hósdagur 12. mai 2005síða 7

Nr. 88 - 12. mai 2005 7 – Hóast 24 tíma verk- fallið í næstu viku helst er ólgógligt, fer landsstýrið ikki at biðja fútarættin steðga tí. Tað hevði bara gjørt støðuna enn spentari, sigur Bárður Nielsen, landsstýrismaður í fíggjarmálum ARBEIÐSSTEÐGUR Áki Bertholdsen aki@sosialurin.fo – Landsstýrið ætlar ikki at fáa fútarættin at steðga 24 tíma verkfallinum, sum 25 fakfeløg á almenna arbeiðsmarknaðinum hava lýst frá hóskvøldinum 19. mai á midnátt til á midnátt fríggjakvøldið 20. mai. Tað sigur Bárður Nielsen, landsstýrismaður í fíggjarmálum. Hann leggur kortini afturat, at samgongan hevur ikki viðgjørt spurningin, men hann kann ikki hugsa sær til, at landsstýrið fer at taka nøkur stig í hesum sambandi. Orsøkin til at landsstýrið ikki ger tað, er útfrá teirri sannroynd, at tað loysir seg ikki at stoyta bensin á bálið. – Verkfallið, sum er lýst í næstu viku er allarhelst eisini ólógligt. Men at lagt tað fyri fútarættin, hevði bara gjørt støðuna enn spentari enn hon er, sigur landsstýrismaðurin, sum hevur ábyrgdina av sátt- málasamráðingunum ímill- um landsstýrið og fakfeløg- ini á almenna arbeiðs- marknaðinum. Fútarætturin einasti møguleiki Eitt 24 tíma verkfall fer at leggja allar almennar tæn- astur lamnar tað samdøgur- ið, tað varar. Hvussu nógv hetta fer at kosta lands- kassanum, veit landsstýris- maðurin í fíggjarmálum ikki. Men hann veit, at verk- fallið fer at gera, at lands- stýrið sparir 2-3 milliónir í lønarútreiðslum hetta sam- døgurið verkfallið varar. Bárður Nielsen heldur ikki, at tað var eitt mistak at leggja fráboðaða verkfallið hjá sjúkrarøktarfrøðingun- um í síðstu viku fyri fúta- rættin. – So leingi vit ikki hava eina greiða skipan fyri, hvussu vit loysa ósemjur á arbeiðsmarknaðinum, er fútarætturin okkara einasti møguleiki. Sum er, kunnu fakfeløg- ini lýsa verkfall, táið ósemjur taka seg upp, uttan at arbeiðsgevarin hevur nakran sum helst møgu- leika at svara aftur og tað er ikki rættvíst. – Tá ið ein arbeiðsgevari metir, at eitt verkfall er ólógligt, er tað ikki rættvíst, at hann bara skal noyðast at góðtaka eitt verkfall, tí at vit onga skipan hava til at loysa slíkar ósemjur. – Okkara einasti møgu- leiki er tískil at fara í fúta- rættin og tí er hetta okkara einasta mótpæl, tá ið vit meta, at eitt verkfall er ólógligt, til vit fáa eina aðra skipan. At vit fara í fúta- rættin er ikki øðrvísi enn at fakfeløgini hótta við verkfalli. Ein neyðloysn Annars er hann ikki samd- ur, tá ið fakfeløgini siga, at landsstýrið fleiri ferðir hev- ur brúkt fútarættin at steðga arbeiðsósemjum. – Tað hava vit gjørt tríggjar ferðir seinastu árini, tá ið vit meta at fak- feløgini eru farin heilt av kós og tað haldi eg ikki so so ofta, sum vanliga uppfat- anin annars er. Bárður Nielsen ásannar, at tað er eitt víðgongt stig at leggja eitt mál fyri fútarætt- in og hann sigur, at tað er ikki ein møguleiki, sum Landsstýrið fer at brúka í óðum verkum. Kortini ásannar, at skip- anin, sum er í dag, er ov vánalig hjá báðum pørtum. – Skipanin vit hava í dag er avoldað og tí er tað al- neyðugt, at bólkurin sum arbeiðir við at finna eina skipan, sum báðir partar kunnu góðtaka, ger sítt ar- beiði liðugt. Nú er hendan ósemjan sprottin burturur úr ósemj- uni um føðideildini. Í tí sambandi hevur verið funn- ist at landsstýrinum tí tað ikki bíðaði við at taka um- leggingarnar á føðideildini upp til sáttmálasamráðing- arnar verða í heyst. Men tað er Bárður Nielsen ósamdur í. – Leiðslubygnaðurin og umleggingarnar á føði- deildini eru ikki sáttmála- spurningar. Tað eru spurn- ingar fyri leiðsluna á Landssjúkrahúsinum og tað kann ikki vera nakað iva- mál um, at hetta er ein spurningur um leiðslurætt- in hjá leiðsluni á Lands- sjúkrahúsinum, sigur Bárð- ur Nielsen. Í næstu viku verða skúlar stongdir um alt landið í eitt sam- døgur. Tað verður heldur ongin sigling við strandferðsluni og arbeiðið á sjúkra- húsinum verður nógv skert ARBEIÐSSTEÐGUR Áki Bertholdsen aki@sosialurin.fo Trýst elvir til móttrýst. Tað má landsstýrið nú sannað meiri enn nakað annað. Í síðstu viku spenti Landsstýrið bogan á tamb fyri at steðga einum hótt- andi verkfalli hjá sjúkra- røktarfrøðingunum á teim- um trimum sjúkrahúsunum og á heilsuskúlanum í Suð- uroy. Landsstýrið legði sostatt málið fyri fútarættin, sum gav tí viðhald og steðgaði verkfallinum. Men slíka mannagongd vilja fakfeløgini ikki góð- taka og nú hava tey svara líka kontant aftur. Tí hava heili 25 fakfeløg, sum hava starvsfólk hjá tí almenna, nú lýst verkfall í 24 tímar í næstu viku. Verkfallið byrjar á mid- nátt hóskvøldið 19. mai og endar á midnátt fríggja- kvøldið 20. mai. Verkfallið umfatar at kalla allar almenna tænast- ur og tað fer at leggja mest- sum allar almennar tænast- ur lamnar hetta samdøgur- ið, verkfallið varar. Sostatt verður ongin skúlagongd kring alt landið næsta fríggjadag. Haraftur- at verður arbeiðið á teimum trimum sjúkrahúsunum, á ellis- og røktarheimum og á sambýlum, eisini nógv skert. Somuleiðis verða heima-hjálp, heimarøkt annars og aðrar heilsutænastur eisini munandi skerdar. Øll Strandferðslan veður eisini løgd lamin næsta fríggja- dag og tað verður heldur ongin postur. Ágangur ímóti fakfeløgunum Fakfeløgini siga, at tað er sera álvarsamt, tá ið lands- stýrið brúkar fútarættin til at steðga eini arbeiðs- ósemju og at tí hava gjørt av at svara líka álvarsliga aftur. Landsstýrið hevur fleiri ferðir seinastu árini brúkt fútarættin til at steðga arbeiðsósemjum. Hetta er at sníkja fremm- andar arbeiðsrættarreglur inn á føroyska arbeiðs- marknaðin, sum ikki eru í gildi í Føroyum, siga fak- feløgini. Hetta halda fakfeløgini er ágangur ímóti teimum - serliga nú ein arbeiðsbólk- ur, sum landsstýrið sjálvt hevur sett, arbeiðir við at finna loysnir, sum allir allir partar kunnu góðtaka, fyri, hvussu slíkar ósemjur skulu loysast. Serliga ágangandi halda tey tað vera, tá ið lands- stýrið ger slíkt í einum ári, har í sáttmálasamráðingar standa fyri durum. Hetta kann ikki góðtakast og hava tey gjørt av at lýsa arbeiðssteðg í eitt samdøg- ur í næstu viku. Tey ávara eisini fútarætt- in ímóti at taka fleiri slík mál til viðgerðar. Tað var ósemjan um um- leggingarnar á føðideildini, sum førdi við sær, at sjúkrarøktarfrøðingarnir lýstu verkfall og tað var hetta verkfallið, sum lands- stýrið fekk fútarættin at steðga Men tey 25 fakfeløgini leggja staðiliga dent á, at verkfallið í næstu viku hevur als onki við ósemj- una um føðideildina at gera. Verkfallið verður eina og aleina sett í verk fyri at mótmæla, at fútarætturin verður brúktur sum jarn- brot fyri at steðga eini ar- beiðsósemju. Tey 25 fakfeløgini, sum fara í verkfall frá á midnátt hóskvøldið til á midnátt fríggjakvøldið í næstu viku, eru: Starvsmannafelagið Almanna- og heilsurøktara- felagið Havnar Arbeiðskvinnufelag Føroya Pedagogfelag Økonomafelag Føroya Ljósmøðrafelag Føroya Føroyskir Fysioterapeutar Ergoterapeutfelagið Radiografar í Føroyum Bioanalytikarafelagið Maskinmeistarafelagið Musiklærarafelagið Heilsuhjálparfelagið Landsfelag Handverkar- anna Føroya Handverkarafelag Føroya Tekniska Lærara- felag Magistarafelag Føroya Føroya Skipara- og Navigatørfelag Lærarafelag Handils- skúlans Føroya Postfelag Føroya Psykiatrifelag Føroya Lærarafelag Føroya Byggifrøðingafelag Yrkisfelag Studentaskúla- og HF lærara Felagið Føroyskir Sjúkra- frøðingar Verkfallið umfatar bara tann partin av arbeiðsøkj- unum hjá hesum fakfeløg- unum, sum hava við tað almenna at gera. Fara ikki at stoyta bensin á bálið – So leingi vit onga aðra skipan hava, er fútarætturin okkara einasti møguleiki, tí tað er ikki rættvíst, at vit altíð skulu noyðast at góðtaka tað, sum fakfeløgini gera, sigur Bárður Nielsen, landsstýrismaður í fíggjarmálum Leggja alt landið lamið í eitt samdøgur Fakfeløgini taka tað í fullum álvara, at manangongdin at leggja ósemjur á arbeiðsmarknaðinum fyri fútarættinm, skal steðgast. Eftir fund í tveir dagar hjá Starvsmannafelagnum eru tey samd um at leggja samfelagið lamið næsta fríggjadag