hósdagur 25. august 2005síða 6

6 Nr. 160 - 25. august 2005 Síðst í komandi mánað fer Norrøna í dokk í eina viku. Orsøkin er tann, at stabilisatorarnir stýriborðsmegin hava ikki virkað til fulnar í summar FERÐAMANNA- SIGLING Terji Nielsen terji@sosialurin.fo Nú vetrarsiglingin nærkast og harvið meiri baldrut veður, skal Norrøna í dokk at fáa stabilisatorarnar umvældar. Eingin vandi Hóast stabilisatorarnir ikki hava virkað til fulnar í summar, er hetta ikki nakað, ið ferðafólkini hava merkt, tí veðrið hevur verið so mikið gott í summar. At brek hevur verið á stabilisatorarnar, hevur ikki havt nakra ávirkan á trygd- ina umborð á Norrønu, tí stabilisatorarnir eru bert til fyri komfortina hjá ferða- fólkunum. Á høvuðsskrivstovuni hjá Smyril Line verður upplýst, at Norrøna verður tikin úr sigling 24. september, og hon kemur aftur í sigling eina viku seinni, tann 1. oktober. Umvælingarnar verða gjørdar á skipasmiðj- uni í Fredericia. Hesa vikuna, ið Norrøna er í dokk í Fredericia, verð- ur eingin ferðafólkaflutn- ingur sjóvegis, men Smyril Blue Water, ið stendur fyri farmaflutninginum, fer at leiga eitt skip, ið kann taka sær av farminum, soleiðis at bæði inn- og útflytarar ikki fara at verða nervaðir av hesum, verður upplýst hjá Smyril Blue Water. Norrøna í dokk Eitt brek á stabilisatorunum í stýriborð hevur við sær, at Norrøna noyðist í dokk í Fredericia í eina viku í september mánað savnsmynd Samkynd viðgjørdu trúarspurningar Týsdagin varð spurt á ANSO-ráðstevnuni, um samkynd kunnu vera trúgvandi. Ein av niðurstøðunum var, at tað er týdningar- miklari at gera tað, ið er gott enn tað, ið er rætt SAMKYND Theodor E. D. Olsen Síðani ANSO-ráðstevnan, sum lesandi samkynd skipa fyri í Norðurlandahúsinum í hesum døgum, fór av bakkastokki, er kjakið um samkynd og átrúnað rætti- liga kyknað. Ikki færri enn tveir samgongulimir, har annar er landsstýrismaður, hava ávarað ímóti at føroyingar hýsa slíkum tiltøkum. Fel- ags fyri grundgevingarnar hjá báðum politikarum er, at teir taka støði í Bíbliuni. Jógvan á Lakjuni, lands- stýrismaður, skrivar m.a. í lesarabrævi í gjár, at "Bíbli- an er púra greið á hesum øki og ávarar harðliga ímóti slíkum livihátti". Javnaðartingmaðurin Gerhard Lognberg mót- mælti somuleiðis í blaðnum í gjár ímóti at, at Hans Pauli Strøm hevði sett ANSO- ráðstevnuna. Hann endur- gav brot úr Rómverja- brævinum og samanbar Før- oyar við støðuna í Sódomu og Gómorru á sinni. Men tað tykist, sum tað finnast fleiri enn tann eini hátturin at lesa og ikki minst tulka Halgubók. ANSO-ráðstevnan setti nevniliga allan týsdagin av til at viðgera spurningin, um samkynd kunnu vera trúgvandi. Dagurin byrjaði við, at tann virðislønti norski dokumentarfilmurin "BE - skitne, syndige me" varð vístur. Filmurin snýr seg um ein 20 ára gamlan drong, sum kallaði seg kristnan, men tók lívið av sær sjálvum, av tí at hann ikki tordi at fortelja sínum næstringum, at hann var samkyndur. Eftit hetta hildu tey bæði Britta Svensson og Arthur Thiry tveir fyrilestrar um mannarættindi og um at sameina sín átrúnað við sína kynsligu orientering. Tey luttóku bæði sum um- boð fyri svenaska felags- skapin EKHO, ið er stytting fyri "Ekumeniska grupp- erna för kristna homo- och bisexuella". Orðið økumeni kann umsetast sum al- kirkjuligt ella felagskirkju- ligt, og verður ofta brúkt, har kirkjur samstarva tvørt- urum samkomumørk. Arthur Tiery starvaðist sum prestur í baptistasam- komu í nógv ár, til hann í 1996 varð koyrdur frá, av tí at hann viðgekk, at hann var samkyndur. Sjálvur sig- ur Arther Tiery, at hevði hetta hent eftir 1999, hevði hann havt møguleika at stevnt hesi kirkjuni, av tí at nýggj lóg um trúarsamfel- øg kom í gildi tá. Svenska fólkakirkjan loysti frá statinum - ella staturin loysti frá kirkjuni - í 2000. Arther Tiery er eisini forseti í The European For- um of Gay and Lesbian Christian Groups. Britta Svensson arbeiðir sum sjúkrarøktarfrøðingar innan psykiatri, men er eisini dia- konur ella hjálparprestur. Heldur tað góða enn tað rætta Nakað av fólki hevði leitað sær í Norðurlandahúsið týsdagin, m.a. tveir flokkar úr Hoydølum, og bíbliu- fatanin hjá teimum báðum fyrilestrahaldarunum var púra greið. Tey løgdu dent á, at tey ikki mettu at vit komu víðari við kjakinum um samkynd, um vit halda fram við at leggja størsta dentin á ávís skriftstøð. Tey hildu tað vera av størri týdningi, at ístaðin fyri at kjakast, hvat er rætt og rangt, eiga vit heldur at tosa um, hvat er gott og ilt. Sjálv argumenteraðu tey við dømum úr Bílbliuni, har lærusveinarnir hjá Jes- usi slitu øks ein hvíludag, og hetta hóvaði ikki farise- arunum. Men Jesus segði hetta vera í lagi, tí læru- sveinarnir vóru svangir, og Jesus var harri hvíludags- ins. Somuleiðis var líknils- ið um tann miskunnsama sámariubúgvan havt á lofti, har sámariubúgvin vísti størri goodwill fyri einum neyðardýri enn bæði ein prestur og levitur gjørdu. Niðurstøðan hjá Brittu Svensson og Arthur Thiery var sostatt, at tað er týdn- ingarmiklari hjá kristnum fólki at gera tað "góða" enn tað "rætta". Røðararnir gjørdu eisini mun á hugtøkum sum ring- ari samvitsku og skomm. Tey grundgóvu fyri hesum við at siga, at meðan tann ringa samvitskan er nakað, sum bilgist í fólki, verður skommin ofta brúkt sam- felagsliga til at seta fólk upp á pláss við. Tey bæði umboðini frá EKHO greiddu eisini frá, at tann svenska kirkjan al- ment byrjaði at viðgera spurningar um samkynd í 1971. Manijeh Elsa Modi, sum samskipar ANSO-ráðstevn- una í Norðurlandahúsinum, sigur við Sosialin, at tað ikki var av tilvild, at hesin eini dagurin á ráðstevnuni var settur av til at viðgera trúarspurningar, av tí at tað í Føroyum so at siga altíð eru átrúnaðarligar argu- ment, sum verða brúkt, tá mælt verður frá at seta lógir í gildi, sum staðfesta rætt- indi hjá samkyndum. Britta Svensson og Arthur Thiery Mynd. J. K. Vang Reyði Krossur Før- oya hevur í sam- starvi við Tórshavn- ar Býráð syrgt fyri, at ein bjálvaður skúrur verður settur upp á Skálatrøð, sum rúsdrekkamis- nýtarar og heimleys kunnu halda til í um dagin HEIMLEYS Terji Nielsen terji@sosialurin.fo Tað hevur leingi verið ein trupulleiki hjá stovnunum á Debesartrøð, at nógvir rúsdrekka-misnýtarar hava fingið sær tilhald í økinum, og hetta hevur verið til stóran ampa fyri stovnarnar og viðskiftafólk. Hetta fekk fyrr í ár Reyða Kross at venda sær til kommununa við einum uppskoti um loysn á trupulleikunum. Reyði Krossur hevur keypt ein arbeiðsskúr upp á 21 fermetrar, sum er bjálv- aður og hevur innlagt vatn og WC, og felagsskapurin hevur heitt á kommununa um at fáa loyvi til at seta skúrin upp á Skálatrøð. Royndartíð upp á tvey ár Uppskotið hjá Reyða Krossi var, at skúrurin skuldi setast upp í eini royndartíð upp á tvey ár, og hesum hevur býráðið tikið undir við. Málið hevur verið fyri bæði í sosialu nevnd og í byggi- og býarskipanarnevndini, har tað varð endaliga samtykt mánakvøldið. Suni Vinther, formaður í Reyða Krossi Føroyar, sigur, at felagsskapurin leingi hevur havt eitt ynski um at veita hesum fólkum, ið ganga fyri vág og vind, eitt slíkt skjól, og hann fegnast um, at býráðið hevur tikið undir við uppskotinum. Hann sigur seg vóna, at tað fer at bera til at seta skúrin upp í hesi vikuni. Misnýtarar fáa skúr