hósdagur 25. august 2005síða 3

Nr. 160 - 25. august 2005 3 Prestur fekk asnaspark úr kirkjuni Hans Eiler Hammer heldur, at Jóannis Fonsdal misti sítt starv í fólkakirkjuni orsaka av trúfesti FÓLKAKIRKJAN Eyðun Klakstein eydun@sosialurin.fo Tað var trúfesti ímóti skriftini og ikki mangl- andi fígging, sum fyrr í ár kostaði Jóannis Fons- dal prestastarvið í høv- uðsstaðnum. Tað skrivar Hans Eiler Hammer, sóknarprestur, í eini viðmerking í bløðunum í dag. Hann byrjar viðmerk- ingina við at greiða frá hátíðarløtuni, tá ið Jó- annis Fonsdal varð prestvígdur í Dómkirkj- uni. Eitt av orðunum til nýggja prestin var, at hann skuldi verða trú- fastur ímóti skriftini. – Sum tín starvsfelagi vil eg her bera tær eina hjartans tøkk fyri títt trúfesti ímóti tí upp- gávu, sum á hesum hátíðardegi bleiv løgd á tínar herðar. (...) At hetta títt trúfesti, nú 17 mánaðar seinni, hevur kostað tær títt starv í Hini Føroysku fólka- kirkjuni harmist eg stór- liga um tína vegna, fa- miljurnar vegna og Før- oya fólks vegna, skrivar Hans Eiler Hammer millum annað í við- merkingini. Og hann sigur víðari: – Ja, okkurt skal barn- ið eita, tá tú frá kirkj- unnar leiðslu og kirkju- málaráðnum fært at vita, at tað ikki er peningur til, at tú kanst halda áfram í starvi tínum. Tó eru vit fleiri, sum vita og hava sæð á skrift, at hetta er ein duld orsøk! Jóannis Fonsdal hevur nú fingið nýtt starv. Tað er við Emdrup kirkju í Danmark. – At tú hin 1. sep- tember byrjar í sóknar- prestastarvi við Emdrup kirkju í Keypmanna- havn eftir, at tú hevur fingið asnasparkið úr hini Føroysku Fólka- kirkjuni av prósti og biskupi, fegnist eg tína vegna um, skrivar Hans Eiler Hammer. Viðmerkingin hjá sóknarprestinum í Klaksvík kann lesast í fullum líki aðrastaðni í blaðnum. Landsstýrismaðurin við javnstøðumálum hevur sett ein mann til formann í Javn- støðunevndini. Við hesum vil hann und- irstrika, at menn skulu taka størri ábyrgd í arbeiðnum fyri javnstøðu. Fyrr- verandi forkvinna í Javnstøðunevndin heldur, at tað hevur størri týdning, hvat kemur burtur úr, og at pengar eru at arbeiða fyri JAVNSTØÐA Eyðun Klakstein eydun@sosialurin.fo Týsdagin hendi tað, sum onkuntíð áður er hent. Eitt mannfólk varð valt til formann í Javnstøðu- nevndini, og nú hava menn harafturat meirilutan í Javnstøðunevndini. Landsstýrismaðurin við javnstøðumálum heldur, at skal javnstøðuarbeiðið styrkjast, mugu menn taka meira ábyrgd og vísa málinum størri áhuga. – Tá ið forkvinnan segði seg úr formanssessinum fyrr í ár, gjørdi eg av, at eg vildi royna at finna ein mann til formann. Eg havi sjálvur luttikið í javn- støðuarbeiði og havi áhuga fyri tí, og eg haldi, at stóri trupulleikin við javnstøðu- arbeiðnum er, at menn í alt ov lítlan mun hava áhuga fyri hesum arbeiði, sigur Hans Pauli Strøm, lands- stýrismaður. – Tað er skeivt at lata kvinnurnar um fáa javn- støðu og lata menninar verða uttan ábyrgd. Menn hava líka stóra ábyrgd í javnstøðuarbeiðnum, og tað vóni eg, at valið av einum manni til formann í Javn- støðunevndini undirstrikar. Javnvágin koppaði Føroyska javnstøðulógin hátíðarhelt fyri einum góðum ári síðani sín 10 ára føðingardag, og hetta er fyrstu ferð, at ein maður er formaður í Javnstøðu- nevndini. Harafturat er maktba- lansan millum kynini nú blivin tann, at trý mannfólk og tvey konufólk sita í Javnstøðunevndini – tað er eisini fyrstu ferð. – Hetta er meira av tilvild. Hinir limirnir vóru valdir, nú formaðurin skuldi veljast, og har vóru tvær kvinnur og tveir menn vald. Tí fingu menninir meirilutan, nú ein maður varð valdur til formann, sigur Hans Pauli Strøm, landsstýrismaður. – Eg vóni, at hetta verður við til at vekja áhugan mill- um menn fyri javnstøðu- arbeiðnum, og at arbeiðið fyri javnstøðu fær breiðari undirtøku í samfelagnum. Tað hevur manglað undir- tøka. Kvinnur hava meira náturliga áhuga fyri hesum arbeiði, men menninir skulu eisini verða við, sigur hann. Ikki ein spurningur um kyn Fyrrverandi forkvinnan í Javnstøðunevndini, Turið Debes Hentze, heldur, at tað er líkamikið, um tað er ein maður ella ein kvinna, sum er formaður fyri Javn- støðunevndina. – Tað týdningarmesta er, hvat kemur burturúr, og um pengar eru til at arbeiða fyri. Vit fara við spenningi at fylgja við, hvat Javn- støðunevndin nú fer at av- rika, sigur hon. – Javnstøðuarbeiðið sprettir úr kvinnurørsluni, og tí hava kvinnur verið meira virknar í hesum arbeiði. Tað hava ikki verið stórvegis av pengum til at arbeiða fyri, og tí hava kvinnurnar, sum brenna meira fyri hesum, gingið undan í javnstøðuarbeið- num. Men tað er óført, um menninir eisini vilja verða við. – Eg veit ikki, um alt fer at verða øðrvísi, bara tí at ein maður nú verður for- maður. Tað er meira um- ráðandi, at tann persónurin, sum er formaður, veruliga ger nakað fyri at betra um javnstøðuna, sigur Turið Debes Hentze. Uppfatanin kann broytast Stjórin í Vinnuhúsinum er limur í Javnstøðunevndini, og hann er samdur við Turið Debes Hentze í, at tað er líkamikið, um tað er ein maður ella kvinna, sum er formaður fyri Javnstøðu- nevndina. – Tað mest umráðandi er, at formaðurin kann gera ein mun, og so er tað líka- mikið, um tað er ein maður ella ein kvinna, sigur Jan Mortensen. – Nógv mannfólk halda, at javnstøðuarbeiðið verður gjørt av reyðsokkum, og tað er trupult at fáa menn at verða við í hesum arbeiði, men kanska kann ein mannligur formaður kann broyta hetta eitt sindur. Hinvegin vil eg eisini siga, at undanfarni formaður gjørdi nakað ítøkiligt fyri at broyta hugsanina um, at Javnstøðunevndin bara var fyri kvinnur. Ómøguligt at finna mann Jan Mortensen ætlaði sær ongantíð at verða limur í javnstøðunevndini, men tá ið arbeiðsgevararnir skuldu velja ein lim, varð leitað bæði væl og leingi eftir ein- um umboði. – Vit leita oftast eftir um- boðum fyri okkum millum stjórar í føroyskum fyri- tøkum, og teir eru ofta menn. Men tað var ómøgu- ligt at finna ein mann, sum vildi verða við í Javn- støðunevndini, og tí bleiv eg umboð fyri arbeiðs- gevararnar. Tað sigur eitt sindur um áhuga millum menn fyri hesum, sigur hann. Landsstýrismaðurin við javnstøðumálum vónar, at nýggi leikurin hjá honum kann styrkja javnstøðu- arbeiðið í landinum, og at eisini menn fara at vísa tí áhuga. – Tað er misskilt, at Javnstøðunevndin er eitt slag av kvinnunevnd. Menn mugu eisini koma við í javnstøðuarbeiðið, tí annars vinnur sakin ikki frama, sigur Hans Pauli Strøm. Menninir skulu styrkja javnstøðuna Javnstøðunevndin Fimm limir eru í Javnstøðunevndini,og fólkini verða vald av ymiskum pørtum í samfelagnum.Í løtuni eru hesi fólk í nevndini: Kári á Rógvi, formaður – Føroya Landsstýri Jancy Olsen,Toftir – Kvinnusamskipan Føroya Hanna Ziskason Hansen, Klaksvík – Almanna, skúla og heilsuverkið Jan Mortensen – Arbeiðsgevarar Jákup Páll Mohr Mortensen – Arbeiðstakarar FAKTA – Tað er skeivt at lata kvinnurnar um fáa javnstøðu og lata menninar verða uttan ábyrgd. Menn hava líka stóra ábyrgd í javnstøðuarbeiðnum, og tað vóni eg, at valið av einum manni til formann í Javnstøðunevndini undirstrikar, sigur Hans Pauli Strøm, landsstýrismaður – Eg veit ikki, um alt fer at verða øðrvísi, bara tí at ein maður nú verður formaður. Tað er meira umráðandi, at tann persónurin, sum er formaður, veruliga ger nakað fyri at betra um javnstøðuna, sigur Turið Debes Hentze, fyrrverandi forkvinna í Javnstøðunevndini