mikudagur 9. mars 2005síða 10

10 Nr. 47 - 9. mars 2005 Altjóða kvinnudagurin 8, mars varð eisini hildin her heima við ymsum tiltøkum. Amnesty og Kvinnu- felagið høvdu tikið stig til tiltøk í SMS, í hølunum hjá arbeiðarafelagnum Hæddini í Rúnavík og í Mettustovu, har umstøður hjá kvinnunum bæði her heima og burturi vórðu á skránni. Tað er sjálvandi ikki nóg mikið at seta fokus á kvinnumál bara 8. mars. Tað má vera nakað, sum er partur av gerandisdegnum alt árið. Men kortini er sett út í kortið, at júst hesin dagur, 8. mars, skal vera ein dagur, tá í hvussu so er allir borgarar eiga at geva kvinnuspurningum gætur. Her verður hugsað um umstøðurnar hjá kvinnunum heima sum burturi. Nú er tað sjálvandi ikki rætt at samanbera viðurskifti hjá kvinnum í tilafturskomnum og ófrælsum lond- um úti í heimi við tey her heima hjá okkum. Men kortini eiga eisini vit at brúka kvinnudagin til at taka í egnan barm, tvs. at loysa upp fyri og viðgera kvinnuspurningar her heima. Sjónvarpið hevði nú um dagarnar sera áhugaverda sending um umstøðurnar hjá mongum kvinnum, ið eru fyri harðskapi. Hetta skuldi man ikki trúð fanst her heima, í okkara framkomna og siviliserða sam- felag, men ein sannroynd er tað, at kvinnubuking og harðskapur móti kvinnum í føroyskum heimum er nógv meira útbreitt enn fólk flest geva sær fær um. Og bert við at innsíggja trupulleikan og umrøða hann alment ber til at fara inn og gera nakað fyri at loysa hann. Mest umráðandi er tí at viðurkenna, at her finst ein trupulleiki. Og tað er m.a. hetta, sum altjóða kvinnudagurin skal minna okkum á. Vit kunnu so bert vóna, at upplýsingin og herferðin ímóti eitt nú harðskapi móti kvinnum fer at bera ávøkstur. Vit vilja við hesum geva teimum, sum í sínum dagliga yrki arbeiða við slíkum spurningum, okkara fulla moralska stuðul. Tað líkist ongum, at tað í dag, í tí upplýsta Føroyum, finst nakað, sum eitur harðskapur móti kvinnum. Myndugleikar, stovnar og einstaklingar eiga tí at gera alt, sum gerast kann fyri at vinna á hesum trupulleika. Men vit eiga so eisini at seta fokus á kvinnumál kring heimin serstakliga slíkan dag men eisini allar aðrar dagar. Tí eiga vit eisini at fegnast um tey framstig, sum verða gjørd. Eitt slíkt framstig hendi herfyri, tá Hægstirættur í USA gjørdi av, at kvinnur og menn undir myndugleikaaldur, og sum hava framt brotsverk, kunnu ikki takast av døgum. Hetta er eitt framstig, sum vit esini á kvinnudegnum eiga at fegnast um. DAGSINS MEINING Sosialurin Altjóða kvinnudagur VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Tóki Højgaard toki@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Teresa Jensen teresa@sosialurin.fo Hjørdis Gregersen hjordis@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e-post: aki@sosialurin.fo e-post: dagfinn@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Føroyaprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. Value for Money Andras Róin Sjarmerandi at síggja Dimmalætting og Sjónvarp Føroya ganga hond í hond í einum stríði fyri kunda- áhugamál. Flott og há- sinnað soleiðis at verja brúkaran og kempa fyri »Value for Money« til øll. Djúptborandi journalistikk- ur á la Føroyar anno 2005. Internet breiðband frá Føroya Tele er væl dýrari enn í Danmark og Svøriki, og kundin fær minni sam- skiftisorku. Tað er rætt, og tað er eisini okkara aðal- endamál at veita fleiri, betri og bíligari tænastur. Tað eru tó eisini evropeisk lond, sum eru væl dýrari at sam- skifta í, men tað er sjálv- sagt ikki nøkur góð søga. Tað gongur rætta vegin, og eru fjarskiftisprísirnir sum heild lækkaðir niður í ein triðing tey seinastu 8 ár- ini - mest áðrenn kappingin byrjaði. Íløgur verða gjørdar fyri umleið 100 milliónir krónur um árið til tess at tryggja framtíðar tørvin og fyri at tryggja, at okkara kappingarneytar eis- ini hava nakað at bjóða. Enn er tó eitt stórt arbeiði eftir, og er tað okkara uppgáva, at vit skulu teljast millum tey bestu og bíligastu londini. Soleiðis vilja vit tryggja virðini í felagnum - felagið sum vit øll eiga. Dygd, mongd og prís Eg loyvi mær eyðmjúkt, in- spireraður av slóðbrótandi journalistikkinum, at spyrja: Um donsk bløð taka 13.00 kr. fyri 50 - 100 síð- ur, hví kostar Dimmalætt- ing so 13,00 kr fyri 10 síður, lýsingar undantikið? Um tú fyri 2.000,00 kr um árið í Danmark (bíligari gjøgnum Televarpið), kannst fáa DR1, DR2, P1, P2, P3 og P4, 20 tímar um samdøgrið, - hví kosta Út- varp og Sjónvarp Føroya so 3.500,00 tvangsútskrivaðar krónir. Kunnu hesi dømini hava nakað at gera við kostnaðin av at framleiða, sæð í mun til marknað og kunda- grundarlag? Um so er, kann hetta so hugsast at verða galdandi innan onnur økir enn Dimmu og SVF? Dimmalætting fekk ilt av, at fólk, um tey hugdu eftir Prix Føroyar gjøgnum Inter- netið, máttu gjalda fyri hetta. Fleiri feilir eru í greinini. M. a. hava flestu londini ídag ikki »flat rate«, og kostnaðurin sum er nevndur, forútsetur at kund- in frammanundan hevur brúkt tey 2 ella 3 Gb, ið fylgja við størru haldunum. At SVF ikki vil senda Prix Føroyar, men letur tað »streama« á internetinum, kunnu tit altso ikki lasta Føroya Tele ella Kall ella onkran annan internet veit- ara. Tað hevði verið so upp- lagt at latið Rás 1 hjá Tele- varpinum ókeypis sent Prix Føroyar til teir 4.200 kund- arnar sum nú eru. Um kvaliteturin ikki var nóg góður til SVF, so lata vit fegin Rás 1 verða eina lágprís loysn. Discount ella lágprís er jú eisini eitt slag av »Value for Money«. Johan Dahl, løgtingsmaður Vágur 07.03.2005 So var hann aftur í bløðun- um í vikuskiftinum við tí, sum ivaleyst skuldi skiljast sum eitt aftursvar til undir- ritaða og Helga Abraham- sen, men satt at siga so var ikki svarað upp á ein tann einasta av teimum settu spurningum mínum til hansara, fyrru álop á Sambandsflokkin og undirritaða, tíverri. Um ein veruliga er so lít- ið tilvitaður um politiska veruleikan og tað, sum veruliga fer fram í samfel- agnum og rundanum okk- um, sum Áki sýnist at verða, so skilji eg kanska eitt sindur av skrivingar- lagnum hjá Áka Andreasen. Tá Áki nevnir einskil- jingar og hvør hevur staðið á odda fyri hesum, fer hann enn einaferð fullkomiliga skeivur og vísir her eisini sítt egna vantandi innlit, tað er nevniliga Sambands- flokkurin, sum hevur staðið á odda fyri hesum. At Tjóveldisflokkurin seinastu árini er blivin meira borgarligur er fyri okkum borgarligu einans at glaðast yvir, havandi í huga, hvat stevnisskrá teirra, fram til hon bleiv broytt fyri stuttum, segði um vinnutólini og hvør skuldi eiga og reka hesi. Tíverri enn einaferð - ístaðin fyri sakliga at við- gera tað, sum spurt bleiv av undirritaða og undirbygg- ing av tí, sum hann sjálvur setti fram av skuldseting- um/gitingum - kom so enn eitt ósakligt skriv við egn- um »sannleikum« og git- ingum so, »der lades des- værre alt håb ude«. Ikki loysir tað seg at spilla meira tíð upp á slíkan orðaskvaldur av luftka- stellum. Åh den Áki den Áki