hósdagur 26. mai 2005síða 12

Fríggjadagin 27. mai eru 80 ár liðin, síðani fyrsta tunnan av olju frá Shell varð seld í Føroyum. Fyrsti Shell-umboðsmaður í Føroyum var Christ- ian Holm Jacobsen, og fyritøkan I.P. Evensen & Søn keypti fyrstu tunnuna TÍÐINDASKRIV "Den første Tønde blev solgt til I. P. Evensen 27/5 - 1925", stendur at lesa í uppskrivingarbókini, Salgsstatistik, hjá Christ- iani Holm Jacobsen, ið sum tann fyrsti fór undir at selja olju frá Shell í Føroyum. Tað byrjaði við einari tunnu av olju í 1925, og í dag - 80 ár seinni - er talan um eina landsfevnandi fyritøku, P/F Føroya Shell, sum undir nútímans um- støðum veitir privatum við- skiftafólkum, tí almenna og vinnulívinum bæði á sjógvi og landi tænastur. Fyrsta árið - frá 27. mai til 31. desember 1925 - seldi Christian Holm Ja- cobsen samantalt 957 tunn- ur av olju frá Shell til før- oyingar fyri tilsamans 50.304,52 krónur. Tað gekk skjótt framá at selja Shell- olju í Føroyum. 10 ár seinni - í 1935 - var árliga sølan 13.4431/2 tunnur, stendur í uppskrivingarbókini hjá Christiani Holm Jacobsen. Hann hevði tikið kapp- ingina upp við Det Danske Petroleums Aktieselskab, DDPA, sum frammanundan var umboðað í Føroyum, og sum seinni bleiv til Esso. Christian Holm Jacobsen umboðaði Shell umvegis A/S Dansk-Engelsk Benzin og Petroleums Co., sum Shell í Bretlandi átti megin- partin av, og sostatt vóru tað tey fyrstu árini í før- oyskari oljusøgu hetta fe- lagið og DDPA, sum kapp- aðust á føroyska marknað- inum. P/F Føroya Shell Oljutunnurnar, sum vórðu innfluttar, vórðu skipaðar upp á sonevndu Shell- brúnna, sum nú liggur undir Vestaru Bryggju. Fyrst í tríatiárunum varð útbygt við oljutangum á Viðarnesi og aðrastaðni kring landið, og 17. oktober 1934 kom tann fyrsti oljufarmurin, sum varð fluttur við tangaskipi, til Føroyar. Christian Holm Jacobsen hevði eisini tunnugoymslu á Viðarnesi, har høvuðsskrivstovan hjá Shell er í dag. Krígsárini - 1940-1945 - tryggjaði Ministry of Fuel í London føroyingum olju. Shell í London og Shell- umboðið í Føroyum bóru so í bandi, at føroysk við- skiftafólk hjá bæði DDPA og Shell fingu so nógva olju, sum teimum tørvaði. Christian Holm Jacobsen gavst sum umboðsmaður hjá Shell í 1953, og tá varð Shell í Føroyum umskipað til eina deild undir A/S Dansk Shell. Shell í Danmark setti Conrad Joensen sum stjóra í Shell í Føroyum 1. januar 1954, og hann sat sum stjóri, til Hjarnar Djurhuus tók við stjórastarvinum í 1969. Hjarnar Djurhuus tók stig til at skipa Shell í Føroyum sum sjálvstøðugt føroyskt partafelag, P/F Shell í 1973. 20 ár seinni - 1. januar 1992 - varð hetta navnið broytt til P/F Føroya Shell fyri at leggja dent á, at talan er um eitt sjálv- støðugt føroyskt felag í tí heimsumfatandi Shell Group. Hjarnar Djurhuus var stjóri í P/F Føroya Shell til 1997, tá núverandi stjórin, Hákun Djurhuus, setti seg í stjórastólin á Viðarnesi. Umfatandi virksemi Sum árini eru liðin, er virksemið hjá Shell í Før- oyum nógv víðkað. Felagið bygdi sína fyrstu Shell-støð á Frælsinum, og hon læt upp ólavsøkuaftan 1970. Í dag eru 10 Shell-støðir kring landið og átta Shell- avgreiðslur, har fólk kunnu bíleggja olju og fáa fatur á hitatænastuni, um tað er vorðið øskukalt. 14 tangabilar koyra olj- una hvønn dag um allar Føroyar. Shell innflytir oljuna við egnum skipi, og hon verður flutt til olju- goymslurnar, Shell-støðir- nar, latin í tangar hjá húsar- haldum, koyrd umborð á skipini o.s.fr. Shell-støðirnar hava stórt úrval av gerandisvørum, og Shell-netið í Føroyum er soleiðis skipað, at Shell er nær viðskiftafólkunum í gerandisdegnum og harvið kann veita so skjóta og góða tænastu sum gjørligt á øllum økjum. Sum sjálvstøðugt felag virkar P/F Føroya Shell dagliga á jøvnum føti við eitt nú Shell í Danmark, Svøríki, Týsklandi og øðr- um stórum londum í sam- takinum Shell Group. Hetta hevur við sær, at felagið hevur eitt heimsumfatandi netverk við m.ø. serkunn- leika og serfrøðingum at dúva uppá. Talan er um vitan, sum umvegis P/F Føroya Shell verður flutt hendanvegin, og sum eisini gagnar føroyska samfelag- num. Ein tunna í 1925 bleiv sostatt til eitt umfatandi virksemi og sølu í millióna- tali av oljulitrum 80 ár seinni. Í 2004 seldi P/F Føroya Shell tilsamans 165.731.000 litrar av olju. Tað er umleið ein millión tunnur. 12 Nr. 97 - 26. mai 2005 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Shell 80 ár á baki í Føroyum Hákun Djurhuus, stjóri, og Erling í Liða, sølustjóri hjá Føroya Shell, á tíðindafiundi í Hotel Føroyum mikudagin. SHELL stóð málað við stórum stavum á tekjuni á tunnugoymsluni hjá Christiani Holm Jacobsen á Viðarnesi, á leið har sum P/F Føroya Shell hevur høvuðsskrivstovu í dag. Mynd: Jens Kristian Vang Fyrsti oljufarmurin, sum varð fluttur við tangaskipi, kom til Føroya 17. oktober 1934. Tað var við tangaskipinum, Freshmoor. Frammanundan varð oljan flutt í tunnum. Bilarøðirnar vóru langar, tá fyrsta Shell-støðin læt upp á Frælsinum í Havn ólavsøkuaftan 1970. Støðin hevði fyrstu bilvaskimaskinu í Føroyum. Kendi vinnulívsmaðurin, Christian Holm Jacobsen, var fyrstur at selja olju frá Shell í Føroyum. Hann seldi fyrstu tunnuna í 1925, og hann gavst sum Shell-umboð í 1953. Á fyrstu síðu í eini gamlari uppskrivingarbók hjá Christiani Holm Jacobsen stendur, at fyrsta tunnan av olju varð seld til I. P. Evensen tann 27. mai 1925. Tað gekk við rúkandi ferð at selja Shell-olju í Føroyum, eftir at 957 tunnur vórðu seldar fyrsta árið - í 1925. 10 ár seinni - í 1935 - var árliga sølan komin upp á 13.4431/2 tunnur.