mikudagur 16. mars 2005síða 8

8 Nr. 52 - 16. mars 2005 Tónleik- ur til einhvønn smakk Á triðja sinni skipa tey ungu í Heima- missiónini fyri stórfingnari kon- sert í Mentanar- húsinum í Fugla- firði TÓNLEIKUR Snorri Brend Leygarkvøldið verður Mentanarhúsið í Fugla- firði aftur karmur um eina konsert. Hesuferð verður tað tann árliga gospelkonsertin, sum HeimaMissións Ung- dómur (HMU) skipar fyri. Bólkarnir í ár vera í sang- og tónleikastíli rættiliga ymiskir. Og tí kann sigast, at øll, ið bert hava eitt sindur av áhuga fyri tónleiki, fáa okkurt burturúr, og sum fellur í teirra smakk. Umframt nógvan tón- leik, verður eisini ein andakt á skránni, video- klipp á stórskýggja og bóka- og kaffisøla. Teir fýra bólkarnir, ið spæla á konsertini vera: Ungdómskórið í Vág- um, Credo, Proclaime, og I Am. Atgongumerki til kon- sertina, ið byrjar kl. 22, fáast við dyrnar. Konsertirnar hjá HMU eru vanliga væl dámdar millum tey ungu, eins og henda myndin vísir Kend frisør-andlit í nýggjum hølum Karin’sa er navnið á nýggjari frisørsalong, sum hósmorgunin letur upp í Havnini NÝGGJ SALON Jákup Mørk Tórshavn: Tær hava rokast óført. Karin Sólsker, Elisa- beth M. Johannesen og Ingrid Heinesen Hofgaard hava seinastu vikurnar stríðst av øllum alvi, so- leiðis at nýggju hølini í Brekkugøtu, har tann- læknastova eisini er, kunnu vera klár, nú mars mánaði er um at verða hálvrunnin. Tað er 36 ára gamla Kar- in Sólsker, sum stendur fyri nýggju salongini, men hó- ast talan er um nýggja klippistovu, so hevur Karin sjálv nøkur ár á baki í fak- inum. – Eg byrjaði í læru hjá Tótu á heysti 1986, so tað eru um at verða 20 ár síð- ani. Og so havi eg mest sum verið í fakinum síðani. Fyri knøppum trimum ár- um síðani royndi eg meg tó sum pedagog, men eg sá tó skjótt, at tað ikki akkurát var tað, sum eg tímdi best, heldur hon. – Hinvegin haldi eg eis- ini, at eg lærdi nakað av hesum árinum. Ikki minst tað, at tað veruliga var hár- fríðkunaryrkið, sum eg brendi fyri, um eg kann siga tað so. Gamal dreymur Og hóast hon fyri tað nógva hevur starvast hjá Tótu, so dylir Karin ikki fyri, at hon eisini hevur havt eitt ynski um at arbeiða fyri seg sjálva. – Tað royndi eg sum so beint eftir at eg var útlærd. Men tað var í eini lítlari salon í Sørvági, har eg var einsamøll, og tað treivst eg ikki so væl við. Mær dámar betri, tá tað er gongd í ger- andisdegnum, og ikki minst hevur samveran við starvs- felagar eisini nógv at týða. So skuldi tað verða, so vildi eg hava eina ordiliga salon. Vilja fylgja við Og tað ynskið hevur hon nú eisini fingið uppfylt. Longu frá fyrsta degi verða tær báðar, Ingrid og Elisabeth aftrurat Karin á salonini, umframt Ann Leivsgarð Henriksen, sum alt fyri eitt byrjar sum lærlingur. Og nýklækti stjórin hevur eis- ini góðar vónir um, at tær fara at hava nokk at gera. – Eg haldi í øllum førum, at vit liggja væl fyri. Tá parkeringsøkið við J. Paturssonargøtu verður lið- ugt, er talan bert um ein heilt stuttan gongutúr til salonina, so tey viðurskift- ini eru í øllum førum í lagi. Og so leggja vit okkum eis- ini eftir at fylgja við mót- anum. Sjálv eri eg von við, at skeið í eitt nú London og Keypmannahavn eru ein støðugur partur av fakin- um, soleiðis at vitanin alla tíðina verður útbygd og hildin viðlíka, og tað er so avgjørt nakað, sum vit allar ætla okkum at halda fram við, staðfestir hon. Og tað er einki at fara skeivur í, at umstøðurnar innanveggja eru í topp. Hølini eru fullkomuliga gjørd av nýggjum, og nógv er lagt fyri, til tess at bæði kundar og starvsfólk skulu kenna seg væl. Mikudagin verða dyrnar so lætnar upp, tá móttøka er á skránni frá 15 til 17, og hósmorgunin verður so fyrsti arbeiðsdagurin hjá Karin í nýggju hølunum. Hølunum, har dreymur hennara nú skal standa sína roynd. Hósdagin letur nýggja frisørsalongin í Brekkugøtu í Havn upp Mynd: Jens Kristian Vang H. C. Ander- sen tekni- kapping fyri børn Mánadagin byrjaði stóra kappingin fyri børn um at tekna bestu tekningini við myndevni úr onkrum H.C. Andersen ævintýri. Bestu uppskotini verða prentað sum bókamerki og vinna eina bókavirðisløn á 500 kr. Í sambandi við at H. C. Andersen fyllir 200 ár, verð- ur teknikapping á barna- bókasavninum í Havn fyri børn upp til 13 ár. Mynd- evnið skal vera úr onkrum H. C. Andersen-ævintýri. Teknitilfar og pappír liggja frammi á barnabóka- savninum frá mánadegnum 14. mars til og við leygar- dagin 2. apríl, sum er føð- ingardagur H. C. Ander- sens. Tað ber til hjá børnun- um at sita inni á bókasavn- inum og tekna, ella tey kunnu taka pappír heim við at tekna á. Tekningin skal hava eina ávísa stødd (21 x 7,5 cm), tí er tað best at fáa pappír frá okkum við rætta mátinum teknaðum á. Seinasta freist at lata tekningar inn er á sjálvum 200 ára føðingardegnum hjá H. C. Andersen, 2. apríl 2005. Hósdagin 7. apríl verða vinnararnir kunngjørdir, og allar tekningarnar verða sýndar fram á barnabóka- savninum. Bestu uppskotini verða prentað sum bókamerkir, og teknararnir vinna eina bókavirðisløn á 500 kr. -ave- Fundur um tunglyndi Mikukvøldið 16. mars kl 20 skipar Sinnisbati fyri kunnandi fundi um tung- lyndi í Vestmanna Skúla. Á fundinum fer Regin Jó- anesarsson at greiða frá, hvussu tað er at liva við tunglyndi. Birita Clement- sen og Oddbjørg Johansen, sjúkarøktarfrøðingar, greiða frá sjúkuni og viðgerðar- møguleikum. Høvi verður eisini at seta spurningar. Fundurin er ein liður í upplýsandi arbeiðinum hjá Sinnisbata, sum miðar eftir at bróta niður fordómar um tunglyndi. Hetta er av alstórum týdningi fyri, at tað á tann hátt kann gerast lættari at tosa opið um sjúkuna, sum aftur er við til, at fólk koma skjótari í viðgerð. At vera avvarðandi kann ofta kennast tungt, tí ein vil gjarna hjálpa. Her er tað eisini av stórum týdningi hjá avvarðandi at ogna sær vitan um sjúkuna og práta við onnur avvarðandi. Tunglyndi kann raka okkum øll. Men tann, sum hevur sjúkuna, er ofta av tí fatan, at viðkomandi sjálv/- sjálvur hevur skyldina av støðuni og søkir tí ikki lækna, fyrr enn støðan er vorðin sera vánalig. Sinnis- bati vónar, at upplýsandi ar- beiði kann vera við til at forða fyri, at støðan hjá tí tunglynta gerst óneyðuga trupul. Fundurin er ókeypis, og kaffi og køkur fáast. Øll eru hjartaliga væl- komin. - ave -