hósdagur 11. august 2005síða 9

Nr. 150 - 11. august 2005 9 Flogferðir fyri ein bíligan penga Uppboð: Í gjár og aft- ur í dag er møguleiki at fáa ein bíligan ferðaseðil við Atlants- flogi á leiðini millum Føroyar og Edinburgh. Byrjunarprísurin var bert 1 kr. Felagið hevur nevni- liga skipað fyri einari uppboðssølu á netin- um, har ein og hvør kann bjóða uppá hesar 28 ferðaseðlarnar – 14 hvønn dagin. Uppboðssølan byrj- aði í gjáramorgunin kl. 9, tá tann fyrsti ferða- seðilin varð seldur fyri 635 kr. Hálvan tíma seinni byrjaði uppboð- ið uppá tann næsta seðilin og fór hann fyri 475. Hetta vóru sam- stundis hægsti og minsti prísur á hesar ferðaseðlarnar til frá- ferðina komandi leyg- ardag. Beint áðrenn evsta- mark okkara í gjár kl. 12:30 fór tann eini ferðaseðilin fyri 575 kr. Og soleiðis varð hildið á allan gjár fram til kl. 16, og soleiðis verður eisini gjørt í dag, frá kl. 9 til 16. sb. Flest óhapp millum kl. 14 og 17 Ferðsla: Eitt yvirlit frá Landsverki vísir, at flestu ferðsluóhappini í fjør á føroysku veg- unum hendu seinna- part á degi. Eftir hesum at døma, so henda omanfyri 90 ferðsluóhapp millum kl. 14 og 15, meðan talið hækkar munandi í tímanum millum kl. 16 og 17, tá nærum 100 ferðsluóhapp eru íalt, bæði tá talan er um landsvegir og kommu- nalar vegir. Yvirlitið vísir eisini, at eitt rættiliga stórt tal av ferðsluóhappum henda millum kl. 11 og 12, meðan eitt lutvíst lítið tal av ferðslu- óhappum henda um morgunin, tá fólk fer til arbeiðis og børn í skúla. Sambært hesum hendu einans 15 ferðsluóhapp í hesum tímanum, tá bæði vaksin og børn flest fara frá húsum. sb. Limirnir í fríkirkjuni Oasan í Hoyvík síggja við spenningi fram til leygardagin 27. august, tá kirkju- bygningur teirra verður vígdur. Mill- um luttakararnar er Jógvan á Lakjuni, mentamálaráðharri og gestir úr Noregi og Íslandi SAMKOMUR Snorri Brend Hoyvík: Eftir at hava húsast á ymiskum støðum seinastu árini, kann frí- kirkjan Oasan nú síggja fram til dagin, tá tey kunnu taka sín egna kirkjubygning alment í nýtslu. Fyri limirnar í samkom- uni verður tískil leygar- dagurin 27. august ein heilt serstakur dagur. Henda dagin verður nýggi bygningur teirra nevniliga vígdur. Og nú kunnu tey álvara fara til brots við missiónsarbeiði sínum innanveggja og aðra- staðir við. Í samband við hesa vígsl- una fara fyristøðumaðurin, Jóni Johannesen og menta- málaráðharrin, Jógvan á Lakjuni at tala, eins og nógvur sangur er á skránni. - Vit eru sera fegin um henda nýggja og góða bygningin, vit hava fingið. Vónandi verður hann til signing fyri mong menn- iskju, sigur Jóni Johanne- sen. Kirkjan sjálv er longu í brúki til gudstænastur, møt- ir og til barna- og ung- dómsarbeiðið. Fyrsta møtið varð hildið her sunnudagin 5. juni, men ikki fyrrenn nú verður kirkjan altso vígd. Umfatandi skrá Skráin fyri vígsluna av bygninginum er løgd og sær sera spennandi út. Um- framt luttøku úr Føroyum koma eisini kend fólk úr Noreg og Íslandi at taka lut. Vígsluhátíðin byrjar hós- kvøldið 25. august, tá ung- dómsmøti verður. Fríggja- kvøldið verður stór gospel- konsert fyriskipað, har ein vendur sær bæði til tey eldru og til tey yngru. Við hesa konsertina fer Finnur Hansen at syngja, umframt bólkin Proclaim og gospelkórið United Voices. Sjálv vígslan verður leygardagin kl. 15, tá ein vígslugudstænasta verður á skránni har fyristøðumað- urin og mentamálaráð-harr- in fara at tala. Við hetta høvið fara eisini Torbjørn, Annika, Sigrið og onnur at syngja, eins og dansibólkurin Salt- ið hevur eina framførslu. Eftir vígsluna verður kirkjan víst fram, og um kvøldið verður so møtið við tí eina útlendska gestinum. Tá fer nevniliga kendi Før- oya-vinurin, Eivind Frøen úr Noregi at tala og ein manstrio úr Soli Deo Gloria í Klaksvík at syngja. Sunnudagin 28. august verður so fyrst gudstænasta kl. 11, har Fridrik Schramm úr Íslendsku Kristskirkjuni talar og Ester, Jannet og onnur syngja. Seinnapartin er sunnu- dagsskúli á skránni, har m.a. Absalon Áargarð og familja hansara luttaka. Um kvøldið verður so aftur evangeliskt møti við Eivind Frøen, har Torbjørn, Annika, Sigrið og onnur syngja. Aftaná hetta møtið verður nátturði. Omanfyri 500 fólk Nú samkoman hevur fingið góð og rúmlig høli til virk- semið sítt, er ein faldari í gerð, har virksemið í og út frá samkomuni skal lýsast. Hesin faldarin verður ætlandi prentaður í eini 4.000 eintøkum, og skal m.a. berast út í øll húsar- haldini í Hoyvík og helst aðrastaðni við. Í tí stóra møtisalinum verður mett at eini 400 fólk kunnu sita. Í einum lítlum sali, sum skal avskildrast við faldiveggi, kunnu væl omanfyri 100 fólk sita. Her er eisini ein nútíðar køkur, og tí ber til hjá samkomuni sjálvari at hava møtir og temadagar í tí eina salinum, meðan ein etur máltíðirnar í hinum. Ein ljós og rúmlig oasa í høvuðsstaðnum Vítt er til loft og veggja í Fríkirkjuni Oasan í Hoyvík. Eftir at virksemið so smátt er byrjað, verður nú av álvara lagt til brots eftir vígsluna 27. august Mynd: Álvur Haraldsen www.sosialurin.fo www.sosialurin.fo www.sosialurin.fo www.sosialurin.fo www.sosialurin.fo www.sosialurin.fo www.sosialurin.fo