leygardagur 9. juli 2005síða 2

2 Nr. 126 - 6. juli 2005 Sosialurin verður sum vant við á Oyggjaleikunum, og manningin hjá blaðnum fer at dekka allar kappingarnar hjá teimum føroysku lut- takarunum. Tveir blaðmenn og ein myndamaður fara at um- boða Sosialin í Hetlandi, og teir verða Jákup Mørk, Eyðun Klakstein og Jens Kristian Vang. Teir fara at senda tilfar heim til allar blaðútgávur- nar hjá Sosialinum, og harafturat verður tað nýggj- asta eisini at frætta á Por- talinum, og greinar kunnu eisini lesast á Internet- Sosialinum. – Tað er sera spennandi, men eisini krevjandi at skriva um Oyggjaleikirnar. Tað hendir sera nógv dag- ararnar, meðan leikirnir eru, og vit skulu hava alt við. Tað er full ferð á alla tíðina, og meðan tey ymsu ítróttarfólkini eru við í ein- ari ítróttargrein hvør, eru vit við í 10 ítróttargrein- unum, sigur Jákup Mørk, sum hevur dekkað fleiri Oyggjaleikir fyri Sosialin. Sosialurin fer at síggjast aftur í Hetlandi, tí blaðið hevur tveir bilar við til leik- irnar, og teir verða brúktir til at koyra runt til tær ymsu kappingarnar. Oyggjaleikirnir hava verið ein drívmegi í føroyskum ítrótti í 20 ár. Í hølunum á heiðursmerkjum, metum og sigrum eru komin føroysk ítróttarfólk, sum hava kýtt seg til tað ítarsta fyri at náa sínum málum. Við hvørt hevur tað eydnast, við hvørt hevur tað ikki eydnast, men Oyggjaleikir- nir hava verið við til at flyta før- oyskan ítrótt frameftir við stór- um fetum. Fyrstu Oyggjaleikirnir vóru hild- nir á Isle of Man í 1985, og síð- ani hava teir verið hildnir í ym- iskum oyggjasamfelagnum annað hvørt ár. Í 1989 vóru leikirnir í Føroyum, og tað var ein stór- hending í føroyskari ítróttarsøgu. Síðani fyrstu leikirnar er undir- tøkan fyri teimum bara vaksin. Til fyrstu leikirnar vóru 15 oyggjar við. Eini 700 ítróttarfólk kappaðust í sjey ymiskum ítrótt- argreinum. Síðani er nógv hent. Í ár verður kappast í 15 ítróttar- greinum, og 24 oyggjar eru um- boðaðar. Talið á ítróttarfólkum er væl omanfyri 2000. Tosað hevur verið um, at føroy- ingar skulu royna at fáa leikirnar aftur til Føroya, men tað er ongantíð komið eitt veruligt boð frá føroyingum um hetta. Ein orsøk er, at leikirnir eru nógv meira krevjandi at halda nú, enn teir vóru í 1989, tá ið føroyingar vóru vertir. Í 1989 vóru 800 ítróttarfólk úr 15 oyggjum við, og kappast varð í 11 ítróttar- greinum. Tá ið hugsað verður um støddina á leikunum nú, og hvat teir kunnu verða um fýra ella seks ár, so er tað ein sera krevjandi uppgáva at hýsa hesum leikum. Talið á ítróttarfólkum nærkast tí trífalda av tí, sum var við í Føroyum í 1989, og krøvini til kappingarumstøður eru eisini nógv størri. Tí er tað ikki bara sum at siga tað at hýsa Oyggja- leikunum, og skulu føroyingar bjóða seg fram av álvara, er neyðugt við einum felags átaki hjá tí føroyska samfelagnum – ikki bara nøkrum ítróttarfeløgum ella sersambondum. Eitt stendur tó rimmarfast – líka- mikið hvussu tað verður við Føroyum sum vertum fyri leik- unum – føroyingar fáa nógv burtur úr Oyggjaleikinum. Kapp- ingarnar til hesar leikir eru fyri tað mesta á slíkum stigi, at føroyingar kunnu bjóða seg fram og vera við. Í summum ítróttar- greinum eru vit eisini við heilt har frammi, vinna gull og onnur heiðursmerki og eru annars við heilt fram til avgerandi dystirnar og kappingarnar. Kappingin er nógv harðnað hesi 20 árini, leikirnir hava verið hildnir, og føroyingar vinna ikki longur so nógv heiðursmerki, sum teir gjørdu til onkrar av leikunum. Støðið millum ítróttar- fólkini hækkar í hvørjum, og tí er eisini neyðugt hjá føroyskum ítróttarfólki at renna skjótari, leypa hægri og vera sterkari. Avbjóðingin er har annað hvørt ár, tað ber væl til at fylgja gongdini hjá okkum og øðrum, og so er tað spurningurin hjá hvørjum ítróttarfólki sær, hvørj- um felag og hvørjum sersam- bandi at skapa so góðar umstøð- ur sum gjørligt kring sína ítrótt- argrein. Ein miðvís venjing og menning er neyðugt, um føroy- ingar skulu bjóða av í kapping- unum um gullmerki, og møgu- liga er tað eisini neyðugt við einum meira yvirskipaðum átaki, soleiðis sum formaðurin í Oyggjaleikanevndini hevur róð fram undir. Í øllum førum byrjar øll menning hjá tí einstaka ítróttarfólkinum, og so er tað uppgávan og av- bjóðingin hjá øllum, sum vilja taka við hesum, at syrgja fyri teimum best møguligu umstøð- unum at venja, kappast og menn- ast undir. Nú standa vit við gáttina til teir 11. Oyggjaleikirnar, 130 føroysk ítróttarfólk verða við í Hetlandi, og vit vilja nýta høvi til at ynskja øllum góða eydna. Gerið tykkara besta! Útgevari: Sosialurin Blaðfólk: Stefan í Skorini, Eyðun Klakstein, Jákup Mørk og Jóannes Hansen Myndamenn: Jens Kristian Vang og Bárður Lydersen Umbróting: Føroyaprent Prent: Prentmiðstøðin 130 føroysk ítróttarfólk verða við á Oyggjaleikunum í Hetlandi, og tey skulu kappast í 10 ymiskum ítróttargreinum. Føroyingar hava fleiri gullmerki at verja frá seinastu leikunum Mynd: Álvur Haraldsen Sosialurin Sosialurin hevur tikið liðið út Serblað um Oyggjaleikirnar í Hetlandi 9. til 15. juli 2005. Gerið tykkara besta