulkast. Kubanski forsetin, Fidel Castro, er ofta settur í samband við tær væl umtóktu kubansku sigarirnar, sjálvt um hann legði av at roykja fyri tjúgu árum síð- ani. Myndugleikarnir í Kuba siga, at árliga doyggja umleið 6.000 kubanar av sjúkum, ið standast av royking. Kendar tenn á framsýning Tveir jakslar hjá kenda norska pólgranskaranum Roald Amundsen verða í hesum døgum sýndar fram á einari framsýning í býnum Moorhead í amerik- anska statinum Minnesota. Roald Amundsen var í Moorhead tann 24. mars í 1927, har hann helt fyrilestur um eina av sínum mongu pólferðum. Meðan hann var í býnum, fekk hann ilt í tveir jakslar, og tannlæknin Albert Hallen- berg gjørdi av at taka teir. Tannlæknin goymdi jaksl- arnar, men lat seinni eitt savn í býnum fáa teir í varð- veitslu, og teir eru helst tær seinastu leivdirnar av tí kenda pólgranskaranum, sum doyði í einari flogvan- lukku í juni í 1928. Roald Amundsen er serliga kendur sum tann, ið fyrstur kom á Suðurpólin. Tað var tann 14. desember í 1911. Hann var kortini ikki einsamallur. Í ferðalagi hansara vóru fýra menn og 52 hundar. 80 ára gamal bankarænari Mánadagin varð ein 80 ára gomul kona í Eysturríki dømd at gjalda 2.500 krónur í bót, tí hon royndi at ræna ein banka. Kvinnan var farin inn í ein banka í Wien við einari leikaskammbyrsu. Inni í bankanum hevði hótti hon eitt av starvsfólkunum við skammbyrsuni, men peng- ar fekk hon ongar. Ístaðin fyri endaði hon á løgreglu- støðini til avhoyringar. Har greiddi tann gamla konan frá, at hon hevði sjálvandi ikki ætlað at ræna bankan, og at hon hevði bara ætlað hetta sum skemt. Men løgreglan og rætturin hildu ikki, at hetta var serliga skemtiligt. Tí bleiv konan dømd at gjalda 2.500 krónur í bót, men hon slapp kortini undan at fara í fongsul, skrivar AP. Amerikanska stjórnin roynir av øllum alvi at forða fyri, at Irak skal fáa prestastýri og tær strongu sharia- lógirnar IRAK Árni Joensen: fartekst@mail.dk Síðani irakska tjóðartings- valið hava fleiri shiamusl- imskir leiðarar í Irak gjørt vart við, at teir ætla at skipa landsins lógir í samsvari við »Koranina og Guðs vilja«, sum teir taka til. Tað er heldur eingin ivii um, hvat tað ber í sær. – Vit vilja ikki hava javn- rættindi ímillum menn og kvinnur, tí sambært isl- amskari lóg eru tað menn- inir, sum ráða. Tað stendur í Koranini, og tað er Guðs vilji, segði ein talsmaður hjá tí máttmikla shiamusl- imska leiðaranum ayatolla Yacoubi við New York Times mánadagin. Hóast tað endaliga úrslit- ið av tjóðartingsvalinum ikki er kunngjørt en, er tað greitt, at shiamuslimarnir verða teir sterku á tí polit- iska pallinum í Bagdad, tí teir eru í meiriluta. Fyri fleiri døgum síðani ljóðaði, at flokkurin United Iraqi Alliance hevur fingið sera nógvar atkvøður og verður nógv tann størsti í tingin- um. Tað, sum ørkymlar amer- ikonsku stjórnina er, at aftan fyri hendan flokkin eru kreftir, sum hava gott samband við prestastýrið í grannalandinum Iran. Sambært New York Times kunnu amerikanararnir ugga seg við, at fleiri shia- muslimskir leiðarar hava talað ímóti at skipa iraksku leiðsluna eftir iranskum leisti, men teir hava kortini sagt, at tann komandi irakska grundlógin skal vera í samsvari við isl- amska lóg. Rættiliga avgerandi er, hvat tann ovasti átrúnaðar- ligi leiðarin hjá shiamusl- imunum, Ali al-Sistani, fer at gera. Hann hevur fyrr sagt, at teir átrúnaðarligu leiðararnir eiga ikki at hava nakran høvuðsleiklut á tí politiska pallinum, men seinastu tíðina hava tals- menn hansara sagt, at hann ætlar sær at gera vart við seg, um tann komandi stjórnin ikki heldur seg til fólksins vilja, skrivar New York Times. Norski granskarin Henrik Thune sigur við Dagsavisen, at sama hvat amrikanararnir gera, so er tað greitt, at Iran fær stóra ávirkan á viðurskiftini í Irak í framtíðini. Prestur neyðtók smádrong fleiri ferðir Irak kann enda sum Iran Paul Shanley lurtar í rættarhølinum í Cambridge