hósdagur 16. juni 2005síða 9

Nr. 112 - 16. juni 2005 9 Avgerðin um at privatisera Føroya Tele er tikin, fyrireik- ingararbeiðið er byrjað, og næsta ár skal sølan ætlandi fremjast. Landsstýrismaðurin við vinnumálum heldur, at tað er altavgerandi, at kappingin á føroyska telemarknaðinum verður styrkt FØROYA TELE Eyðun Klakstein eydun@sosialurin.fo Gamla almenna Telefon- verkið kann innanfyri eitt ár enda á privatum hond- um. Tað er í øllum førum ætl- anin hjá sitandi samgongu, og gongur tað sum ætlað hjá landsstýrismanninum við vinnumálum, verður Føroya Tele selt privatum eigarum næsta ár. – Vit hava tikið avgerðina um at selja Føroya Tele, og nú verður hendan sølan fyrireikað. Um ársskiftið rokni eg við, at støða kann takast til, hvussu og nær Føroya Tele verður selt. Tað er best fyri øll, at tað al- menna ikki eigur og regu- lerar eitt virksemi, sum er typiskt handilsligt, sigur Bjarni Djurholm, lands- stýrismaður. – Ein privatisering av Føroya Tele skal tryggja kappingina á føroyska tele- marknaðinum. Sentralt í allari hesari gongdini er, at Føroya Tele skal ikki enda sum eitt privat felag í monopollíknandi støðu, tí er tað nakað, sum er verri enn eitt alment felag í monopollíknandi støðu, so er tað eitt privat felag í somu støðu, heldur lands- stýrismaðurin. Hann ætlar sær tí at leggja stóran dent á, at kappingin á føroyska tele- marknaðinum verður varð- veitt og styrkt. Eingin semja um privatisering Hugskotið um at selja Før- oya Tele til privat er ikki nýtt, men hetta er fyrstu ferð, at málið er blivið so ítøkiligt, sum tað nú er við fráboðanini hjá Bjarna Djurholm. Føroya Tele vendi sær til undanfarnu samgongu fyri at seta gongd á eina pri- vatisering av felagnum, og fyri tveimum árum síðani varð ein arbeiðsbólkur sett- ur at gera uppskot um, hvussu hetta kundi gerast. Í arbeiðsbólkinum vóru umboð fyri Føroya Tele, aðrar fjarskiftisveitarar og Fjarskiftiseftirlitið. Vinnu- málaráðið hevði skrivara- leiklutin í arbeiðsbólkinum. Tað gjørdist beinanvegin greitt, at tað fór ikki at bera til at finna eina semju um, hvussu ein privatisering av Føroya Tele skuldi skipast. Sjónarmiðini hjá teimum ymsu pørtunum vóru heilt einfalt ov ymiskt til, at eitt felags uppskot kundi koma um hetta. Tí fekk Bjarni Djurholm trý ymisk uppskot um eina privatisering av Føroya Tele, tá ið hann fekk frá- greiðingina frá arbeiðs- bólkinum. Uppskotið hjá Føroya Tele var, at fyritøkan varð privatiserað júst í tí skapi, sum hon hevur í dag – tað vil siga alt saman sum ein fyritøka. Hinir fjarskiftisveitararn- ir mæltu til, at Føroya Tele varð býtt sundur í tvey feløg, har kervi var eitt al- ment partafelag og tænast- urnar kundu privatiserast. Fjarskiftiseftirlitið hevði eitt líknandi uppskot um, at kervi og tænasturnar vóru lagdar í tvey ymisk feløg. Nú er gongd komin á Bjarni Djurholm hevur síð- ani arbeitt víðari við málin- um, og hann hevur havt fundir við fjarskiftisveitarar og onnur um privatisering- ina. Eitt úrslit av gongdini hevur verið, at Føroya Tele hevur vent sær aftur til Vinnumálaráðið við einum nýggjum uppskoti um, hvussu felagið kann priva- tiserast. Nú er Føroya Tele sinnað at umskipað felagið til eina konsern við fýra ymiskum feløgum. Tey fýra feløgini skulu umsita ávíkavist kervi, tænastur, Televarpið og útlendskar ætlanir. – Hesa ætlan hava vit tik- ið til okkum sum stig nummar eitt í eini privati- sering. Málið hevur verið fyri í landsstýrinum, og tað er undirtøka fyri hesum, sigur Bjarni Djurholm. – At Føroya Tele verður býtt sundur í fýra ymisk feløg skal tryggja, at kapp- ingin ikki verður avmarkað. Vit eru als ikki áhugað í at fáa eitt privat felag, sum fer at hava ein monopolstøðu á teleøkinum. Eitt privat Før- oya Tele skal ikki avmarkað møguleikarnar hjá øðrum fjarskiftisveitarum, sigur hann Løgtingið eigur seinasta orðið Avgerðin um privatisering- ina av Føroya Tele er tikin, og sølan verður nú fyrireik- að. Fyrsta stigið er, at Før- oya Tele verður býtt sundur í fýra ymisk feløg. Tá ið hetta er gjørt, og sølan kann fara fram, verð- ur tað løgtingið, sum skal gera av, hvussu sølan skal fara fram. – Tað eru fleiri møguleik- ar at skipa eina sølu. Tað ber til at privatisera alla konsernina undir einum ella at taka partar burtur úr, men hvussu sølan verðu framd sleppur tann politiski myndugleikin at gera av, tá ið tíðin er búgvin til tað, sigur Bjarni Djurholm. Hann vil tí ikki longu nú siga, at øll feløgini í Føroya Tele verða seld privatum undir einum, ella um til dømis kervið framhaldandi skal verða á almennum hondum. – Tað eru bæði fyrimunar og vansar við at hava kervið alment. Eitt kervi skal støð- ugt mennast og útbyggjast, og skal tað alemnna fram- haldandi eiga kervið, so má tað eisini tryggja sær inn- tøkur, sum ger tað gjørligt at byggja út, sigur Bjarni Djurholm. – Men eg vil leggja dent á, at ein privatisering av Føroya Tele skal ikki sementera eina monopol- støðu, og privatiseringin skal ikki avmarka møgu- leikarnar hjá øðrum veitar- um á telemarknaðinum, sigur hann. Stendur tað til landsstýrismannin við vinnumálum fáa eisini útlend- ingar møguleikan at keypa Føroya Tele, tá ið fyritøkan verður privatiserað næsta ár ÚTLENDINGAR Eyðun Klakstein eydun@sosialurin.fo Bjarni Djurholm er ikki sinnaður at leggja forð- ingar fyri, at útlendingar kunnu keypa Føroya Tele, tá ið felagið verður sett til sølu einaferð næsta ár. – Telemarknaðurin er ein altjóða marknaður, og eg dugi ikki at síggja nakra orsøk til at av- marka, hvør kann keypa Føroya Tele, sigur Bjarni Djurholm. – Vit kunnu sjálvandi tryggja okkum, tá ið Føroya Tele verður selt, at keyparin fær eina veit- aratrygd mótvegis før- oyska samfelagnum, og at Føroyar eisini fram- eftir kunnu verða við á teleøkinum, men tað hevur minni týdning, um keyparin er ein føroying- ur, dani ella amerikanari, heldur landsstýrismaður- in. Hansara fremsta mál er, at kappingin á før- oyska telemarknaðinum verður tryggja við einari sølu av Føroya Tele, og at aðrir veitarar ikki koma í eina verri støðu, eftir at Føroya Tele er blivið eitt privat felag. Føroya Tele á veg móti privatum hondum – Tað er best fyri øll, at tað almenna ikki eigur og regulerar eitt virksemi, sum er typiskt handilsligt, sigur Bjarni Djurholm, landsstýrismaður, sum nú av álvara hevur sett gongd á arbeiðið at privatisera Føroya Tele Útlendingar kunnu keypa