hósdagur 25. august 2005síða 7

Fleiri av smærru skúlunum í Suðuroy hava ongan 1. flokk í ár. Teirra millum er skúlin á Leiti, har als eingin skúlagongd er í ár. Sannlíkt er, at hesin skúlin hevur hýst seinastu næm- ingum sínum. Spurn- ingurin í dag er helst, hvør bygdarskúli verður tann næsti í røðini BYGDARSKÚLAR Snorri Brend Leiti: - Er tann afturlætni skúlin á Leiti eitt fordømi fyri aðrar skúlar í oynni?! Henda spurningin seta mong fólk í Suðuroynni sær, nú skúlagongdin á Leiti er steðgað í ár – og helst eisini í framtíðini. Farna skúlaárið gekk eitt einstakt barn í hesum skúl- anum, og hevði rætt til eitt ár aftrat her. Men Sumbiar kommuna tók hinvegin stig til, at hesin næmingurin varð sendur til skúlan í Vági. Við hesum læt skúlin aftur, og tað eru ikki øll eins fegin um. Tey óttast nevniliga fyri, at hetta dømið av Leiti kann verða fylgt við aðrar av smærru skúlunum í oynni. Sum støðan er beint nú, eru nøkur fá børn undir skúlaaldur í Lopra og Økrum. Men sannlíkindini fyri at tey fara í skúlan á Leiti eru rættiliga avmark- að. Tey fara helst í skúlan í Vági, tá tann tíðin kemur. Uttan næmingar Tað vísir seg nevniliga, at talið av næmingum er fall- andi í teimum smærru skúl- unum í oynni. Hagtølini frá Mentamála- ráðnum fyri skúlarnar í Suðuroynni hetta skúlaárið vísa greitt á hesa somu gongdina: Í Sumbiar skúla fóru tvey børn í 1. flokk í ár, meðan einki barn gongur í 2. flokki og í 5. flokki. Í Porkeri fór bert eittans barnið í 1. flokk. Hetta sama gjørdi seg galdandi í Sandvík, har heldur einki barn er í 4. flokki. Hinvegin so fór einki barn í 1. flokk í Fámjin, har heldur einki barn er í 3. flokki. Nevnast kann, at hagtølini vísa, at av teimum 10 næmingunum í Fánjin ganga seks teirra í 4. flokki. Sama støðan er í Hovi, har einki barn fór í 1. flokk, og har heldur einki barn er í 3. flokki og í 7. flokki. Steingja for ever Tað er kortini ikki alla- staðni í Suðuroynni at talið av skúlabørnum minkar. Á Tvøroyri eru hinvegin fleiri børn í 1. flokki í ár enn í 2. flokki. Her fóru 33 børn í skúla í ár, móti teimum 28, sum nú eru í 2. flokki. Men í Vági er talan um eina minking í ár. Hesaferð fóru bert 19 børn í skúla á fyrsta sinni, meðan 26 næmingar eru í 2. flokki. Sigast skal tó, at talið í ár samsvarar meiri við talið á næmingum í 2. og 3. flokk- unum í skúlanum, har ávikavist 18 og 19 næming- ar ganga. Kortini so eru tað mong sum eru farin at hugsa um smærru bygdarskúlarnar og framtíð teirra. Tey óttast nevniliga fyri, at tær smærru kommunur- nar so líðandi fara at flyta næmingarnar á teir størru skúlarnar. Á henda hátt tekur ein samstundis grundarlagið undan teimum smærru bygdarskúlunum. Nr. 160 - 25. august 2005 7 Tað kann loysa seg at heita á eina komm- unu at bøta um ferðsluviðurskiftini í eini bygd. Tað prógv- aðu tvær kvinnur, sum ynsktu tryggari ferðslu inni í Tjørnu- vík FERÐSLA Snorri Brend Tjørnuvík: Nú verður ikki longur loyvt bilførarum at seta størri bilar frá sær inni í Tjørnuvík. Hetta samtykti bygda- ráðið í Sunda kommunu mánakvøldið, tá eitt upp- skot um ferðsluviðurskift- ini í hesi vøkru bygdini var til umrøðu. Hetta uppskotið gekk út uppá at forbjóða bilum, sum eru størri enn 3,5 tons at parkera á almennum vegi inni í bygdini. Hinvegin so var eisini eitt annað uppskot í somu atløgu til viðgerð, har setast skuldu upp vegforðingar í bygdini. Hetta málið varð ikki samtykt tá, men skal nú kannast víðari. Vegforðing Spurningurin um ferðslu- viðurskiftini í Tjørnuvík gjørdist aftur aktuellur, eftir at tvær kvinnur høvdu heitt á kommununa um at gera nakað við hetta. Hesar báðar kvinnurnar - Randi við Brúgv og Sólrun Magnussen – heittu nevni- liga á Sunda kommunu um at bøta um ferðsluna inni í bygdini. Í fyrstu atløgu skutu hesar kvinnur upp, at gera eina vegforðing um brúnna um Stórá. Í øðrum lagi skutu tær upp at forboð varð sett størri akførum at parkera inni í bygdini. Stórur ampi Hesar báðar kvinnurnar grundgóvu eisini fyri hesi áheitanini: Eftir teirra sannføring var tað til stóran ampa, at bilarnir koyrdu ov skjótt inni í bygdini. Tær vístu eisini á, at tá talan er um parkering av størri akførum so er bygdin alt ov trong til hesi. - Hetta átti eisini at verið óneyðugt, tí eitt parkerings- pláss til stórar bilar er, áðrenn ein kemur til bygd- ina, søgdu tær í áheitanini á kommununa. Tekniska nevndin í Sunda kommuna tók við vælvild móti hesi áheitan- ini, og mælti tekniska nevndin til, at bygdaráðið eisini gjørdi tað sama. Á fundinum mánakvøld- ið samtykti bygdaráðið at forboð verður sett størri bilum at parkera á almenn- um vegi inni í bygdini. Tá talan varð um veg- forðingina við brúnna um Stórá, so ynskti bygdaráðið at málið verður latið aftur til teknisku nevndina til víðari arbeiði. Smærru skúlarnir fara helst í søguna Bert smærri bilar inn í bygdina Onkutíð kunnu nógvir persónbilar standa parkeraðir inni í Tjørnuvík. Tað fáa teir framvegis loyvi til, men teir størru bilarnir mugu í framtíðini parkerast uttanfyri bygdina Skúlabørnini í Sandvík hava rokning fyrrapartin í gjár. Men spurningurin er kanska, hvussu leingi tey sleppa at ganga í bygdarskúlanum í heimbygdini – hesi børnini: Mary, 1. flokkur; Brynhild, 2. flokkur; Tórur, 3. flokkur; Eyðfinnur 3. flokkur og Herálvur 5. flokkur. Sætti næminurin, Olgar, var ikki í skúla í gjár. Lærari er Nita Næs. Mynd: Áki Bertholdsen