fríggjadagur 1. apríl 2005síða 13

Nr. 61 - 1. apríl 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Tøkk Øllum, sum vitjaðu meg og á annan hátt góvu mær gætur á mínum 80 ára føðingardegi, takki eg hjartaliga. Takk fyri hugnaliga løtu í mínum heimi og fyri gávur og telegrammir og góðynskir. Av sonnum: Mjúkligt lot í setandi sól. Vinarliga Heri Mohr Tøkk Hjartaliga takka vit fyri sýnda samkenslu, tá góði maður, pápi, verpápi, abbi og langabbi okkara Eliesar Magnussen Vágur andaðist og varð jarðaður. Takk fyri blómur, kransar og gávur til sambýlið í Vági. Eisini ein takk til tykkum, ið fylgdu honum til hvíldar. Familjunnar vegna Mia Tøkk Hjartaliga takka vit øllum, sum á ymsan hátt sýndu samkenslu og hjálpsemi, tá ið Janus Johansen í Skúlanum, Kollafirði andaðist og varð jarðaður. Familjunnar vegna Begga, Osvald, Finbogi, Hervør og Trygvi Á aðalfundi hjá Føroya Sílaveiðufelag mikudagin 30. mars varð 80 ára gamla Sofía Jacobsen í Havn heiðrað við blómum og heiðursprógvi. Siðvenja er, at tá virknir limir í Føroya Sílaveiðufe- lag hava fylt 80 ár, verða teir heiðraðir av felgnum og fáa frían limaskap og frítt at fiska hjá felagnum. "Vit í felagnum, sum nýta møguleikan at fiska við Leynavatn, gleða okk- um til aftur í summar at fiska saman við Sofíu, og síggja hvussu hon gleðist í hesum frítíðarítrivi. Vit ynskja henni nógv góð ár afturat við tráuni og alt tað besta í framtíðini", sigur Johan Svensson, formaður í Føroya Sílaveiðufelag. Sofía Jacobsen heiðrað av Føroya Sílaveiðufelag Mánadagin 4. apríl verður John Rasmus- sen á Strondum 70 ár. John er sonur Da- vinu, ættað niðri við Rætt á Toftum og Andrias Fredrik Ras- mussen (Dia) úti á Ytru Trøð á Strond- um. Dia var skipari og sigldi m.a. við Gunnhild undir kríg- num. Eisini var hann bátasmiður, og hevði hann bátastøðina á Strondum í nógv ár. John er elstur av 5 systkjum. Hann og yngsti beiggin Jeffrei eru teir einastu av systkjunum, sum enn búgva á Strondum. Kamma og Sámal eru búsitandi í Íslandi, og Símun býr í Dan- mark. Pápi møtti mammu, ið er dóttir Fridu og Anton Bernhard (Benni) Hansen Norðragøtu, í Tórshavn, meðan hann lærdi. Tey blivu vígd í Sjóvar kirkju tann 30. mai 1955, og búðsettust á Strondum. So tann 30. mai í ár verður gullbrúdleyp, har tey bæði Margit og John ætla at há- tíðarhalda dagin, tann 28. mai í bygdarhúsinum á Strondum. Tey fingu 4 børn, Anton, Andras, Jón- fríð og Marjun, sum vuksu upp í einum tryggum og góðum heimi. Í 1988 vórðu tey úti fyri stórari sorg, tá ið elsti beiggi okkara Anton, so brádliga var tikin frá okkum. 14 ára gamal fór pápi okkara í læru sum elektrikkari hjá Asbjørn Skarðhamar í Tórshavn, og her varð hann útlærdur í 1954. Eftir hetta arbeiddi hann í Heiðunum sum sveinur í 2 ár við húsa- isolatión. Í februar1957 tók hann prógv sum installatørur á Sønder- borg Installatørskúla. Heimafturkomin arbeiddi hann aftur í Heiðunum, til hann fór til skips. Skip, ið hann hevur siglt við kunnu nevnast, "Tinganes", "Lamba- nes", og í Íslandi við "Myggur" úr Vest- mannaoyggjunum. Áðrenn byrjað var sum sjálvstøðugur vinnurekandi, var hann eitt tíðarskeið á Skála Skipasmiðju. Í oktober 1965 byrjaði hann at ar- beiða sjálvstøðugt, og hevur hann ígjøg- num tíðina havt fleiri lærlingar. Tá hann hevði mest arbeiði, vóru 18 mans í ar- beiði. So tann 1. ok- tober í ár kann hann hátíðarhalda 40 áradagin við egn- um virki. Góði pápi. Vit vilja ynskja tær hjartaliga tillukku við degnum. Takk fyri alt tú hevur verið og er fyri okkum. Vónandi fáa vit nógv góð ár afturat saman. Heilsan Andras, Jónfríð og Marjun við familju John Rasmussen á Strondum 70 ár 80 ára gamla Sofía Jacobsen fekk blómur og heiðursprógv handað av Johan Svensson, sum formanni í Føroya Sílaveiðufelag Mynd: Andrias Joensen