hósdagur 19. mai 2005síða 5

Nr. 92 - 19. mai 2005 5 – Eg veit ikki um nakran av bannaðu hundunum, sum er komin til landið, men tað kann vera trupult at taka dagar ímillum, um ikki ættartalva ella pappír, sum vísa upprunan, fylgja við hundinum, sigur Ingibjørg Egholm á Heilsufrøðiligu Starvsstovuni HUNDAR Eydna Skaale eydna@sosialurin.fo Tá hundar verða innfluttir til Føroya, eru tað tollar- arnir, ið handfara hundin. Teir hyggja at pappírunum, ið skulu fylgja við hundin- um, og senda avrit av øllum skjølunum til Heilsufrøði- ligu Starvsstovuna. Eru skjølini ikki í lagi, seta teir seg í samband við Heilsu- frøðiligu Starvsstovuna. – Vit síggja ikki hundin, men bert pappírini, ið fylgja við. Tey verða gjølla kannað, og um alt er í lagi, sleppur hundurin inn í landið. Er alt ikki í lagi, verður tað kannað nærri, og vit avgera so, í samráð við eigaran, hvat skal henda við hundinum, sigur Ingibjørg Egholm, djóralækni á Heilsufrøðiligu Starvsstov- uni. Kann vera torført Ingibjørg sigur, at Heilsu- frøðiliga Starvsstovan krev- ur ikki at síggja eina ættar- talvu fyri hundin. Men tey krevja eina serliga heilsu- váttan, ið greiðir frá upp- runanum á hundinum, og hvat slag hann er. – Er eingin ættartalva við hundinum, og tað bert stendur »blandingur«, so er tað ikki til at vita hvat slag av hundi talan er um. Tað kann jú vera talan um eitt sonevnt »gatukryds«. Vit síggja jú ikki hundin, bert pappírini. Og hóast vit høvdu ein djóralækna, sum kannaði hundarnar, so hevði tað hóast alt verið ilt at tikið dagar ímillum, tí nógv av hundasløgunum líkjast so nógv, greiðir hon frá. – Tað kann verða ringt at staðfesta, um talan er um ólógliga blanding ella ikki, sigur hon. Ingibjørg Egholm sigur, at júst hetta, við at fólk siga bannaðar hundar vera blandhundar, uttan nøkur skjøl, er ein stórur trupul- leiki í londunum uttanum okkum. Spurd, um hetta er ein trupulleiki her á landi eis- ini, sigur Ingibjørg, at tað hevur hon ikki hildið higar- til. – Eg veit, sum sagt, ikki um nakran av ólógligu hundunum, sum er komin inn í landið. Men um onkur er komin inn, hóast alt, so er tað ein trupulleiki, ja. Tí tað kann vera torført at staðfesta hvat slag ein hundur er, um hann ikki hevur nøkur pappír, slær Ingibjørg fast. Fólk kunnu boða frá Men hóast fólk hava fingið ein slíkan vandamiklan, bannaðan hund inn í landið, skulu tey ikki halda, at tey eru sloppin. – Í lógini stendur, at tað ikki er loyvt at innflyta og hava nøkur ávís hundasløg. T.v.s., at hóast hundurin er komin inn í landið, kunnu vit fara eftir honum aftur, um vit fáa frænir av, at hann er ólógligur, greiðir Ingi- bjørg frá. Ingibjørg sigur, at tað er komið fyri, at hundar eru slopnir inn í fyrsta umfari, men at tey so seinni hava funnið okkurt ivasamt, og tí hava tikið kanningina upp- aftur. – Um fólk halda seg vita um onkran ólógligan hund, eru tey sostatt vælkomin at seta seg í samband við okkum, so kunnu vit kanna tað nærri, sigur Ingibjørg Egholm at enda. Seinastu trý árini hevur talið av hundum, sum verða innfluttir til Føroya, verið støðugt. Broytingin er, sambært Ingibjørg Egholm, at tað nú eru fleiri ymiskir hundar, sum verða innflutt- ir. Heilsufrøðiliga Starvsstovan: Ilt at meta um hundaslag H e i l s u f r ø ð i l i g a Starvsstovan hevur gjørt ein nágreiniligan lista yvir hundasløg, sum ikki eru loyvd í Føroyum. Listin er gjørdur út frá føroysku lógini, umframt royndum og lógum í londunum uttanum okkum. »Sambært kunngerð nr. 15 frá 7. apríl 2004 um innflutning av hundum, kettum og øðrum kelidjórum, §3, stk. 2, er ikki loyvt at flyta inn ella hava kamphundar. Niðanfyristandandi hundar er ikki loyvt at innflyta ella hava í Føroyum.« • Pit bull terrier • Old fashion staffords • Traditional staffords • Staffordshire bull terrier • Amerikanskur staffordshire terrier • Amerikanskur bulldog • Japanskur Tosa • Dogo argentino • Fila braxiliero Tá smáhundadagur varð hildin í Hoydølum herfyri var luttøkan sera stór. Nakað seinni varð eisini ein stórhunda- dagur hildin, og eisini har var góð undir- tøka. Leygardagin 21. mai verður stovnandi fundur Tíðindaskriv Eftir væleydnaðu hunda- dagarnar í Hoydølum, hev- ur áhugabólkurin gjørt av at kalla inn til fundar. Fund- urin verður leygardagin 21. mai kl. 14 í Róðrarneyst- inum á Argjum. Á fundinum verður ein fyrireikingarbólkur valdur, sum skal gera uppskot til felagslógir til stovnan av felag. Í staðin fyri at hava tvey feløg, sum fyrr ætlað, verður nú ístaðin eitt felag stovnað fyri bæði stórar og smáar hundar. Eitt av enda- málunum verður at røkja áhugamálini hjá limunum. Neyðugt er ikki við til- melding, men um fólk hava okkurt gott hugskot til fel- agið og ikki fáa komið á fund, eru tey vælkomin at ringja til ein av fyrireikar- unum. Allir hundaeigarar og áhugað eru vælkomin. Vár 503133, Hanna 581307 og Diana 266553 Eys Postboðini í Havn siga seg vita, at í øllum førum ein pit bull terriari er í Føroyum. – Um hundar, sum eru bannaðir, eru slopnir inn í landið, so hava vit ein trupulleika, sum kann vera troførur at loysa, sigur Ingibjørg Egholm á Heilsufrøðiligu Starvsstovuni Smá- og stórhundafelag stovnast Leygardagin verður stig tikið til at stovna eitt hundafelag. Smáhundafelagið og stórhundafelagið verða væntandi sligin saman í eitt felag Listin yvir bannaðar hundar