hósdagur 18. august 2005síða 13

Nr. 155 - 18. august 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Fríggjakvøldið 12. august varð stór føðingardagsveitsla á Hotel Føroyum í samband við at Eiler Jacobsen, reiðari í Havn, fylti 75 ár tann 30. juli 2005 FØÐINGARDAGUR Myndir: Magnus Gunnarsson Í bløðunum, vikuna áðrenn føðingardagsveitsluna, stóð ein lýsing um at av tí at Eiler einki visti um veitsl- una og var burturstaddur, vóru tey sum ynsktu at tekna seg til veitsluna biðin um at ringja til nakrar ávísar telefonir. Tað var nevniliga soleið- is, at øll vistu um veitsluna uttan Eiler sjálvur. Veitslan byrjaði kl. 19.00, og allir teir yvir 250 gestirnir settust til borðs uttan at síggja nakað til føðingadagsbarnið. Í hesum sambandi hevði sonurin, Petur, boði familj- uni til ein døgurða á mat- stovuni á Hotel Føroyum fríggjakvøldið. Tá tey koma niðan til hotellið, sær Eiler, at parkeringsøkið er avtakið við bilum, og held- ur hann fyri, at her man helst vera okkurt brúdleyp ella onnur stór veitsla. Hini halda tað sama, har man vera onkur stór veitsla. Tey ganga síðan inn á matstovuna og hyggja seg um eftir plássi, tá konan, Beinta, fer yvir og letur upp hurðina inn í veitsluhøllina og fleiri hundrað fólk stemma í kenda sangin »Eiler Jacobsen, Eiler Jacobsen«. Eiler varð fullkomiliga tikin á bóli og varð heilt málleysur. Veitslan var væl løgd til rættis við undirhaldi og talum. Tey sum sungu vóru t.d. Brandur Enni og beiggin Tróndur við sangi og trom- pet, Tey á Kamarinum - Eyðbjørn og Nicolina sam- an við Árna Andreasen, harmonikumenninir, Flóvin Jacobsen, Kristian Meitil og Andras Danielsen, Trimpiltrio úr Ebenezer og Tummas Juul Askham, sum siglir við skipum hjá Eiler. Eisini sungu fleiri í familj- uni sangir ið vóru gjørdir til høvið. Nógv nýttu høvið at siga nøkur orð og bera eina heilsu til føðingardags- barnið, bæði familjan, vinir, umboð fyri stovnar og fiskivinnuna sum t.d. Óli Breckmann, sum hevur skrivað fleiri bøkur um Eiler, Bjarni Olsen, stjóri í Føroya Sparikassa, Símun Júst Mellemgaard, Osmund Justinussen, Jákup Sól- stein, og Olaf Olsen. Til seinast segði Eiler nøkur orð og takkaði fyri eina frálíka veitslu. Føðingardagsveitsla á Hotel Føroyum: Eiler varð tikin á bóli Beinta og Eiler saman við børnumum: Eiler, Petur, Hjørdis og Sámal. Beinta og Eiler eiga annars 5 barnabørn og 2 eru á veg Brandur Enni syngur Tveir fuglfirðingar: Jógvan Petersen í Kollafirði, og Óla Hendrik av Fløtum í Havn Statoil oljuprát, f.v.: Steinfinnur Mittelstein, Gudmund Mortensen og Sverri Steintún Tummas Juul Askham syngur Jákup Sólsetin heldur talu Prát um fisk: Hendrik Old, løgtingsmaður, og Óli Jacobsen, frá Føroya Fiskimannafelag Systkini Ovild og Kára Didriksen, systkinabørn hjá Eiler F.v. Elsa Berg, Jonna Joensen og Rebekka Petersen, abbadóttir Eiler