mikudagur 6. juli 2005síða 15

Umstøðurnar at rógva kapp á Skála- fjørðinum eru sera góðar. Kortini vilja Skála Ítróttarfelag og Skála Róðrarfelag tryggja sær, at hesin fyrsti FM-róðurin gongur so væl, sum yvirhøvur tilber Fjarðastevna Vilmund Jacobsen vilmund@sosialurin.fo Á Fjarðastevnuni, sum verður á Skála komandi vikuskiftið, verður á fyrsta sinni nakrantíð skipað fyri FM-róðri. Ikki tí; kappróður er ikki nakað nýtt fyribrigdi á Skála. Í eini 30 ár hevur Skála Ítróttarfelag skipað fyri bygdastevnu, har eisini kappróður hevur verið ein fastur táttur í skránni. Bygdastevnan á Skála hevur vanliga ligið seinasta vikuskiftið fyri norðoya- stevnu, og tí hevur hon fyri mong verið tann seinasta styrkiroyndin, áðrenn FM- stigini í kappróðri fara at rulla. FM-róður Leygardagin verður soleið- is fyrsti FM-róður á Skála. Fyri skálafólk verður hetta sjálvandi ein stórur dagur, tí kappróður er gomul ítrótt á Skála. Sambært hagtølum hjá Róðrarsambandi Føroya hava skálabátarnir vunnið níggju meistaraheitir síðan 1973. - Men hetta sigur ikki alla róðrarsøguna hjá okkum, tí fyri 1973 høvdu vit vunnið hópin av róðrum í egnum og læntum bátum, siga Skála Ítróttarfelag og Skála Róðrarfelag í tíðindaskrivi. Lagt verður aftrat, at skálamenn fara at gera nógv burtur úr fyri at fáa róðurin at ganga, sum hann skal á Fjarðastevnu. - Til varmakeldu-róðurin gav trolvirkið, Vónin í Fuglafirði, Róðrarsam- bandi Føroya ein nýggjan og sterkari fastan start – og hesin verður eisini brúktur á Skála. Á Skála er nevniliga ætlanin at hava tveir fastar startir, ein innari og ein ytri. - Innara síðan av róðrar- økinum verður uppmerkt við boyum fyri hvørjar 200 metrar, og eisini verða ljós sett upp innanfyri málið at stýra eftir hjá róðursmonn- unum. Feløgini siga, at fyri at fáa FM-róðurin at ganga so skjótt sum tilber, byrja barnaróðrarnir klokkan 13.30. Góðar umstøður Umstøðurnar at rógva á Skálafjørðinum eru sera góðar, og í so máta er Skála einki undantak. - Kortini vilja vit tryggja okkum, at hesin fyrsti FM- róðurin gongur so væl, sum yvirhøvur tilber. Feløgini vísa á, at málið verður á Stórhúskaiini, har útsýnið yvir róðrarøkið er serstakliga gott. - Hetta er umleið 200 metrar innanfyri byggihøll- ina á skipasmiðjuni, har bátarnir annars verða flotaðir. Her fara vit eisini at hugna um, soleiðis at áskoðarar og róðrarfólk fáa ein góðan dag. Eitt nú verða borð og stólar sett upp á mál-økinum, skipað verður fyri matsølu, og eisini verður tivoli og hoppi- borgir á havnalagnum. Skála Ítróttarfelag og Skála Róðrarfelag, sum standa fyri hesum fyrsta FM-róðrinum á Skála, vóna, at undirtøkan fyri kappróðrinum og stevnuni annars verður góð. - Vit vóna, at nógv fólk leggja sær leiðina út á Skála – til kappróðurin og onnur áhugaverd tiltøk, sum vit hava á skránni til Fjarða- stevnuna, siga feløgini. Fyrsti FM-róður á Skála nakrantíð - Vit vóna, at nógv fólk leggja sær leiðina út á Skála – til kappróður og onnur áhugaverd tiltøk, sum vit hava á skránni til Fjarðastevnuna, siga feløgini á Skála Mynd: Vilmund Jacobsen