mikudagur 30. mars 2005síða 26

26 Nr. 59 - 30. mars 2005 Høgni Zacharias- sen stútaði einasta málið í uppgerð, har tað var langt millum uppløgdu málmøguleikarnar VB-ÍF Jóannes Hansen Myndin var tann sama 2. páskadag á Vágseiði, sum hon hevði verið eina stóra viku framm- anundan. Vágbingar fóru enn eina ferð vón- brotnir til hús, eftir at eitt av liðunum, sum teir av góðum grundum hava roknað við at skula vinna á heimavølli ímóti, hevði tikið alt. Og sjálvandi stórfegnaðust fuglfirðingarnir, tá ið teir í góðveðrinum fóru norður aftur um Suður- oyarfjørð at fyrireika seg til fyrsta heimadystin, ið verður ímóti GÍ, sum teir nú hyggja niður á á støðutalvuni! Kanska onkur veit um, at ÍF í landskappingin hevur vunnið á Vágseiði. Í skrivandi løtu kunnu vit ikki vísa á tað árið. Petur Simonsen hevði tveir av veteranunum við til Vágs, sum ikki vóru har suðuri næstsíðsta sunnudag. Magni á Lakjuni og Bartal Elia- sen vóru eftir ávikavíst sjúkralegu og knæskaða tøkir aftur. Men ÍF venj- arin valdi at halda seg til gomlu vendingina um, at eitt lið, sum hevur vunn- ið, skal ikki brotast. Magni og Bartal vóru á beinkinum, og teir vórðu ikki settir á vøllin fyrrenn í 2. hálvleiki. Fáir møguleikar Lotið var ikki so ógvus- ligt, men tað ávirkaði eitt sindur. ÍF hevði lotið ímóti í 1. hálvleiki, og tá høvdu teir betri taka á samanspælinum, enn teir høvdu eftir steðgin. ÍF hevði ilt við at spæla seg til upplagdar mál- møguleikar, og tað høvdu teir á heimaliðn- um eisini. Allan Joensen í ÍF málinum, og super veteranurin Bjarni Johansen í VB málinum vóru ikki ovbyrðaðir av arbeiði. Á sentrala VB mið- vøllinum vísti Milan Culic enn eina ferð, at hann er ein tann besti - um ikki tann besti - mið- vallarin í føroysku kapp- ingini. Hjá ÍF hevði Símun Eliasen upp-gáv- una at taka sær av lykla- spælaranum hjá VB. Hin sentrali miðvallarin hjá ÍF var Høgni Zacharias- sen, og tað var júst hann, sum tá ið eitt lítið korter var farið av seinna um- farinum, skoraði einasta málið. Long frísparks- sending varð løgd inn í VB brotsteigin, og Høgni snittaði við høvd- inum bóltin inn um Bjarna Johansen. Tá ið ÍF var komið framum, tóktist tað sum um, at uppspælið hjá teimum mest sum datt burtur. Roynt varð at leggja langar sendingar fram til Bartal Eliasen og Magna á Lakjuni, men tað spurdust ikki møguleikar burturúr. VB royndi at leggja trýst á. Eftir steðgin høvdu teir sett veteranin Jón Paula Olsen inn, men tað segði tað sama. Vágbingar góvu til kennar, at teir vóru misnøgdir við, at dómarin ikki bríkslaði fyri brotssparki ímóti fuglfirðingum. Men tað var dómarin ikki samdur við teimum í, og so fóru øll stigini av Eiðinum og norður til Fuglafirðar. ÍF venjarin hevði vónað, at tað skuldi bera til tvær ferðir at fáa fult í Vági, men hann ásannar, at hann ikki roknaði tað sannlíkt ÍF VENJARIN Jóannes Hansen ÍF venjarin ásannar, at hann og hansara eru ovurfegnir um, at tað eydnaðist bæði at vinna sess í fjórðings finaluni í steypakappingini og trý stig í landskappingini í Vági. – Eg hevði sjálvandi vónað, at tað skuldi bera til, men eg ásanni, at tað var optimistiskt, tí ÍF plag- ar at hava torførar dystir í Vági. Men spælararnir skulu hava rós fyri, at teir stríddust væl, og at teir bæði megnaðu at halda tætt í verjuni, og at teir megnaðu at skora málið, sum var so sera týdningarmikið. Ert tú nøgdur við avrikið? – Tað sigur seg sjálvt. Spælararnir hava loyst tær báðar uppgávurnar, sum stóðu fyri framman undan fyrru ferðini til Vágs, til fulnar. Um eg skal seta fingurin á okkurt, so skal tað vera, at vit vóru ikki nóg dugnaligir at halda fram at spæla, tá ið vit vóru komnir framum 1-0. Tá kendist tað sum um, at vit fóru at sparka meiri og spæla minni, og tað gjørdi uppgávuna hjá okkum síðsta hálva tíman torførari, enn hon longu frammanundan var. Men tíbetur spældi tað væl av, staðfestir Petur Simonsen. VB-ÍF 0-1 (0-0): ÍF aftur fult í Vági Venjarin harmast um, at tað í tveimum uppgerðum ímóti ÍF ikki hevur eydnast at fáa hol á málskjót- ingina, og at nýggi álopsspælarin ikki sleppur at spæla við VB VENJARIN Jóannes Hansen Vágbingar hava ein stóran trupulleika. Hann er, at teir ikki fáa mál. Tað stað- festir venjarin John Chris- tensen, eftir at VB í tveim- um uppgerðum ímóti ÍF – fyrst í steypakappingini og so í landskappingini – ikki hevur megnað at spæla seg til stórar møguleikar og at skjóta mál í tveimum dyst- um á heimavølli. – Vit eiga ein spæla, sum eitur Nenad Zivano- vic. Hann er keyptur henda vegin fyri at spæla í álopinum og harvið vón- andi at gera mál. Men loyvini hjá honum eru ikki í lagi, og tað er spell. Verður hann við í Klaks- vík? – Eg dugi ikki at siga tær, men vit vóna tað, sjálvt um tað í løtuni einki vist er at siga um hetta. Hví fáa vit ikki mál? – Tað er ein góður spurningur. Eg eri nøgdur við, at tað eydnaðist okk- um so at siga at halda teimum burtur frá møgu- leikum. Men vit megna ikki at spæla okkum til møguleikar. Tað er ein veruleiki, at fleiri av spæl- arunum eru nýggir á besta liðnum, og tað tekur sína tíð at spæla ungar menn inn á liðið og at fáa fremmandar menn og føroyingar at spæla sam- an. Men vit mugu arbeiða við at betra um uppspælið og royndirnar ímóti málin- um, staðfestir John Chris- tensen, venjari hjá VB. Petur var ovurfegin VB er mitt í ættarliðsskifti Símun Eliasen hevði til uppgávu at ansa spælskiparanum hjá VB, Milan Culic, og hetta eydnaðist somikið væl, at ÍF fyri aðru ferð innan í góða viku fekk fult í Vági Mynd: Áki Bertholdsen VB-ÍF 0-1 (0-0) 0-1: Høgni Zachariassen 58. Dómari: Birgir Sondum VB: Bjarni Johansen - Mortan úr Hørg, Anders Sørensen, Michael í Lágabø, Kári í Lágabø - Eyðstein í Lágabø (Jón Pauli Olsen, 46.), Evrad Ble, Milan Culic, Símun Samuelsen - Sigmund Mikkelsen (Poul N. Poulsen, 55.), Dan Djurhuus Gult kort: Evrad Ble og Símun Samuelsen ÍF: Allan Joensen - Eyðolvur R. Petersen, Poul Ennigarð, John Thomsen, Fritleif í Lambanum - Hanus Eliasen, Símun Eliasen, Høgni Zachariassen, Rúni Elttør (Atli Petersen, 90.) - Sylla Amed Davy (Magni á Lakjuni, 60.), Gunnar Nielsen (Bartal Eliasen, 78.) Gult kort: Bartal Eliasen og John Thomsen FAKTA UM DYSTIN