týsdagur 26. juli 2005síða 9

Nr. 140 - 26. juli 2005 9 Afturfyri skal fiski- dagatalið skerjast nokk so fitt komandi fiskiár fyri at veiði- trýstið ikki skal økjast. Fiskidagaskipanin Áki Bertholdsen aki@sosialurin.fo Nú skal fiskidagaskipanin leggjast um. Afturfyri skal fiskidagatalið skerjast nokk so fitt. Tað er samgongan samd um. Nýtt fiskiár byrjar 1. september og eitt tað fyrsta, sum Løgtingið fer at gera, nú nýggj tingseta byrjar á Ólav- søku, verður at áseta fiski- dagatalið fyri komandi ár. Sostatt er samgongan nú í ferð við at leggja síðstu hond á eitt uppskot um, hvussu fiskidagaskipanin skal vera næsta ár. Uppskotið verður lagt fyri tingið beinanvegin á Ólavsøku. Hendrik Old er formaður í vinnunevnd løgtingsins og hann er sostatt ein av fremstu talsmonnunum hjá samgonguni í fiskivinnu- málum. Hann sigur, at enn er samgongan ikki heilt liðug at viðgerða fiskidagatalið fyri næsta ár. Men tað er semja um, at skipanin skal leggjast um, so at hvør fiskidagur nú skal roknast út í tímum. Og tað heldur Hendrik Old ikki er annað enn rímiligt. – Higartil hevur tað verið so, at hevur eitt skip verið úti í 25 tímar, missir tað tveir fiskidagar. Tað heldur hann ikki er rætt. – Tað merkir, at skip og bátar mugu gera sær stóran ómak at vera inni aftur fyri midnátt. Fyri línuskip og línubátar elvir tað til, at tey ikki fáa sett so nógv, tey vilja og tey mugu draga skjótari fyri at lukkast innaftur og tað darvar vinnuni. Tí er samgongan samd um at broyta skipanina, so at allir leysir tímar skulu leggjast saman og ikki fyrrenn tað er komið upp á eitt samdøgur, skal tað telja fyri ein dag. Formaðurin í vinnu- nevndini sigur, at hetta er ein skipan, sum kann fara at krevja nógv meiri umsit- ng við sær, men hann metir at samgongan fer at finna eina loysn, soleiðis at hetta letur seg umsita nóg smid- liga. Økir veiðitrýstið Hinvegin er tað eisini greitt, at hetta er ein skipan, sum fer at økja veiðitrýstið nokk so fitt. – Tí er tað neyðugt at leggja upp fyri hesum í tí nýggja fiskiárinum, sigur Hendrik Old. Hann sigur, at av tí sama verður neyðugt at skerja fiskidagatalið komandi ár nokk so fitt. At umroknað hvønn fiskidag til tímar fer at raka teir ymsu skipabólkarnar ógvuliga ymiskt. Teir, sum gera stuttar túrar verða harðari raktir, enn teir, sum gera longri túrar. Men tað er í øllum førum greitt, at sum heild skulu fiskidagarnir skerjast eini 7% - 8%, bara fyri at leggja upp fyri tí økta veiðitrýsti- num. So kann skerjingin verða eitt sindur ymisk frá skipa- bólki til skipabólk. Men tað er heldur ikki endaliga avgjørt í sam- gonguni, so akkurát, hvussu stór skerjingin verð- ur, ella, hvussu hon verður býtt sundur ímillum skipa- bólkarnar, er ikki heilt greitt enn. Ongar skerjingar annars Eitt eru tær skerjingar, sum skulu til fyri at forða fyri, at veiðitrýstið økist í sam- bandi við at hvør fiskidagur nú skal býtast sundur í tímar. Eitt annað er um naøkur verulig skerjing verður fyri at minkað veiðitrýstið, so- leiðis sum fiskifrøðingar hava skotið upp. Men tað verður tað neyv- an og sostatt fer politiski myndugleikin heldur ikki í ár at taka tilmælið frá fiski- frøðingum til eftirtektar. Hendrik Old sigur, at hann hevur skilt, at ætlanin er ikki at skerjaveiðitrýstið sum so og undir øllum um- støðum verður talan um ógvuliga avmarkaða skerj- ingar. – Samgongan er samd um, at fiskidagatalið skal ikki broytast ov nógv frá ári til ár fyri ikki at geva vinnuni trupulleikar, tí ongin vinna kann liva við ov stórum sveiggjum í virkismøguleikunum og tí verða fiskidagarnir Føroya Banki skerjast Somuleiðis er ætlanin at skerja fiskidagatalið á Føroya Banka. Fiskidaga- talið á Føroya Banka varð skert 10 % í ár og Hendrik Old metir, at tað verður skert skert 10% afturat næsta. Somuleiðis skal Bankin framhaldandi verða friðað- ur í gýtingartíðini. Fiskidagaskipanin leggjast um: Hvør fiskidagur skal nú roknast út í tímum – Nú fiskidagarnir verða býttir sundur í tímar, verður neyðugt at skerja dagatalið fyri at forða fyri at veiðitrýstið økist. Annars verður fiskidagatalið neyvan skert komandi ár, so talan verður ikki um at minka veiðitrýstið, sum fiskifrøðingar hava skotið upp, sigur Hendrik Old, formaður í vinnunevndini Samgongan er samd um at línubátarnir, sum eru í útróðrar- bólkinum, skulu nú flytast í bólkin fyri línuskip, har tey hoyra heima Skipabólkar Áki Bertholdsen aki@sosialurin.fo Nú skulu teystóru línu- skipini, sum eru í bólkinum fyri útróðrarbátar, flytast yvir í línubólkin. Tað er sam- gongan samd um. Hann sigur, at hetta er eitt mál, sum er nógv viðgjørt í samgonguni og tað er semja um at tað er neyðugt at broyta skipanina. Seinastu árini hevur tað elvt til mikið stríð og stórar trupulleikar í vinnuni, at stórir línubátar hava verið í bólkinum fyri útóðrarbátar. – Fyri arbeiðsfriðin í vinnuni er neyðugt at fáa hendan trupulleikan loystan. Men nú er samgongan samd um, at tey stóru línu- skipini, sum eru í útróðrar- bólkinum, skulu flytast yvir í línubólkin, har tey av røttum hoyrir heima. Hendrik Old sigur, at til hetta krevst lógarbroyting. Hann veit ikki um hetta fer at verða lagt fyri løgtingið beinanvegin, saman við ásetingunum um fiskidaga- talið, ella um tað bíðar til seinni. Formaðurin í fiskidaga- nevndini sigur, at verða línu- bátarnir fluttir úr útróðar- bólkinum, yvir í línubólkin, verður neyðugt at flyta dag- arnar hjá teimum við. Sostatt verður neyðugt at broyta lógarásetta, vegleið- andi býtið av fiskidøgum, sum er ímillum bólkarnar og tí má lógin broytast. Hann sigur, at fæst ein loysn á hesum trupulleika- num nú, slepst undan nógv- um stríði, nú er tað ásett, at tað ber ikki til at "gera" smáar útróðrarbátar til stór línuskip. Nú skulu línuskipini uppá pláss West Freezer er eitt av teim- um umstríddu línuskipu- num, sum endaði í útróðrar- bólkinum, men nú skal hann aftur upp á pláss.