leygardagur 17. september 2005síða 2

2 Nr. 177 - 17. september 2005 Landssjúkrahúsið roknar við at brúka eina hálva millión krónur meira til olju enn vanligt, men lagt er upp fyri eini ávísari hækking í fíggjarætlanini OLJUPRÍSUR Eyðun Klakstein eydun@sosialurin.fo Landssjúkrahúsið er størsta almenna arbeiðsplássið í landinum, og har brúka tey nógva olju. Nú oljuprísurin er nógv hækkaður, merkist tað eisini á sjúkrahúsinum í høvuðsstaðnum. – Vit brenna nógva olju, og nú prísurin er hækkaður, koma vit at brúka eina hálva millión meira enn vanligt til oljuna. Men vit hava roynt at lagt upp fyri hesum í fíggjarætlanini hjá okkum, sigur Poul Geert Hansen, sum er stjóri á Landssjúkrahúsinum. Kunnu fara upp um Tað eru avsettar 3,4 milli- ónir krónur til oljunýtsluna á Landssjúkrahúsinum, og um hendan upphæddin fer at halda, veldst um olju- prísin restina av árinum. – Verður oljuprísurin verðandi høgur og kanska hækkar, so kunnu vit enda einar 100 ella 200.000 krónur omanfyri avsettu upphæddina. Fellur olju- prísurin hinvegin, so er nóg mikið sett av, sigur Poul Geert Hansen. – Vit hava roynt at lagt upp fyri hækkandi oljuprís- um, men tað kann verða, at vit ikki hava lagt nóg mikið upp fyri tí. Tað fara síðstu mánaðirnar av árinum at vísa, sigur sjúkrahússtjórin. STARVSLÝSING Landsverk, Tinghúsvegur 5, Postsmoga 78, Tórshavn, Tel 311 333, Faks 314 986, lv@lv.fo, www.landsverk.fo www.sansir.fo Skrivstovufólk Fyri eitt av skrivstovufólkum okkara á starvsfólkadeildini í barsilsfarloyvi verður søkt eftir avloysara at byrja sum skjótast. Arbeiðsuppgávur Starvið fevnir í høvuðsheitum um, í samstarvi við deildar- leiðaran og onnur skrivstovu- fólk á deildini, at røkja ymiskar skrivstovuuppgávur, so sum brævaskifti, telefon, kunning, journal, herundir nýggj journal- skipan, sum er í umbúnað at innføra og aðrar meira vanligar skrivstovuuppgávur. Fyri rætta fólkið er talan um eitt starv við spennandi avbjóðingum, og sum gevur góðar møguleikar fyri persónligari og fakligari menning. Førleikakrøv Umsøkjari skal hava viðkomandi útbúgving innan skrivstovuyrkið og helst royndir innan omanfyri nevndu arbeiðsøki. Tað er umráðandi, at tann, ið settur verður, hevur góð samstarvsevni, dugir at arbeiða miðvíst, sjálvstøðugt og ábyrgdarfult. Góður kunnleiki til tær edv-skipanir, ið vanliga verða nýttar á skrivstovum, er ein treyt. Setanartreytir Løn og setanartreytir annars vera sambært sáttmála millum Fíggjarmálaráðið og Starvsmannafelagið. Umsóknir Umsóknir við prógvum og lívsgongdarlýsing (cv) verða at senda Landsverki, Postboks 78, 110 Tórshavn og skulu verða skrivstovuni í hendi í seinasta lagi 26. sept. 2005. Merkið brævbjálvan "Skrivstovufólk". Nærri upplýsingar um starvið kunnu fáast við at venda sær til Levi Hentze, tel 311 333, fartel 540 811, lh@lv.fo Landssjúkrahúsið merkir oljuprísin – Vit hava roynt at lagt upp fyri hækkandi oljuprísum, men tað kann verða, at vit ikki hava lagt nóg mikið upp fyri tí. Tað fara síðstu mánaðirnar av árinum at vísa, sigur sjúkrahússtjórin Poul Geert Hansen