týsdagur 19. juli 2005síða 22

22 Nr. 135 - 19. juli 2005 Eftir trivaliga sigurin á grannunum fyri norðan hevur VB lagt eina fjarstøðu niður til botnliðini. TB hevur innanfyri fýra dagar tapt tvær týðandi botnuppgerðir FÓTBÓLTUR Stefan í Skorini stefan@sosialurin.fo VB lat ongantíð nakran iva vera um, hvat besta liðið í Suðuroynni er í løtuni. Við einum 5-1 sigri eru vág- bingar eisini farnir at draga frá hinum liðunum í botn- stríðnum. Trý skjót mál Fyrsta hálva tíman av dyst- inum á Eiðinum sunnu- dagin leikaði javnt á. Bæði liðini høvdu hálvar møgu- leikar, men veruliga vanda- mikið gjørdist tað tó ongantíð. Eftir hálvan tíma fær VB hornaspark, og verjuleik- arin Anders Sørensen er hægstur og høvdar bóltin í netið til 1-0. Hetta tók pippið frá tvøra- monnum, og teir mistu full- komiliga tamarhaldið á dystinum. Símun Samuel- sen fekk tvey mál innanfyri stutta tíð, og so var 3-0 til VB. Bæði málini vóru rætti- liga lík. VB fangaði bóltin á TB-hálvuni, og so var Sím- un sendur skjótt avstað, og dagsins maður hjá VB var ósvitaliga tryggur, tá hann fekk møguleikan. Nú er Símun farin til Íslands at royndarvenja við Keflavík, og tað verður ein stórur smeitur fyri VB, um tann ungi áleyparin endar íslend- sku deildini. VB bindur um TB gjørdi hóast alt eina roynd at svara aftur, og teir høvdu ein møguleika at minka til 3-1 heilt tíðliga í seinna hálvleiki, men Bjarni í VB-málinum bjargaði í tí støðuni. Hóast VB var framman- fyri við trimum málum var neyðugt at binda um heilan fingur fyri ikki at missa kalvan á stokkinum. Fyrst økti Dan Djurhuus til 4-0, áðrenn Milan Kulic fekk tað fimta málið, og so var dysturin í roynd og veru liðugur. Jón Johannesen fekk minkað um munin við einum sera vøkrum máli, men tað mundi vera lítil troyst hjá tvøramonnum, sum fóru norðaftur við enn einum lemjandi tapi. Hetta er triðju ferð í ár, at TB letur fimm ella fleiri mál fara ígjøgnum. Móti endanum av dystin- um fekk Aca Petrovic bein- leiðis reytt kort. Hann sendi ein alboga í høvdið á Súna úr Hørg, og dómarin bar eyga við hendingina, og so var eingin náði víst. Fyrra dystin millum VB og TB, vunnu tvøramenn 1- 0 við máli, sum Larby skoraði. Hetta var sostatt eitt gott høvi hjá vágbing- um at siga takk fyri síðst. TB í trupulleikum Eftir at TB eitt skifti lá miðskeiðis á stigatalvuni er aldursforsetin aftur farin at dragna í botninum. TB hevur bert fingið tvey stig seinastu átta dystirnar, og tað burdi fingið alarmin í gongd á Tvøroyri. TB kann tó ugga seg við, at liðið hevur sjey heima- dystir av teimum seinastu tíggju dystunum, ið standa fyri framman. TB hevur staðið seg væl á heimavølli, og tað kann vera bjargingin hjá TB í fremstu deildini. Tveir teir næstu dystirnir eftir steðgin vera júst ímóti ÍF og KÍ, ið eru argastu kappingarneytarnir í botn- inum á deildini. Hesir dyst- irnir fara sjálvsagt at hava alstóran týdning í niður- flytingarstríðnum. Hjá VB peikar pílurin hinvegin uppeftir, og teir hava staðið seg væl síðan nýggi venjarin tók við. Venjaraskiftið gav úrslit: Gongdin vend Síðan VB fekk nýggjan venjara er vandakósin vend VENJARASKIFTI Stefan í Skorini stefan@sosialurin.fo Fyrsti venjarin at fáa sekkin í ár var danin John Christensen hjá VB. Eftir at VB hátíðar- helt 100 ára dagin á aftasta plássi í Formula deildini, er vend loksins komin í hjá vágbingum. Av teimum seks dystun- um, har nýggi venjarin hevur staðið við róðrið hevur VB vunnið tríggj- ar, spælt ein javnan og tapt tveir dystir. Tískil kunnu vit staðfesta, at liðið hevur vent gongd- ini undan summarsteðg- inum, eftir at vandi var fyri, at vágbingar blivu isoleraðir á aftasta plássi. - Vit hava ligið og tvassa niðri í botninum, so vit skulu bara vinna, tí at javnleikur telur so at siga einki, segði mál- verjin Bjarni Johansen eftir dystin. Hann er sannførdur um, at liðið als ikki er so vánaligt, sum stigatalvan vísti fyrsta part av kapping- arárinum. Hann heldur, at tað eftir øllum at døma hev- ur hjálpt at skifta venj- aran út. Leikarar hava víst ein nýggjan hug- burð og eru farnir at trúgva meira uppá egn- an mátt og megi. Símun Samuelsen til Íslands ROYNDARVENJING Stefan í Skorini stefan@sosialurin.fo Heimasíðan hjá VB upplýsir sunnukvøldið, at ungi og evnaríki vág- bingurin skal til roynd- arvenjing í íslendska felagnum Keflavík. Símun hevur staðið seg væl seinastu dystir- nar, og sunnudagin fekk hann tvey mál ímóti TB. Fyri VB verður tað ein dyggur smeitur at missa Símun, men enn er so einki komið uppá pláss viðvíkjandi einum møguligum sáttmála millum Símum og Keflavík. VB-TB 5-1 (3-0): 1-0: Anders Sørensen 2-0: Símun Samuelsen 3-0: Símun Samuelsen 4-0: Dan Djurhuus 5-0: Milan Kulic VB: Bjarni Johansen - Jákup Olsen (Dánjal Johan Joensen), Anders Sørensen, Súni úr Hørg - Símun Samuelsen, Edvard Ble, Pól Poulsen (Jón Kárason Poulsen), Dan Djurhuus (Palli Augustinussen) - Milan Kulic - Nenad Zivanovic TB: Predrag Markovic - Predrag Ziskovic, Aca Petrovic, Óli Johannesen, Jón Johannesen - Alex Jovevic, Bárður Dimon (Birgir Rasmussen), Einar Petersen, Búi Mortensen (Hallur Christiansen) - Emanuel Larby (Olivur Abrahamsen), Dan Mortensen Reytt kort: Aca Petrovic FAKTA UM DYSTIN VB-leikarar fegnast um stórsigurin á grannunum fyri norðan Mynd: Leivur Nygaard VB-TB 5-1 (3-0): VB stevnir uppeftir