fríggjadagur 5. august 2005síða 19

Nr. 146 - 5. august 2005 19 Todi Jónsson sann- førdi mikukvøldið við landsliðsvenjaranum sum eygnavitni, at hann eigur at vera hvassasta vápnið, tá ið Kypros skal fellast ÚTISETI Jóannes Hansen Í nýggja gula og svarta búnanum sannførdi Todi Jónsson mikukvøldið allar fótbóltsáhugaðar føroying- ar um, at hann framvegis er besti álopsspælarin, sum Føroyar hava átt og ikki minst framvegis eiga. Hóast hann leygarmorgun- in var úti fyri stórum skelki og endaði á sjúkrahúsinum, so var Todi ógvuliga væl fyri, tá ið Start á heimavølli royndi at verja oddasessin í Tippuliguni móti Lyn úr Oslo, sum eigur bestu verj- una í norskum fótbólti. Annar av miðverjunum var Steven Lüstu, sum var á Herfølge liðnum, tá ið teir við Jákupi Mikkelsen sum málverja vunnu DM í 2000. Undan vitjanini hjá Lyn í Kristiansand vóru trettan mál farin ígjøgnum í fim- tan dystum, og inntil vísar- in var farin tríggjar minuttir út um vanligu leiktíðina, tóktist tað sum um, at tað skuldi eydnast høvuðsstað- arfelagnum at fara avstað við ongum máli ímóti sær og øllum stigunum, eftir at teir í 1. hálvleiki høvdu fingið eitt mál eftir horna. Men so var tað, at Todi Jónsson var nógv hægstur og við rimmar stútara staðfesti, at tað framvegis býr nógv krút í honum. - Tað var fantastiska gott, at eg skoraði. Fyri lið- moralin hevði tað verið ógvuliga tyngjandi, um vit einki høvdu havt fingið burturúr. Vit høvdu stóra leikliga yvirvág, og vit høvdu einar fjúrtan góðar royndir móti málinum. Eisini fyri meg persónliga kom málið væl við. Eg veit væl, at eg eri keyptur fyri at skjóta mál, og tað er á tí vágskálini, at eg verði vigaður, so hetta var fan- tastiskt, sigur Todi Jónsson, sum iðrar seg um, at hann ikki fekk eitt mál afturat. - Í 1. hálvleiki hevði eg ein góðan møguleika eftir innlegg. Tá fór bólturin dygst skeivu megin stólpan. Tá átti eg at havt sent hann í málið við høvdinum. Tá ið tað restaði ein løta, og vit framvegis vóru aftanfyri, fekk eg bóltin í málið. Tíverri var eg akkurát rangstaddur. Henrik Larsen, landsliðs- venjarin, var á áskoðara- plássunum í Kristiansand mikukvøldið, og hann heilsaði eftir dystarlok upp á Toda: - Tað er upp til hansara at gera av, um eg skal spæla á landsliðnum ella ikki. Hann helt, at eg hevði spælt væl, so eg vóni, at tað verður pláss fyri mær móti Kypros, sigur Todi Jónsson, og vit kunnu heilsa og siga honum, at hann er úttikin. Tú hevði nóg nógva orku at vera við alla tíðina og at skjóta mál í yvirtíðini? - Tað er langt síðani, at eg havi spælt alla tíðina. Eg havi vant nógv síðstu vikur- nar, og eg kenni meg vera væl fyri. Síðstu tjúgu minuttirnar var eg ógvuliga troyttur, men venjarin setti nýggjan álopsspælara inn og síðstu løtuna vóru vit ofta fýra og fimm Start spælarar í brotseiginum hjá teimum. So tað var gott, at tað eydnaðist at løna venj- aranum fyri álitið, sum hann vísti mær. Í norskum fjølmiðlum fekk Todi í gjár gott skoðs- mál fyri avrikið miku- kvøldið. VG, sum er størsta blaðið í Noregi, lutar honum eitt 6 tal. Bara ein spælari, Start miðvallarin Alex Valencia, fekk sjey. Todi var væl upplagdur, hann flutti seg nógv, bólt- førleikin var sum í gomlum døgum, og hann var skjótur í fatanini fyri spælinum. So skjótur, at mótstøðumenni- nir beinanvegin noyddust at gera fleiri fríspørk ímóti honum, og annar miðverjin fekk gult kort, sum ber við sær, at hann verður leik- bannaður næstu ferð. - Her verður spælt øðr- vísi, enn vit gjørdu í FCK. Tá vóru vit altíð tveir á toppinum. Útgangsstøðan hjá teimum er 4-3-3, men álopsspælararnir hava verjuuppgávur, so talan verður ofta um 4-5-1, og tá ið tú ert einsamallur á toppinum, verður tað sjálvandi eyka nógv renn- ing. Mánakvøldið skal Start spæla á útivølli móti Viking í Stavanger. - Eg eri væl fyri, og eg vóni sjálvandi at fáa pláss millum teir fyrstu ellivu. Roy Hodgson, ið er ein tann besti venjarin, sum eg nakrantíð havi havt, er venjari hjá teimum, so tað verður spennandi, staðfestir Todi Jónsson. Um alt veit væl við, og Todi framvegis verður væl fyri, so kann eingin ivi vera um, at hann verður á vøllinum, tá ið Føroyar annan mikudag fara at spæla móti Kypros. Møgu- leikin fyri sigri í tí dysti- num øktist heilt nógv miku- kvøldið, tá ið Todi Jónsson vísti, at hann aftur er væl fyri. - Dystarvenjingin er ikki optimal. Tað sigur seg sjálvt, tá ið eg bara havi spælt tvær ferðir í lítlar løtur frammanundan hesum dystinum. Men tað eigur at ganga skjótt rætta vegin, um eg fái høvi at spæla fleiri ferðirnar soleiðis, sum eg gjørdi hesa ferð. Føroyar eiga álopsspælara á altjóða støði Tað var klassamunur, tá ið Ongland setti føroysku U 17 ung- lingarnar upp á pláss við 7-0 stórsigri, men møguleikin er framvegis at sleppa undan aftastu plássunum U 17 NM Jóannes Hansen Seinnapartin í dag fer føroyska U 17 landsliðið í fótbólti at spæla móti Finnlandi. Stríðið verður um at sleppa undan aftasta plássinum í bólkinum. Um tað eydnast Føroyum at megna í minsta lagið javnleik, so skulu Føroyar sunnudagin spæla um fimta plássið. - Men tað verður torført. Eingin ivi er um, at finnar- nir fara at vera ógvuliga uppsettir, eftir at teir bæði hava tapt móti Onglandi og Svøríki, heldur Finn Johannesen, sum er føroyski hjálparvenjarin í Reykjavík. Eftir góða úrslitið týsdagin - 1-1 móti Svøríki - kom føroyska liðið orduliga niður á jørðina mikudagin. Tá var Ongland mótstøðuliðið, og tá var einki at rafla um. Ongland vann 7-0, eftir at teir eftir fyrstu fjøruti minuttirnar vóru frammanfyri við tveimum málum. Ongland setti beinanveg- in Føroyar undir stórt trýst. Í 14. minutti eydnaðist ikki at fáa bóltin burtur eftir innlegg og so var 1-0. Fýra minuttir seinni varð 2-0. Málverjin koppaði einum av teirra, og teir fingu mál burturúr brotssparkinum. - Hóast teir vóru frammanfyri við tveimum málum, so var leikliga avrikið hjá okkum kanska betri, enn tað var móti Svøríki. Men í 2. hálvleiki var klassamunur. Ter fingu mál eftir 48, í 53. og í 55. minutti, so vóru vit heilt moyrir, og teir skoraðu tvey mál afturat, greiðir Finn Johannesen frá. Mikukvøldið sóu føroy- ingarnir hálvfinaluna í steypakappingini millum Fram og FH, sum Fram vann 9-8 eftir longda leik- tíð og brotssparkskapping. - Í morgun fara vit at venja og at royna at fáa liðið upp á pláss aftur eftir henda umgangin, og so fáa vit at síggja, hvussu tað verður móti Finnlandi. Eisini fara vit at vitja Bláa Lónið, sigur Finn Johanne- sen úr Reykjavík. Svøríki vann mikudagin 3-0 á Finnlandi. Í hinum bólkinum vann Danmark 3- 0 á Noregi og Írland vann 2-0 á Íslandi. Føroyska liðið: Jóan Pauli Jakobsen, B36 - John Hammer, KÍ (Rógvi Holm, AB, 80.), Ari Samson, KÍ, Torkil Kollsker, HB, Heri Nesá, ÍF (Rúnar í Lon Jacobsen, B36, 41.) - Álvur Christiansen, KÍ (Martin Tausen, VB, 56.), Filip Jacobsen, NSÍ, Henning Joensen, liðformaður, VB, Rógvi Poulsen, AB (Eli Simonsen, KÍ, 60.),- Johan Ellingsgaard, B36.) - Klæmint A. Olsen, NSÍ (Vincent Jacobsen, ÍF, 22.) Á beinkinum uttan at verða skiftir inn vóru Hans Jørgensen, KÍ, og Rasmus Nielsen, B71. Pætur Clementsen er venjari, og Finn Johannesen er hjálpar- venjari. Andrass K. Thomassen er liðleiðari, Fanny Kruse fysioterapeut- ur og Rúni Heinesen er ferðaleiðari. Føroyar fingu ein frammaná Tað vóru ofta nógvir onglendingar rundanum føroysku spælararnar Summir serfrøðingar siga seg ivast í, um felagið hjá Toda Jóns- son fer at megna at halda tørn um odda- sessin, sum teir hava sitið á størsta partin av kappingarárinum NOREG Jóannes Hansen Start er framvegis oddalið í norskum fótbólti. Men mikukvøldið versnaðu fyri- treytirnar hjá teimum. Vik- ing, sum Start mánakvøld- ið skal spæla móti í Sta- vanger, tapti 2-0 á útivølli móti Lillestrøm, so sam- mett við Viking styrknaði støðan hjá Start. Størsta hóttanin fer iva- leyst at koma frá Vålerenga. Teir í Oslo felagnum vóru mikukvøld- ið upptiknir av europeisku meistarakappingini, har teir á útivølli móti Haka í Finn- landi, sum áður hevur spælt móti HB, tryggjaðu sær sess í triðja innleiðandi umfarinum. Tí var heimadysturin hjá Vålerenga móti Molde útsettur. Oslo felagið er fýra stig aftanfyri Start, men teir hava spælt ein dyst minni. Í Noregi verður nógv tosað um, um tað man fara at eydnast Start at halda tørn um oddasessin. Fleiri serfrøðingar siga seg rokna við, at tað fer Start ikki. Teir rokna við, at Vålerenga fer at vinna meistaraheitið. Eftir dystarlok í Kristian- sand helt Lyn venjarin, Henning Berg, sum er gamal Manchester United verjuspælari, at hansara lið hevði verið ógvuliga heppið at fáa eitt stig. Sjálvandi iðraði hann seg um, at tað í evstu løtu var eydnast Toda Jónsson at fáa mál, og at liðið hjá honum harvið hevði mist tvey stig, men hann helt, at Start stóran partar av tíðini hevði rund- barberað teir, sum hann tók til. Karismatiski Odd Nord- lie, sum er venjari hjá Start, segði seg vera væl nøgdan við leikliga avrikið, og hann segði seg ikki ivast í, at teir fóru at megna at halda tørn um oddasessin, um teir framvegis fóru at megna hetta leikliga støðið. Trettan tey seinastu árini hevur Rosenborg verið meistari. Tað verða teir ikki í ár. Tað er rættulig kreppa í Tróndheimi. Mikukvøldið var Rosenborg á útivølli móti Fredrikstad, sum var fyrsta felagið í Noregi, sum ætlaði at keypa Toda Jónsson. Meistaraliðið varð fullkomuliga eyðmýkt. Fredrikstad vann 5-1! Start mist í toppinum