hósdagur 25. august 2005síða 4

4 Nr. 160 - 25. august 2005 Páll Finnur Páll eru til reiðari við einari nýggjari útgávu. Og teir halda fram, har teir sleptu seinast ÚTGÀVA Heri á Rógvi heri@sosialurin.fo Teir hava sungið um tann forelskaða sjónleikaran og um leysliga klæddar menn í Plantasjuni. Nú standa heimleys á Herberginum og óreinir abbar á skránni. – Jaja, vit borðreiða við nøkrum sera eymum evn- um hesaferð, eitt nú heim- loysi, blóðskemd, ótti og harðskapur, sigur Finnur Jensen, annar forsangari í bólkinum Páll Finnur Páll. Teir í bólkinum tykjast við nýggju útgávuni Førist vera vorðnir enn fúlari. Tað tykist ikki vera nakað evni, sum ungu menninir ikki hava hug at siga sína hjart- ans meining um. Skal fram Ikki tí. Har eru nakrar kær- leiksvísur og søtir tekstir á fløguni. Men tað er nú einaferð ikki beinleiðis kvøðuljómasangir, ið fáa teg at upp úr stólinum við fyrstu gjøgnumgongd. – Tað skuldi ikki undra meg, um vit fara at skaka nøkur fólk. Tað er eisini meiningin, sigur forsang- arin. Er tað rætt at gera gjøld- ur burturúr teimum heim- leysu? Er tað somuleiðis ikki at fara um mark at syngja um tílíkan ótespilig- an atburð, eitt nú í sangin- um við tí pedofila abban- um? – Vit gera ikki gjøldur burturúr nøkrum. Vit lýsa nakrar trupulleikar í hesum samfelagnum, ið fá tora at siga nakað um. Vit meta tann besta háttin at viðgera evnini vera við einum bein- raknum og speiskum tóna, har vit smyrja ríkiligt uppá, sigur Finnur Jensen. – Hóast føroyska samfel- agið skal eitast at vera eitt væl útbygt vælferðarsam- felag, so búgva framvegis heimleys fólk í Føroyum, og insest verður at kalla ikki tikið upp á tungu, sigur Finnur Jensen, ið saman við Páll Odduri Rubeksen hevur skrivað tekstirnar á fløguni. Drúgva framleiðslu – Hetta er stórt. Vit hava bíðað leingi eftir hesi løtu. Satt at siga ivaðust vit, um løtan nakrantíð fór at koma, sigur ein fegin Finnur Jensen, við greiðari tilsipan til, at fløgan hevur verið óalmindiliga leingi ávegis - bæði í studio og í fram- leiðslu høpi. Upptøkurnar byrjaðu á sumri í fjør og vóru lidnar á páskum í ár. Men av yms- um orsøkum er fløgan ikki komin út fyrr enn nú. Munurin á hesari útgáv- uni í mun til ta fyrru, siga teir í bólkinum vera, at Førist er meira rokkkend og hevur meira beinraknar tekstir. Á fløguni eru tíggju løg umframt eitt goymt eyka- lag. Páll Finnur Páll er einamest kendir fyri lagið Forelskaður Sjónleikari, men eru eisini vorðnir væl umtóktir fyri teirra fram- førslur, serligu tekstir og fangandi løg. Fleiri av nýggju løgunum vóru roynd á G! festivalin- um fyri kortum, og tá tóku fólk øgiliga væl ímóti nýggju løgunum hjá bólk- inum. Enn fúlari Fløguhúsin á Førist hjá Páll Finnur Páll. Mynd: Heiðrik á Heygum. »Børnini komu grátandi, tá hann spældi 1-2-3 sting inn í. Børnini komu ýlandi, tá hann spældi 4-5 longur inn« - Ùr sanginum Pedofilurin ” »Nú fari eg at steikja hjernan á pannuni hjá tær. Eg havi einki etið, síðani daman rýmdi frá mær« - Ùr sanginum Grannin ” »Vit búgva á Herberginum. Vit hava eina heila madrass í part. Vit gingu einaferð í skúla, men har hava vit einki lært.« - Ùr sanginum Herbergið ” Komandi leygardag skipar Sandavágs Ítróttarfelag fyri serstøkum summar- tiltaki. Eitt av forvitn- isligu tiltøkunum henda dagin er brandslangufótbóltur SUMMARSTEVNA Sandavágur: Nógv spenn- andi tiltøk eru á skránni í Sandavági leygardagin, nú árliga summartiltakið hjá ítróttarfelagnum í bygdini er á skránni. Umframt grillparty, laksatorg og víttfevnt undirhald, verður eisini ein serstøk fótbóltskapping á skránni. Henda kappingin verður í stóran mun skipað sum ein vanlig fótbóltskapping, men rættiliga stór frávik eru kortini frá teimum reglum, sum altjóða fót- bóltssambandið hevur sett upp, og sum vanliga verða brúktar, tá dystir verða leiktir á Valloyruni. Í fyrsta lagi er ikki neyð- ugt at dysturin skal spælast á einum vanligum fótbólts- vølli, og í øðrum lagi er málverjin útgjørdur við einum serstøkum amboði, sum nokk skal halda sjálvt teir ídnastu áleypararnar burtur. Sjálv stevnan byrjar kl. 11, og kl. 17 verður hesin serstaki dysturin á skránni, veit heimasíðan hjá Sanda- vágs kommunu at siga frá. Stuttligt og váttligt Hetta er tó ikki fyrstu ferð, at sandavágsmenn eru við í slíkum vátum dystum. Í summar var nevniliga eitt ferðalag, sum taldi 40 fólk úr Sandavági, á vitjan í vinarbýi teirra í Íslandi, Neskaupsstaði. Á hesi vitjan sluppu menninir at luttaka í hesi serstøku kappingini í brandslangufótbólti. Og teir stóðu seg rættiliga væl, og komu heimaftur við heiðursmerkjum í silvuri. Nú skulu so sandavágsfólk og aðrir gestir á stevnuni verða vitni til, hvussu henda kappingin er. Henda heldur sjáldsama kappingin gongur í øllum sínum einfaldni út uppá, at tvey lið hittast til fótbólts- dyst, hvar tað skal vera. Hetta kann ofta verða mitt á gøtuni, har áskoðararnir standa tættir fram við vøll- inum. Fimm mans eru á hvørj- um liði, og reglurnar eru annars sum vanligar fót- bóltsreglur, ella liðini kunnu avtala frávik eftir vild. Tað serliga er kortini tað, at málmaðurin á hvørjum liði hevur eina brandslangu at hjálpa sær við. Hesin spular so alt, sum fyri er, tá bólturin kemur honum ov nær. Tað standast ofta rætti- liga stuttligar – og váttligar – støður av hesum. Eisini áskoðararnir fáa karm av og á. sb. Ættartalva til seyðahundar Seyðahundafelagið hevur nú fingið vissu um, at føroyskir hundar nú kunnu fáa sonevnda ISDS skráseting. Vanliga er bert møguleiki at fáa slíka skráseting, um bæði foreldrini at einum hundi eru skrásett í somu skipan, og tí ber sjálv- andi ikki til uttan víðari at fáa teir før- oysku hundarnar skrásettar. Men fyri stuttum varð Føroya Seyða- hundafelag góðtikið sum limur í ISDS, og tí verður fyrstu stuttuna gjørt undan- tak, soleiðis at ein byrjandi ISDS skrá- seting kann fara fram. Tað verður so sjálvur formaðurin í ISDS, Jim Easton, sum kemur til Før- oya, og verður tað hann, sum ger av, hvørt ein hundur er egnaður til ISDS- skráseting. Vitjanin verður tann 29. august, og sagt verður, at tey, ið ynskja at fáa sínar hundar skrásettar, men sum enn ikki hava latið neyðugu upplýsingarnar, verða biðin um at gera alt fyri. Hetta verður gjørt við at seta seg í samband við formanninum í felagnum, Eyðstein Jensen. -jm Føroyskur formansskapur Henrik Old er nú nýggjur formaður í Útnorðurráðnum. Henrik tekur við formanssessinum eftir íslendska Birgir Ármannsson. Tá Henrik Old tók við sessinum á fundi, sum Útnorðurráðið júst hevur havt, staðfesti hann, at bæði millum- og altjóða samstarv fáa alt størri týdning. – Fyri okkum í útnorðuri inniber hetta bæði avbjóðingar og møguleikar, men tað er truplari hjá smæstu tjóðunum at verða hoyrdar, staðfesti Henrik, sum tó legði afturat, at júst útnorður-samstarvið betrar um hesi kor. Henrik Old er føddur í Vági í 1947. Hann varð fyrstu ferð valdur á ting fyri javnaðarflokkin í 1984. Síðani 1995 hevur hann verið formaður í vinnu- nevndini á tingi. Umframt Henrik Old telir formans- skapurin í Útnorðurráðnum Jonathan Motzfeldt, formaður, og Birgir Armannsson, annar næstformaður. -jm Janus og Janus Rætting. Í grein í blaðnum í gjár umrøddu vit heiðurin, sum Listafelagiði hevði sýnt tveimum av stóru listamonn- um okkara. Tíverri var navnið á øðrum teirra komið skeivt fyri. Í greinini stóð, at tað var Janus Mohr, sum saman við Ingálvi av Reyni hevði fingið heiðurin. Talan skuldi sjálvandi vera um Janus Kamban. Vit biðja lesararnar og teir báðar Janus um umbering fyri mistakið. -jm Ein málverji við handskum og brandslangu Tað gongur bæði hart – og vátt! – fyri seg, tá brand- slangufótbóltur er á skránni. Nú verður skipað fyri slíkari kapping í Sandavági Mynd: Sandavágs kommuna